ODHEAI 09
Magnnea Vorvim Devak Lagim Sorat
Ami kitem korchem tem ek-ek pavtt amkam khobor asona. Punn magnnem kortat tednam Dev amkam vatt dakhoita, amchea prosnanche zobab dita ani amkam bhuzvonn dita. Titlench nhoi, magnneam udexim ami Devachea lagim sortat. Punn ami Devak manvota tea toren koxem magnnem korunk zata? Dev sogleanchim magnnim aikota kai? Dev tumchim magnnim aikotolo zalear tumi kitem korunk zai? Hea vixim ami zannam zaum-ia.
1. Ami konna lagim magnnem korunk zai, ani ami kitem magonk zata?
Ami fokot Jehova lagim magnnem korunk zai mhunn Jezun xikoilem ani tannem pasun toxench kelem. Tannem mhunnttlem: “Tumi oxe toren magnnem korat: ‘Amchea Bapa sorginchea . . . ’” (Matev 6:9) Ami Jehova lagim magnnem kortat tednam tachea lagim amchi ixttagot ghott zata.
Ami magtat tem Devache khuxe pormonnem asonk zai. Oxem kelear, Dev amchim magnnim aikotolo. Bible sangta, “Devache khuxe pormonnem, ami kitem-i maglear to amchem aikota.” (1 Juanv 5:14) Ami kitea vixim magnnem korunk zata tem Jezun sanglam. (Matev 6:9-13 vachat.) Ami fokot amcheach pasot nhoi punn dusream pasot-ui magonk zai. Titlench nhoi, ami magnneant Devache upkar pasun attounk zai.
2. Ami koxem magnnem korunk zai?
Bible sangta, “soglle tujea kallzache huske [Devachea] kallzant ghal.” (Stotr 62:8) Tor ami jem kitem magtat tem amchea kallzantlean magonk zai. Amchean vhoddan vo monantlea-monant magonk zata. Ami magnnem kortana Devak man dakhounk zai. Ami khoinchea-i zagear ani khoinchea-i vellar magnnem korunk zata.
3. Dev amchea magnneak koso zobab dita?
Dev amchea magnneak zap diunk veg-veglleo vatto uzar korta. Ek vatt mhunnttlear Bible. Tantunt Dev amkam amchea prosnanche zobab dita. Devachem Utor ‘nentteank zannvaien’ bhorta. (Stotr 19:7; Jakob 1:5 vachat.) Oddchonneanchea vellar Jehova Dev amkam monachi xanti dita. Thodde pavtt amchea magnneak zap diunk to aplea sevokank uzar korta.
KHOLAIEN XIKAT
Devak manvota tea ritin tumi koxem magnnem korunk zata ani magnnem kelʼlean tumkam koxi modot mellttoli tem zannam zaiat.
4. Devak manvota tea ritin magnnem korat
Devan amchim magnnim aiklolim amkam zai zalear ami kitem korunk zai? VIDEO polloum-ia.
Dev tumchim magnnim aikonk axeta. Stotr 65:2 vachun hea prosnanche zobab zannam zaum-ia:
-
‘Prarthon aikopi’ Dev tumchi magnnim aikonk axeta oxem tumkam dista? Kiteak?
Devan amchem magnnem aikon gheunk zai zalear ami to sangta tea toren jieuncho proitn korunk zai. Mika 3:4 ani 1 Pedru 3:12 vachun hea prosnacho zobab zannam zaum-ia:
-
Jehovan amchem magnnem aikon gheunk zai zalear ami kitem korunk zai?
Zhuzachea vellar don-ui vatten aslole soinik zoit mellonk magnnem kortat. Oslim magnnim Dev aikota oxem tumkam dista?
5. Ami kallzant thaun magnnem korunk zai
Thoddo lok porot-porot tinch utram uzar korun magnnem kortat karonn tankam bhurgeaponnar thaun toxench xikoilʼlem asa. Punn oslim magnnim Dev manun gheta kai? Matev 6:7 vachun sokol dilʼlea prosnacho zobab zannam zaum-ia:
-
Magnnem kortana ‘tinch-tinch utram porot-porot mhunno nakat’ mhunn Bible sangta. Tor ami koxem magnnem korunk zai?
Tumchea jivitant dor disa kitem borem zalam tacher tumi niall korunk zata ani tea pasot Jehovache upkar attounk zata. Hea toren, tumi dor disa veg-vegllea karonnank lagon Jehovache upkar attounk pavtolim ani tumi tench magnnem porot-porot korchimnant.
Bhurgean kallzant thaun aplea lagim uloilʼlem tachea bapaik zai. Toxench, ami pasun kallzant thaun magnnem kelʼlem Jehovak zai
6. Magnnem Devachem ek dennem
Ami kotthin poristhitint astat tednam magnnem kelʼlean amkam koxi ghottai melltta? VIDEO polloum-ia.
Magnnem kelʼlean monachi xanti melltta mhunn Bible sangta. Filipkarank 4:6, 7 vachun hea prosnanche zobab zannam zaum-ia:
-
Magnnem kelʼlean amche tras ghoddie sodanch pois zaunchenant. Punn magnnem amkam koxem modot korta?
-
Tumi kitea vixim magnnem korunk sodhtat?
Tumi zannant?
“Amen” mhunnttlear “toxench zaum.” Adlea kallar pasun magnneachea xevottak lok “amen” mhunnttale. —1 Itihas 16:36.
7. Magnnem korunk visronakat
Ek-ek pavtt ami amchea kamant itlim buddlolim astat ki ami magnnem korunk visortat. Magnnem korop Jezuk kitlem mhotvachem aslem? Matev 14:23 ani Marku 1:35 vachun hea prosnanche zobab zannam zaum-ia:
-
Magnnem korunk Jezun kednam ani koso vell kaddlo?
-
Tumi khoinchea vellar magnnem korunk zata?
THODDO LOK MHUNNTTA: “Dev amchem magnnem aikona, tor magnnem korun kitem faido!”
-
Tumi kitem mhunnttolim?
KITEM XIKLIM
Ami kallzant thaun magnnem kortat tednam ami Jehova Devachea lagim sortat, amkam monachi xanti melltta ani taka manvota tem korunk amkam adar zata.
Porot Ugddas Korum-ia
-
Ami konnam lagim magnnem korunk zai?
-
Ami koxem magnnem korunk zai?
-
Magnnem kelʼlean amkam koso adar zata?
ANIK SODHAT
Magnnea vixim thoddea prosnanche zobab zannam zaiat.
“Magnnea Vixim Sat Prosnanche Zobab Zannam Zaiat” (The Watchtower, October 1, 2010)
Ami kiteak magnnem korunk zai ani Devak manvota tea ritin ami koxem magnnem korunk zata tem zannam zaiat.
Ami konnam lagim magnnem korunk zai tea vixim Bible kitem sangta tem polloiat.
“Hanvem Sant-bhoktam Lagim Magnnem Korunk Zai?” (Web article)
Tumi khoinchea zagear ani kednam magnnem korunk zata tem zannam zaunk ho video polloiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
