AYEGHLE 09

Yireghe Jehôva bebéñ ngalane meyaghlan

A WOKH A NKOBE

Ye é kuiñ a wô naa wa yi naa be ve wa melepgha éning dwiè ? Ye ô bele bôra minsili mizing wa yi naa be ve wa biyalane ? Ye wa yi naa be ve wô ngu’u é vôm wa wôrane atakh ? Ye wa kômô wôrane naa ô ne Jehôva bebéñ ? Meyaghlan me ne wô vole nfa minsili mise mité. Ve, aval avé ô ne yaghlan aval da yiène ? Ye Nzame a wokh meyaghlan mesese ? Za dzam ô ne bo nge wa kômô naa a wokh meyaghlan mwiè ? Ayeghle di été, bia ye yén biyalane akal minsili mité.

1. Za bia yiène yaghlan ñe, ye naa z’aval mam bi ne kobe meyaghlan été ?

Yésu a nga dzô naa bia yiène yaghlan fave é Tare wèè a ne a dzôp été. Yésu émièn a mbe é yaghlan Jehôva. A nga dzô naa : « Mi ne yaghlan aval di : ‘É Tare wèè a ne a dzôp été [. . .]’» (Matthieu 6:9) Éyong bia yaghlan Jehôva, bia yemle angom dèè ya ñe.

Bi ne yaghlan akal mam mese. Ve, nfa ye naa Nzame a yalane meyaghlan mèè, bia yiène ñe sili é mam ma wulu nsama ya nkôman wèñ. « A bo é dzam asese bia sili, déé wulu nsama ya nkôman [Nzame], a bèè bia. » (1 Jean 5:14) Yésu a nga lere bia aval mam bi ne sili meyaghlan mèè été. (A lang Matthieu 6:9-13.) Éyong bia yaghlan, biaa yiène ki fave sili é mam mèè, bia yiène fe ve Jehôva akiba akal é mam mese a ve bia, ye fe sili naa a vole é bôr bevoo.

2. Aval avé bi ne yaghlan ?

Bible a sakh bia naa bi « wiè [Nzame] min’nem miè. » (Bya 62:8) Éde meyaghlan mèè ma yiène so n’nem ôsi. Bi ne yaghlan ôyap yô, nge ki n’nem wèè été, ve bia yiène top fave étéñ da lere naa bia ve Jehôva ngang. Bi ne fe yaghlan éyong ése ya é vôm sese bi ne.

3. Aval avé Jehôva a yalane meyaghlan mèè ?

A bo de abuiñ meval. Jehôva a nga ve bia é kalare wèñ Bible, naa a vole bia naa bi bele biyalane akal minsili miè. A lang kalare Nzame é ne « [ve] naa é môr a ne asukh a bo akeng. » (Bya 19:7 ; A lang Jacques 1:5.) Nzame a ne fe bia ve mvoa ya nsisim éyong bi tele minzukh été. A ne fe belane bebo bisèñ bèñ naa be vole bia éyong bia kômô avole.

A TUGHA FAS

Daghe aval avé ô ne bo meyaghlan ma ve Jehôva n’nem mbeng, ye yén abuane meyaghlan meté me ne so wô me.

4. É mam bia yiène bo nge bia yi naa Jehôva a yalane meyaghlan mèè

Za mam me ne ve naa Nzame a yebe meyaghlan mèè nge ki kaa ? Daghane ÉNGENGENG.

ÉNGENGENG : Ye Nzame aa wokh meyeghlan mese?—Abong (2:42)

Jehôva a yi naa bi yaghlan ñe. A lang Bya 65:2, éyong té mia lèè minlang mia daghe minsili mia zu mi :

Ye wa simane naa « é Môr a bèè meyaghlan » a kômô naa ô yaghlan ñe ? Amu dzé, nge ki amu dzé kaa ?

Bia yiène ning aval ane metsing Jehôva ma sili bia de nge bia yi naa a bèè meyaghlan mèè. A lang Michée 3:4 ya 1 Pierre 3:12, éyong té mia lèè minlang mia daghe nsili wa zu wi :

Aval avé bi ne tobe mebun naa Jehôva a ye bèè meyaghlan mèè ?

Éyong aluman é ne, mengam mebèñ me ne yaghlan naa me wun aluman té. Y’é ne sôsôe naa be yane naa Nzame a yalane meyaghlan meba ?

5. Meyaghlan mèè ma yiène so n’nem ôsi

Éyong bôr b’ézing ba yaghlan, ba baalé mam mevoo-mevoo. Ve, ye Nzame a kômô naa bi yaghlan ñe aval té ? A lang Matthieu 6:7, éyong té mia lèè minlang mia daghe nsili wa zu wi :

Dzé ne wô vole naa « ô ta’a baalé mam mevoo-mevoo » meyaghlan mwiè été ?

Melu mesese, ô ne simane mbemba dzam ézing Jehôva a va bo akal dwiè, ye ve ñe de akiba meyaghlan été. Nge ô boo de kada môs ye sono, da ye wô vole naa, ébe melu zangbwa me ye sono, ô bele minféféñ mi-mam wa yé ñe dzô, ye naa mboane té wa ye wô vole naa ô ta’a baalé mam mevoo-mevoo meyaghlan mwiè été.

Mbemba ésaa a yi naa é moan wèñ a kobe ñe ya n’nem ôse. Aval dèè fe, Jehôva a yi naa bi yaghlan ñe ye n’nem wèè ôse

6. Meyaghlan me ne mbemba das Jehôva a ve bia

Aval avé meyaghlan me ne bia vole, a dang-dang éyong bia tubane minzukh éning dèè ? Daghane ÉNGENGENG.

ÉNGENGENG : La oración nos ayuda a seguir adelante nge ki La prière peut nous aider à endurer une épreuve (1:32)

Bible a kiagh naa meyaghlan me ne bia vole a bele mvoa ya nsisim. A lang Bephilippien 4:6, 7, éyong té mia lèè minlang mia daghe minsili mia zu mi :

É ne été naa meyaghlan maa vèè ki minzukh bia tubane mio éyong ése, ve, aval avé ma vole bia ?
Za mam ô ne kômô kobe meyaghlan mwiè été ?

Ye ô va yem de ?

Éfiè « amen » da yili naa « é tobeghe aval té » nge ki faa « foghe-foghe. » A Bible été, be wôla tu éfiè, « amen » amangha ye meyaghlan. —1 Milang 16:36.

7. Ñonghe tam naa ô bo meyaghlan

Bia vuène naa bi yaghlan biyong bizing amu bi wôla bele abuiñ mam me ya bo. Za éban meyaghlan me mbe me bele ébe Yésu ? A lang Matthieu 14:23 ya Marc 1:35, éyong té mia lèè minlang mia daghe minsili mia zu mi :