NǓKPLƆNKPLƆN 09
Sɛkpɔ́ Mawu Gbɔn Ðɛxixo Gblamɛ
A ka mɔ ɖɔ emi ɖó hudo alixlɛ́mɛ tɔn ɖò gbɛzán emitɔn mɛ kpɔ́n à? A ɖó nǔkanbyɔ taji ɖé lɛ bo jló na mɔ xósin na wɛ à? A ɖó hudo gbɔdónúmɛ alǒ wusyɛn dó lanmɛ nú mɛ tɔn wɛ à? A ba na mɔ ɖɔ emi sɛkpɔ́ Jehovah wɛ à? Ðɛxixo sixu d’alɔ we bɔ a na sú nǔ enɛ lɛ bǐ sín dò. Amɔ̌, nɛ̌ è ka ɖó na nɔ xoɖɛ gbɔn? Mawu ka nɔ ɖótó ɖɛ lɛ bǐ à? Etɛ a ka sixu wà, bá kúdeji ɖɔ é na ɖótó ɖɛ towe lɛ? Mǐ ni kpɔ́n.
1. Mɛ̌ mǐ ka ɖó na nɔ xoɖɛ sɛ́dó? Etɛ lɛ takúnmɛ mǐ ka sixu nɔ xoɖɛ dó?
Jezu kplɔ́n mǐ ɖɔ mǐ ɖó na nɔ xoɖɛ sɛ́dó Tɔ́ mǐtɔn jixwé tɔn ɔ kɛɖɛ. Jezu ɖesu xoɖɛ sɛ́dó Jehovah. É ɖɔ: “Lee mi ɖó na nɔ xoɖɛ gbɔn ɔ ɖíe: ‘Tɔ́ mǐtɔn e ɖò [jixwé] ɔ . . .’” (Matie 6:9) Nú mǐ nɔ xoɖɛ sɛ́dó Jehovah ɔ, mǐ kpo é kpo nɔ lɛ́ vɛ́ d’eji.
Ðibla nyí nǔ lɛ bǐ tamɛ wɛ mǐ sixu xoɖɛ dó. É ɖò mɔ̌ có, cobonu Mawu na na sinkɔn nú ɖɛ mǐtɔn lɛ ɔ, ye ɖó na sɔgbe xá jlǒ tɔn. “Mǐ byɔ nǔ ɖebǔ nú é sɔgbe xá jlǒ [Mawu] tɔn ɔ, é nɔ ɖótó mǐ.” (1 Jaan 5:14) Jezu na nǔ ɖěɖee sɔgbe, bɔ è sixu xoɖɛ dó takún yetɔn mɛ é ɖé lɛ sín kpɔ́ndéwú. (Xà Matie 6:9-13.) Gɔ́ nú ɖɛxixo dó nǔ e nɔ vɛ́ adɔ̌ mǐ lɛ é takúnmɛ ɔ, mǐ ɖó na nɔ lɛ́ dókú nú Mawu nú nǔ e é nɔ wà nú mǐ lɛ é, bo na nɔ lɛ́vɔ byɔ ɛ ɖɔ é ni d’alɔ mɛ ɖevo lɛ.
2. Nɛ̌ mǐ ka ɖó na nɔ xoɖɛ gbɔn?
Biblu dó wusyɛn lanmɛ nú mǐ ɖɔ ‘mǐ ni ɖɔ nǔ e ɖò ayi mǐtɔn mɛ lɛ bǐ nú Mawu.’ (Ðɛhan 62:9) Hǔn, ɖɛ mǐtɔn lɛ ɖó na nɔ gosin ayi gɔngɔn mǐtɔn mɛ. Mǐ sixu xoɖɛ dó jǐ alǒ dó xomɛ, bo nɔ alɔkpa ɖebǔ e ɖè sísí xlɛ́ é. Mǐ sixu xoɖɛ hweɖebǔnu, ɖò fí ɖebǔ.
3. Nɛ̌ Mawu ka nɔ na sinkɔn nú ɖɛ mǐtɔn lɛ gbɔn?
É nɔ wà mɔ̌ ɖò ali vovo nu. Jehovah sɔnǔ nú Xó tɔn Biblu ɔ, bɔ mǐ nɔ mɔ xósin nú nǔkanbyɔ mǐtɔn lɛ ɖ’emɛ hwɛhwɛ. Xó Mawu tɔn xixa sixu “na nǔnywɛ mɛ e ma ɖó nǔnywɛ ɖě ǎ é.” (Ðɛhan 19:8; xà Jaki 1:5.) É sixu bló bɔ mǐ ɖó fífá ayi mɛ tɔn, hwenu e mǐ ɖò xwi ɖí xá tagba lɛ wɛ é. É sixu lɛ́ sísɛ́ mɛsɛntɔ́ tɔn lɛ bɔ ye na d’alɔ mǐ, hwenu e mǐ ɖò hudo mɛ tawun é.
BA DÒ NÚ NǓ D’EJI
Kpɔ́n lee a sixu nɔ xoɖɛ kpo ayi towe bǐ kpo sɛ́dó Mawu, bɔ é na nɔ nyɔ́ nukún tɔn mɛ gbɔn é, bo lɛ́ kpɔ́n lee ɖɛxixo sixu hɛn lè wá nú we gbɔn é.
4. É byɔ nǔɖe lɛ cobɔ Mawu na sè ɖɛ mǐtɔn
Nú Mawu na yí gbè nú ɖɛ mǐtɔn lɛ, alǒ gbɔ ɔ, etɛ lɛ wu é ka na sín? Xò VIDEO ɔ.
Jehovah ba ɖɔ mǐ ni nɔ xoɖɛ sɛ́dó emi. Xà Ðɛhan 65:3, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
A ka lin ɖɔ Mɛ e “nɔ sè ɖɛ” é ba ɖɔ hwi ni nɔ xoɖɛ sɛ́dó emi à? Etɛwu?
Nú mǐ ba ɖɔ Mawu ni nɔ sè ɖɛ mǐtɔn lɛ ɔ, mǐ ɖó na nɔ zán gbɛ̀ sɔgbe xá nǔgbododó tɔn lɛ. Xà Micée 3:4 kpo 1 Piyɛ́ɛ 3:12 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Etɛ mǐ ka sixu wà, bá kúdeji ɖɔ Jehovah na sè ɖɛ mǐtɔn lɛ?
Ðò ahwan ɖé hwenu ɔ, ahwankpá we lɛ bǐ sixu xoɖɛ bá ɖu ɖ’eji. É ka sɔgbe ɖɔ è ni ɖó nukún ɖɔ Mawu ni na sinkɔn nú ɖɛ enɛ lɛ à?
5. Mǐ ɖó na nɔ xoɖɛ sín ayi mɛ
È kplɔ́n mɛɖé lɛ ɖɔ ye ni nɔ vɔ́ ɖɛ ɖokpo ɔ lɛ xò, alǒ ye ni nɔ xoɖɛ dó gbè e ye ma sè ǎ é mɛ. Lee Mawu ka ba ɖɔ mǐ ni nɔ xoɖɛ gbɔn é jɛn nɛ à? Xà Matie 6:7, nwt, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ mǐ ka sixu nyi alɔ nú ɖɛ e mɛ è nɔ ɖò “nǔ ɖokpo ɔ lɛ vɔ́ ɖɔ wɛ” ɖè lɛ é gbɔn?
Ðò azǎn ɖokpo ɖokpo jí ɔ, a sixu nɔ lin tamɛ dó nyɔna e a mɔ ɖò gbɛzán towe mɛ é ɖé jí, enɛ gudo hǔn, nɔ dókú nú Jehovah ɖó nyɔna enɛ wu. Wà mɔ̌ gbè bǐ gbè nú aklunɔzán gbla ɖokpo, enɛ na zɔ́n bɔ a na xoɖɛ dó nǔ vovo tɛnwe jí, lobo sɔ́ na vɔ́ nǔ ɖokpo ɔ lɛ ɖɔ ǎ.
Tɔ́ ɖagbe ɖé nɔ ba ɖɔ vǐ emitɔn ni ɖɔ nǔ e ɖò ayi tɔn mɛ é nú emi. Mɔ̌ ɖokpo ɔ, Jehovah nɔ ba ɖɔ mǐ ni nɔ xoɖɛ sɛ́dó emi sín ayi mɛ
6. Nǔnina Mawu tɔn ɖé wɛ ɖɛ nyí
Nɛ̌ ɖɛxixo ka sixu na hlɔnhlɔn mǐ ɖò táan ɖagbe lɛ kpo nyanya lɛ kpo mɛ gbɔn? Xò VIDEO ɔ.
Biblu d’akpá ɖɔ ɖɛ sixu d’alɔ mǐ bɔ mǐ na ɖó fífá ayi mɛ tɔn. Xà Filipunu lɛ 4:6, 7, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Ðɛxixo nɔ ɖè tagba mǐtɔn lɛ síìn hwebǐnu ǎ có, nɛ̌ é ka nɔ d’alɔ gbɔn?
-
Nǔ ɖětɛ lɛ mɔ̌ takúnmɛ a ka jló na xoɖɛ dó?
A ka tuùn à?
Xókwín “nicɛ” ɔ sín tinmɛ wɛ nyí ɖɔ “é ni nyí mɔ̌,” alǒ “é ni cɛ́.” Sín Biblu sín táan mɛ ɖokpóo wɛ è ko nɔ ɖɔ “nicɛ” ɖò vivɔnu ɖɛ lɛ tɔn.—1 Tan 16:36, nwt.
7. Nɔ ɖè hwenu ɖó vo nú ɖɛxixo
Hweɖelɛnu ɔ, alɔnu mǐtɔn sixu ján kaka bɔ mǐ na wɔn bo gɔn ɖɛ xò. Nɛ̌ ɖɛxixo ka ɖò taji nú Jezu sɔ? Xà Matie 14:23 kpo Maki 1:35 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Etɛ Jezu ka wà bá mɔ hwenu dó xoɖɛ?
-
Hwe tɛ lɛ nu a ka sixu mɔ táan bo xoɖɛ?
MƐÐÉ LƐ ÐƆ: “Ðɛxixo ɔ, sin kɔn nyi kpákpá-nɛgbé wɛ.”
-
Xósin tɛ hwɛ ka na na mɛ mɔ̌hun lɛ?
ETƐ LƐ A KA KPLƆ́N?
Ðɛ ɖěɖee mǐ nɔ xò sín ayi gɔngɔn mǐtɔn mɛ lɛ é nɔ zɔ́n bɔ mǐ nɔ sɛkpɔ́ Mawu, nɔ na mǐ fífá ayi mɛ tɔn, bo nɔ lɛ́ na mǐ hlɔnhlɔn e sín hudo mǐ ɖó bo na hɛn xomɛ Jehovah tɔn hun é.
Vɔ̌gbɔnji
-
Mɛ̌ mǐ ka ɖó na nɔ xoɖɛ sɛ́dó?
-
Nɛ̌ mǐ ka ɖó na nɔ xoɖɛ gbɔn?
-
Lè tɛ lɛ mɔ̌ ɖɛxixo ka nɔ hɛn wá?
KÍJÉ
Mɔ xósin nú nǔ e mɛ gegě nɔ kanbyɔ dó ɖɛ wu lɛ é.
“Nǔ E A Ðó Na Tuùn Dó Ðɛ Wu É Tɛnwe” (Atɔxwɛ [Flansegbe] 1er octobre 2010)
Kplɔ́n nǔ dó hwɛjijɔ taji ɖěɖee wu a na nɔ xoɖɛ é, kpo lee a na bló bɔ ɖɛ towe lɛ na kpɔ́n te gbɔn é kpo wu.
Kpɔ́n nǔ e Biblu kplɔ́n mɛ dó mɛ e mǐ ɖó na nɔ xoɖɛ sɛ́dó é wu é.
“Un ka Ðó Na Xoɖɛ Sɛ́dó Mɛ Mímɛ́ lɛ Wɛ À?” (Xóta Ɛntɛnɛti jí tɔn)
Ðò nǔxixo sín video elɔ mɛ ɔ, kpɔ́n ɖɔ fí e è nɔ bo xoɖɛ é alǒ hwenu e è wà mɔ̌ é wɛ ɖò taji à jí.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
