Womepatopo 09

Opoto Papa ponaro naka eʼcho owopekatïrï pato

ETOKO

Amukonïmboto oʼto oweíshe oweijï ekariʼnien amu se otapoharo ma? Mondopa onuputïrï sanorïkon owoturupotoʼkon na? Juha oyapoponohorï se ma? Jehoba ponaro naka noro oweíshe ma? Jehobaʼwa owopekatïrï ijomboro morokon poko owepatomanopa. Neiara katu wopekaʼnopa na? Paʼporo wane amukon wopekatïrï etanopa Opoto Papa? Oʼto oweíshe ma amoro wopekatïrï eyuʼtoʼme iʼya? Nare kïsenen.

1. Noʼkïʼwa kïwopekatïseinie kïtaton, otï poko eropa kïtopekasatomba?

Moʼko kapu tano kïyumïkonʼwa neroʼkon kïwopekatïseinie kïweijïkon tokarishe Jesasʼwa ma. Moʼkoro eropa Jehobaʼwa tïwopekatïʼma ma. Ero paʼme tïka ma: ‹Ero paʼme joke opekaʼtoko: «Naʼna yumï kapu tano . . .»› (Matthew 6:9) Jehobaʼwa kïwopekatïrïkon yako, ambore miaro osepaname kïweijïkon poriʼpie kïneiyan.

Otïro poko kïtopekasatomba iʼya. Kïwopekatïrïkon eyuʼtoʼme te iʼya, ishe yeíʼpio paʼme tïweíshe ma. ‹Oronge otïro poko kïwoturuposando Opoto Papaʼwa, ishe yeíʼpio paʼme aʼta, kïnetanopa.› (1 John 5:14) Jesasʼwa otïkon poko kïwopekatïrïkomba tokarishe ma. (Erupïako Matthew 6:9-13.) Kïpokonokon poko kïtopekasatomba, ijako roropa te chuwarongepïha kïseshen kapokurukonme oʼto kokatakainie Opoto Papa weíʼmiaho ekarichïrï poko iʼya, amukon epatomarï poko eropa iʼya.

2. Neiara kïwopekatïseinie kïtaton?

Opoto Papa Karetarï kapokumaton ‹kowanïkon tarïkarï poko Opoto Papa pohonaka.› (Psalm 62:8) Ijokero kïwopekatïrïkon neiara kïwotaporïkon paʼmero tïweíshe ma. Kourangon wotarï ta kïtopekasatomba ijoseha kïtainie. Nusenome Opoto Papa enerï ta roʼkon te kouranaton ambïako tandïpo, pïre, tokunapo. Amumbo yakoro, owero eropa kïtopekasatomba.

3. Neiara Opoto Papa kïwopekatïrïkon eyusan?

Amukon me meʼme moro paʼme kïneian. Touran moro Paipïrï Jehobaʼwa tïye kïʼwainie ma. Ekemahamboto pore kïwoturupotoʼkon eyukuru kïsepoaton icha. Euran erupïarï koʼye neroten ‹moʼko onumingapïn pore ïamba tïwonumingake.› (Psalm 19:7; erupïako James 1:5.) Sawoʼne kïwotaporïkon ïamba topangon patorï yako kïʼwainie. Kopatomaseinie eropa tïpoʼchorïkon ïpoamba kopaton sene kïaʼtainie.

Koroʼna nekatu osaʼmichako

Upuʼko neiara owotaporï paʼmero owopekatïrïpïa Opoto Papa ïporï ta, neiara eropa owopekatïrïʼwa owepatomarïpïa.

4. Opoto Papa mondo oʼto kïweísheinie ma kïwopekatïrïkon yako

Neiara kïwopekatïrïkon aʼta netanopa Opoto Papa? Eneko moro Piʼcha.

Piʼcha: Does God Listen to All Prayers?—Excerpt (2:42)

Jehoba kïwopekatïseinie tïʼwa ma. Erupïako Psalm 65:2, ijombote enïkon woturupotoʼkon poko orupïatoko:

Moʼko ‹wopekaʼno Etanen› amoro wopekatïsepa tïʼwa mekanosan? Oʼtonoʼme moro paʼme mïkano?

Opoto Papaʼwa omepatoʼkon paʼme komamïseiniepa kïtaton kïwopekatïrïkon etase kïaʼtainie iʼya. Erupïako Micah 3:4 maro 1 Peter 3:12, ijombote enï woturupotopo poko orupïatoko:

Neiara kïweísheinie kïtaton kïwopekatïrïkon etatoʼme Jehobaʼwa?

Opoto woʼono yako, okororo tïweʼchoponamo kïnopekasaton apoʼkarïpïa poko. Koʼye te Opoto Papa yopekatïrïkon eyusamba?

5. Neiara kïwotaporïkon paʼmero kïwopekatïseinie kïtaton

Amukonïmbo tomepaʼmainie mandon erupïoʼtoʼmaho wopekaʼno paʼme yopekatïrïkon poko. Moro paʼmero te Opoto Papa kïwopekatïseinie tïʼwa na? Erupïako Matthew 6:7, ijombote enï woturupotopo poko orupïatoko:

Neiara oweíshe ma ‹ijombo meʼme onipiaʼkapotïha› oweʼchoʼme owopekatïrï ta erupïoʼtoho paʼme?

Ekemaha kuriʼcha onumingako aeroro oʼwin juhïn Jehoba nïrïho poko oʼwa, ijombo choho pioko oweijï ekariʼcho iʼya. Ekemaha kuriʼcha moro paʼme eʼcho oʼwin sundaka paʼme. Moro paʼme oyaʼta, oko yopimiaho amukon meʼme otïkon poko tïwopekase oweíʼpio ma erupïoʼtohame.

Juhïn yumïnano tïʼme wotaporï paʼmero yosekarichïse tïʼwa ma. Piaʼme roropa Jehoba, kïwotaporïkon paʼmero kïwosekarichïseinie tïʼwa ma.

6. Wopekaʼno otï juhïn Opoto Papa nïrïho kïʼwainie

Neiara kïwopekatïrïkon kopatomatomba topangon patorï yako nero kïʼwainie? Eneko moro Piʼcha.

Piʼcha: Prayer Helps Us to Cope (1:32)

Paipïrï kïnekarishan kïwopekatïrïkonʼwa kopatomarïkomba sawoʼne kïwotaporïkon eporï poko kïʼwainie. Erupïako Philippians 4:6, 7, ijombote enïkon woturupotoʼkon poko orupïatoko:

Oronge rorïpo kïwopekatïrïkon ekemahane kïpokonokon onipioroʼkahapai yeijï, neiara te sheʼme kopatomatomba?
Otïkon hero amukonïmbo pioko owopekatïsepa oweʼchopo?

Mupusan ro enï?

«Amen» wïkaho hero moro paʼmero neinie, ijoseha taro neroten. Penaro weiniomboro Jehoba poʼchorïkonʼwa «amen» aʼkuʼmahombo ma tïwopekatïrïkonʼmatïrïme.—1 Chronicles 16:36.

7. Mondo neiako owopekaʼtopo neinie

Amukonïmbo yako tomaminie pane kïseiyaton, kïtuwarongesatomba joke kïwopekatïrïkon poko. Neiara tïsepa Jesasʼwa wopekaʼno tone na? Erupïako Matthew 14:23 maro Mark 1:35, ijombote enïkon woturupotoʼkon poko orupïatoko:

Oʼto Jesas tïweiye na tïwopekaʼtoʼme?
Neiara aʼta owopekaʼtopo mepoan?

Amukonïmbo ïngaton: «Wopekaʼno juha wotapotopo roten moro, opatomatoha rorïpo te ma.»

Oʼto moroʼwa mïkano?

Saniʼmieme enï womepatopo ekarichïrï

Kïwotaporïkon paʼmero kïwopekatïrïkon Opoto Papa ponaro naka noro kïpoaton, sawoʼne kïwotaporïkon ïan, kïporiʼchorïkon ïan eropa Jehoba ïpotoʼme kïʼwainie.