LEKSIÓN 09
Eñemboʼe Ñandejárape eñemoag̃uive hag̃ua hese
¿Ndépa sapyʼánte rehechakuaa reikotevẽha gía redesidi porã hag̃ua? ¿Reikotevẽpa konsuélo ha esperánsa? ¿Oĩpa álgo ndepyʼapýva ha reikuaasetereíva? ¿Reñemoag̃uisevépa Jehováre? Pe ñemboʼe ikatu nepytyvõ enterove koʼã situasiónpe. Péro oiméne reikuaase, ¿mbaʼéichapa ñañemboʼe vaʼerã? ¿Ohendúpa Ñandejára entéro ñemboʼe? ¿Mbaʼépa rejapo vaʼerã Ñandejára ohendu hag̃ua ne ñemboʼe? Ko leksiónpe ñarrespondéta koʼã porandu.
1. ¿Mávapepa ñañemboʼe vaʼerã ha mbaʼépa ikatu jaʼe ñane ñemboʼépe?
Jesús oñemboʼe vaʼekue Jehovápe añoite, ha heʼi ñande avei jajapo vaʼerãha upéicha. Haʼe heʼi: “Peñemboʼe vaʼerã péicha: ‘Ore Ru reiméva yvágape...’ ” (Mateo 6:9). Amáske ñañemboʼe Jehovápe ñañemoag̃uive hese.
Ñañemboʼe jave ikatu ñañeʼẽ Ñandejárandi hetaiterei mbaʼére. Péro ñanerendu hag̃ua, umi mbaʼe jajeruréva oĩ porã vaʼerã la haʼe oipotávandi. La Biblia heʼi: “Oimeraẽ mbaʼe jajeruréva Ñandejárape, oĩ porãramo hembipotándi, haʼe ñanerendúta” (1 Juan 5:14). Jesús ohechauka vaʼekue mbaʼe mbaʼe rehepa ikatu ñañemboʼe Ñandejárape (elee Mateo 6:9-13). Iporã jajerure Ñandejárape umi mbaʼe ñandepyʼapývare, péro ñanemanduʼa vaʼerã iñimportanteha jaagradese chupe ha jajerure avei toipytyvõ umi ótrope.
2. ¿Mbaʼéichapa ñañemboʼe vaʼerã?
La Biblia ñanemokyreʼỹ ‘ñamombeʼupaite hag̃ua Ñandejárape umi mbaʼe oĩva ñande pyʼapýpe’ (Salmo 62:8). Upéicharõ ñañemboʼe jave ñamombeʼupaite vaʼerã Ñandejárape mbaʼéichapa ñañeñandu. Ikatu ñañemboʼe Ñandejárape en vos álta, ñande pyʼapýpente, oimeha óra ha oimeha lugárpe, péro siémpre jahechauka vaʼerã jarrespetaha chupe jajapóvo upéva.
3. ¿Mbaʼéichapa Ñandejára orresponde ñane ñemboʼe?
Jehová ojapo upéva de diferénte fórma. Por ehémplo omeʼẽ ñandéve Iñeʼẽ la Biblia ha upépe oñerresponde umi mbaʼe jaikuaaséva jepi. Upévare Salmo 19:7-pe heʼi voi Ñandejára Ñeʼẽ ikatuha “omoarandu umi ndoikuaáivape mbaʼeve” (elee Santiago 1:5). Avei Ñandejára ikatu ñanepytyvõ ñaime hag̃ua trankílo ñambohovái jave umi mbaʼe ijetuʼúva. Ha sapyʼánte katu ojevale ótro isiérvore ñanepytyvõ hag̃ua tekotevẽramo.
EJEPYʼAMONGETAMÍNA
Jahechamína mbaʼépa rejapo vaʼerã Ñandejára oguerohory hag̃ua ne ñemboʼe ha mbaʼéichapa upéva ideprovechoitereíta ndéve.
4. ¿Mbaʼépa jajapo vaʼerã Ñandejára ñanerendu hag̃ua?
¿Mbaʼépa Ñandejára oreko enkuénta odesidi hag̃ua ohendútapa ñane ñemboʼe? Ehecha pe VIDÉO.
Jehová oipotaiterei ñañemboʼe chupe. Elee Salmo 65:2, ha upéi erresponde koʼã porandu:
-
Según pe téxto, ¿ndépa ere Ñandejára oipotaha nde reñemboʼe chupe? ¿Mbaʼérepa repensa upéicha?
Jaipotáramo Ñandejára ohendu ñane ñemboʼe jaiko vaʼerã haʼe oipotaháicha. Elee Miqueas 3:4 ha 1 Pedro 3:12, ha upéi erresponde ko porandu:
-
¿Mbaʼéichapa ikatu ñaime segúro Jehová ohendutaha ñane ñemboʼe?
Oiko jave peteĩ gérra umi soldádo oñemboʼe Ñandejárape oipytyvõ hag̃ua chupekuéra ogana hag̃ua, ¿ndépa ere Ñandejára ohendutaha koʼãichagua ñemboʼe?
5. Ñañemboʼe vaʼerã ñande pyʼaite guive
Oĩ opensáva oñemboʼe jave Ñandejárape orrepetínte vaʼerãha de memória peteĩ orasión. Péro, ¿añetehápepa Ñandejára oipota upéicha jajapo? Elee Mateo 6:7, ha upéi erresponde ko porandu:
-
¿Mbaʼépa rejapo vaʼerã ani hag̃ua errepeti “jey jey peteĩ mbaʼénte” reñemboʼe jave?
Káda día eñehaʼã epensa peteĩ mbaʼe porã Jehová omeʼẽvare ndéve ha eagradese chupe upévare. Eñehaʼã ejapo upéva una semána aja ha rehechakuaáta mbaʼéichapa káda día oĩha álgo diferénte jaagradese hag̃ua Ñandejárape.
Peteĩ túa ningo oipota itaʼýra isinséro hendive ha omombeʼupaite chupe umi mbaʼe oñandúva, péicha avei Jehová oipota jajapo ñañemboʼe jave chupe
6. Pe ñemboʼe ningo peteĩ rregálo oúva Ñandejáragui
¿Mbaʼéichapa pe ñemboʼe ikatu ñanepytyvõ tahaʼe iporã térã ivai jave ñane situasión? Ehecha pe VIDÉO.
La Biblia heʼi ñañemboʼéramo Ñandejárape upéva ikatuha ñanembopyʼaguapy. Elee Filipenses 4:6, 7, ha upéi erresponde koʼã porandu:
-
Noñesolusionáiramo jepe ñane provlemakuéra, ¿mbaʼéichapa pe ñemboʼe ikatu ñanepytyvõ?
-
¿Mbaʼépa nde remombeʼuse Ñandejárape?
¿Reikuaápa raʼe?
Pe palávra “amén” heʼise “taupéicha” térã “upeichaite”. Ymaite guive Ñandejára siervokuéra heʼi “amén” omohuʼã hag̃ua iñemboʼe (1 Crónicas 16:36).
7. Emboyke ne tiémpo eñemboʼe hag̃ua Ñandejárape
Sapyʼánte hetaiterei ñane rembiapo ha upévare ñanderesarái ñañemboʼe hag̃ua. Péro mbaʼépa Jesús opensa ko témare, ¿iñimportántepa raʼe chupe g̃uarã? Elee Mateo 14:23 ha Marcos 1:35, ha upéi erresponde koʼã porandu:
-
¿Mbaʼépa ojapo Jesús orekove hag̃ua tiémpo oñemboʼe hag̃ua Ñandejárape?
-
¿Mbaʼe moméntopepa nde ikatu reñemboʼe?
OĨRAMO HEʼÍVA: “Avavéngo nohendúi ñane ñemboʼe, pévako ojapo umi hénte oñeñandu porãmie hag̃uánte”.
-
¿Mbaʼépa errespondéta chupe?
RRESÚMEN
Ñañemboʼéramo ñande pyʼaite guive Jehovápe upéva ñanemoag̃uive hese, ñanembopyʼaguapy ha ñanepytyvõ jajapo hag̃ua umi mbaʼe haʼe oguerohorýva.
Rrepáso
-
¿Mávapepa ñañemboʼe vaʼerã?
-
¿Mbaʼéichapa ñañemboʼe vaʼerã?
-
¿Mbaʼe iporãvapa jahupyty ñañemboʼéramo?
EINVESTIGA HAG̃UA
Eaprende hetave mbaʼe pe ñemboʼégui.
“¿Mbaʼe mbaʼépa ereko vaʼerã enkuénta reñemboʼe hag̃ua?” (La Atalaya 1 de octubre de 2010)
Ehecha mbaʼérepa tekotevẽ ñañemboʼe ha mbaʼéichapa ikatu ñamehora ñañemboʼe lája.
Ehecha mávapepa heʼi la Biblia ñañemboʼe vaʼerãha.
Ehecha ko vidéo musikálpe ikatuha ñañemboʼe oimeha lugárpe ha oimeha óra.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
