BAG I 09
Ghebte Nsi ntshùade njam leʼde
O yà toʼ juʼ mbe a bètte mènntùn tshagde yôg so ké? O kô neghù mbùnde tsemoʼ mbètte ké? O kô mbe bo fide ntù o ké? O kô neghebte Yaweh Nsi ké? Leʼde kuʼni neywimdʼo nedunde tshen nzi là. Là, mbwô mat neghù leʼde bʼa zile? Nsi num njuʼ njoñ ndeʼde fa ké? Ke zʼo kuʼni neghù nedù Nsi juʼ tsho ndeʼde à? A ju ze be yen nà.
1. Be ghù neleʼde à we, mbèn ndeʼde mfà à num ke?
Yésu naʼ tswide mbe be ghù neleʼde à ndaʼ Tà ben mve kamànyam. Mba Yésu ze tu naʼ nke ndeʼdʼà Yaweh Nsi. A naʼ tshob mbe: “Bin nke ndeʼde Nsi ndù: ‘Tà yag zʼa be mve kamànyam nà . . .ʼ” (Matio 6:9) Ngelañ be num ndeʼde Yaweh Nsi là, be num nso neta num zebe bamntù mfà num i.
Be be ghù leʼde mfà num mba ke lo. A nenùn mbe, Nsi num njuʼ ba ndeʼde tsʼa be nzin ku ntshùʼ bo ze nekô là. “A be ze be bèttʼé mba ke lo ntùm ze nekô là, mbʼaʼ juʼ be.” (1 Yohané 5:14) Yésu naʼ tunde bon mbwô tshu tse be bo ghù leʼde mfà num bwe là. (Siañ Matio 6:9-13.) Nekwiʼde num ne nke ngù leʼde mfà num tsebe ngùtni, a bètte be ghù leʼde num nelabte Nsi num tshu tsʼa ghù ben nà, mbèn ndeʼdʼé num tu tsemoʼo.
2. Be be ghù leʼdʼà ndùke?
Ñwaʼni Nsi tshwèt nso kù num ben mbe be nke “ngaʼde ntù ben mbwe Nsi.” (Yobkwi 62:8) Ndùlà, a bètte mbe tsebe ndeʼde nke mfe à kuaʼ ntùm ntù ben. Be kuʼni nebe ghù leʼde, ntshob à nze neta ke ntùm ntù ben no, mbèn ntswe à bo taʼ mat zʼa tshwèt ndaʼde mbe be tshwèt nkuʼni Nsi là. Be kuʼni neghù leʼde mba yà lo mba num zit ngelañ no. Nsi num mbùnde tsebe ndeʼde à ndùke?
3. Nsi nke mbùnde tsebe ndeʼde à ndùke?
A num ntshùade njam manze nzenze. Yaweh Nsi fà Ñwaʼni Nsi ben, dùʼ ze be num mfon mbeʼyàm mbùnde tsebe mbètte là. Ne nke nsiañ Ntshob Nsi kuʼni neghù “nkagni tùʼ nzenu.” (Yobkwi 19:7; siañ Yakobo 1:5.) A kuʼni nefà fidentù ben ngelañ ba ngùtni tsho ben nà. A bèn nkuʼni netshùade njam ghafaʼ tse, njwimde ben.
TSWEʼ NTUN MI
Yen mbʼo kuʼni neghù ba ndeʼde ntù ntshùʼ tsʼa tsiañde ntù Nsi mbèn njen bin tsʼo kuʼni nejù njam leʼde là.
4. Mba Nsi tshwèt mbètte mbe bo ghù leʼde là
Nsi num njéʼdʼà num ke kà mbam ke ne nga nejuʼ taʼ leʼde à? Lôde LAʼDE NETSHAÑ.
Yaweh Nsi kô mbe be nke ndeʼdʼé. Siañ Yobkwi 65:2, mbèn mbùnde tshen mbètte li:
-
O kwade mbe “Ngajuʼ leʼde” kô mbe o nke ndeʼdʼé ké? Numke?
A bètte be kagtùn ne nke nze ntshùʼ Nsi, a be ze be kô mbe a nke njuʼ tsebe ndeʼde là. Siañ Mika 3:4 bo 1 Pétro 3:12, mbèn mbùnde yen bètte li:
-
Be kuʼni neghù à ndùke nelèn ke magde mbe Nsi aʼ juʼ tsebe ndeʼde à?
Ngelañ ntsho, ghamaʼ ntsho mba zit bag i lo num ndeʼde Nsi num nemaʼ ntsho ntshùa. A tsin nebébte mbe Nsi bùnde lèn tshen ndeʼde là ké?
5. A bètte tsebe ndeʼde nke mfe à ntù ben
Tsemoʼ benntùn num ntshob à be ju ntshùʼ ntùm tshob ndeʼde njoñ ngelañ fa. Ndaʼndù, a ndùlala ze Nsi kô mbe bo nke ndeʼdʼé ké? Siañ Matio 6:7, mbèn mbùnde yen bètte li:
-
Ke zʼo kuʼni neghù kà nguaʼ mat ne nke ntshob à be ju ntshùʼ ntùm tsho ndeʼde à?
Njoñ léʼ fa, nke nkwimde taʼ ju Yaweh Nsi ghù wù là, mbèn ndabtʼé num bwe. Ghù yennà njoñ léʼ fa num taʼ ngab, ndùlala, oaʼ ghù mbeʼyàm tshu neghù leʼde mfà num bwe, ke nke ntshob à be ju ntshùʼ.
Taʼ mbwô tà tunndà num nkô mbe mén i tshob ju a ntùm ntù i là yi. Be ndañndañ, Yaweh Nsi kô mbe be soñ i ju zʼa be ntù ben nà
6. Leʼde bʼa taʼ ndaʼ zʼa fe Nsi là
Leʼde kuʼni neywimde ben ntùm ngelañ mebwô mba ntùm ngelañ kebwô à ndùke? Lôde LAʼDE NETSHAÑ.
Ñwaʼni Nsi tshwèt ntshob mbe leʼde kuʼni neywimde ben neghù fidentù. Siañ Filipi 4:6, 7, mbèn mbùnde tshen mbètte li:
-
Mba tà ndù tsemoʼ ngelañ, leʼde keʼ be ghù mbe tsebe ngùtni tsin, a num njwimde ben à ndùke?
-
Tunde tsemoʼ tshu tsʼo kuʼni neghù leʼde mfà num bwe là.
O naʼ lèn ké?
Lag ntshob “Amén” nke mbagdʼà mbe “a be ndùlala” ke “kuaʼ nenùne” no. Fe ngelañ mbwe, bo num mbe miagde leʼde, ntshob mbe “Amén”.—1 Kronika 16:36.
7. Tshuʼ ngelañ neghù leʼde
Tsemoʼ ngelañ, be num mfaʼ neshu kà ndagde neghù leʼde. Yésu naʼ nke njen leʼde à ndùke? Siañ Matio 14:23 bo Marko 1:35, mbèn mbùnde tshen mbètte li:
-
Ke ze Yésu naʼ ngù num netshuʼ ngelañ neghù leʼde à?
-
Bʼo ghù leʼde à zit ngelañ à?
TSEMOʼ BENNTÙN NUM NTSHOB MBE: “Neghù leʼde bʼa ndaʼ nebi ngelañ nummbe sàm mènntùn keʼ be juʼ.”
-
Ke zʼo kwaʼdʼà?
JU NETSHÙBE
Ndeʼde ntù ntshùʼ num njwimde ben neghebte Nsi, a num mfà fidentù ben, mbèn mfà neta ben neze ntshùʼ Yaweh Nsi.
Mbètte nekwimde
-
Be ghù neleʼde à we?
-
Be be ghù leʼdʼà ndùke?
-
Bin tsʼo kuʼni nejù njam leʼde là bʼa tsile?
DIAGE
Diag mbùnde ba mbètte bo num ntoʼ mbètte mfà num leʼde là.
“Sept choses à savoir sur la prière” (La Tour de Garde, 1er octobre 2010)
Yen tshu tsʼa ghù leʼde be ju ndùb, mbèn njen mbʼo kuʼni neghù tsho ndeʼde bwô nèn mbwe là.
Yen ju ze Ñwaʼni Nsi tshwèt ntswide mfà num mènntùn be ghù neleʼdʼé là.
Ntùm yen kwi li, yen ju zʼa ghù be kuʼni neghù leʼde mba yà lo mba mba zit ngelañ no là.
