KUKWE JA TÖTIKARA 09
Orasion yebiti mä raba nökrö Ngöbö ken
Orasion ye raba mä dimike kukwe keta kabrebätä. Ñodre, dre nuaindre ñan tä nemen gare mäi ngwane, orasion yebiti mä raba ja di kärere. Kukwe meden ütiäte mätä ngwentari jai ye raba nemen gare mäi. Orasion raba mä töi mike jäme aune mä mike krötö Jehová ken. Akwa, mä raba kukwe ne ngwentari jai: “¿Tikwe oradre ño? ¿Ngöböta orasion jökrä kukwe nuin? ¿Tikwe oradre ño ne kwe Ngöbökwe orasion tikwe kukwe nuadre?”. Ani mike gare jai.
1. ¿Nikwe oradre nirei aune drebätä ni raba orare?
Oradre ni Rün kä kwinbiti ye aibe ie driebare Jesukwe. Niarakwe orabare Jehovai. Bati niebare kwe: “Munkwe oradre ne kwrere: ‘Nun Rün kä kwinbiti’” (Mateo 6:9, TNM). Nita orare Jehovai ngwane, nita ja kete bäri kwin ben.
Kukwe ka ngäbitita Ngöbökwe ye ererebätä orasion nuaindi ngwane, Jehovakwe orasion kukwe nuai. Biblia tä niere: “Ngöbö tö dreye nikrä abko erere nita kärere ie, ye ngwane tä ni kukwei kaen ngäbti” (1 Juan 5:14). Ni raba dre kärere orasionte ye Jesukwe niebare (mäkwe ñäkä Mateo 6:9-13 yebätä). Kukweta ni kisete yebätä nikwe oradre aune Ngöbökwe kukwe kwin nuainbare ni kräke yebätä nikwe debe biandre ye nikwe ñaka käi kwitadrekä jabiti. Aune ni mada dimikadre kwe nikwe ribedre ie.
2. ¿Nikwe oradre ño?
Biblia tä kukwe ne niere: “Munkwe ja brukwä ye mika gare Ngöböi” (Salmo 62:8). Ye tä mike gare ni rabadre orare ja brukwä ngöibiti. Ni raba orare käbube o ñan käbube. Ja mikadre ño orakäre, akwa Jehová mikadre ütiäte jai. Ni törbadre oradi ñongwane aune medente ye erere ni raba nuainne.
3. ¿Ngöböta orasion nikwe kain ngäbiti ño?
Tä nuainne kukwe keta kabrebiti. Nita kukwe ngwentari ye mikata gare kwe Bibliabiti. Ñäkädre Bibliabätä ye raba ni “mike töbätä” (Salmo 19:7; mäkwe ñäkä Santiago 1:5 yebätä). Kukweta ni kisete ngwane, Jehová raba ni töi miketa jäme, aune raba ni niara mikaka täte ye töi mike ni dimike.
JA TÖTIKE BÄRI NGUSETA
Oradre ño ne kwe rabadre tuin debe Ngöböi aune orasion raba ni dimike ño ye ani mike gare jai.
4. Oradre ño ye Ngöbökwe ükaninte
¿Dre nuaindre aune ñaka dre nuaindre ne kwe Ngöbökwe orasion nikwe kukwe nuadre? VIDEO mikadre ñärärä.
Nikwe oradre Jehová aibe ie, ie tö. Ñäkädre Salmo 65:2 yebätä aune kukwe ne kädriedre jabe:
-
¿Ngöbö “orasion kukwe nuaka” ie mäkwe oradre yei tö ruin mäi? ¿Ñobätä mätä töbike kore?
Ngöbökwe orasion nikwe kukwe nuadre ie ni tö ngwane, nikwe ja ngwandre niarata ribere nie ye erere. Ñäkädre Miqueas 3:4 aune 1 Pedro 3:12 yebätä aune kukwe ne kädriedre jabe:
-
¿Ja ngwandre ño ne kwe Jehovakwe orasion nikwe kukwe nuadre?
Juta ketebu tä rüre jabe kwärikwäri ngwane, tätre ja di ribere Ngöböi. ¿Akwa Ngöbökwe niaratre dimikai raba ruin nie?
5. Ja ruin ño nie ye niedre metre orasionte
Nitre kwati rabadre rezare aune orasion arabe niereta ja töibiti ye drieta ietre. ¿Akwa ye erere Ngöbö tö ni tuai orare jai? Ñäkädre Mateo 6:7 yebätä aune kukwe ne kädriedre jabe:
-
¿Dre nuain raba ne kwe ñaka kukwe arabe niedreta bati bobu orasionte?
Mantre jetebe mäkwe töbikadretari kukwe kwinbätä, biti, mäkwe debe biandre kukwe yebätä Jehovai. Ye erere mäkwe nuaindi bämän krati ngwane, kukwe keta kükü jene jenebätä mäkwe debe biain Jehovai.
Ni rüne iti tä monso kwe tarere, aisete dreta monso brukwäte ye monso rabadre mike gare jökrä rün kwe ie. Ye erere arato, dreta ni brukwäte ye ni rabadre mike gare jökrä Jehovai, ie tö.
6. Orasion ye regalo kwrere Jehovakwe biani nie
Nita ja tuin kukwe tare ben ngwane, ¿orasion raba ni dimike ño? VIDEO mikadre ñärärä.
Orasion raba ni töi mike jäme Biblia tä käbämike nie. Ñäkädre Filipenses 4:6, 7 yebätä aune kukwe ne kädriedre jabe:
-
Orasion ñaka raba kukwe jökrä ükete ni kräke, ¿akwa raba ni dimike ño?
-
¿Drebätä mä tö oradi Ngöböi?
¿Ne gare mäi?
Amén nieta ye abokän “ye erere” meden gärätä. Mekerabe “amén” nieta orasion ye bitikäre (1 Crónicas 16:36).
7. Kä diandrekä jai orakäre
Ruäre ngwane jondron tä nuaindre krubäte nie yebätä orasion tä käi nikwitekä nibiti. ¿Jesús nämäne orasion mike tuin ño jai? Ñäkädre Mateo 14:23 aune Marcos 1:35 yebätä aune kukwe ne kädriedre jabe:
-
¿Jesukwe nämäne dre nuainne kä diankakäre orakäre jai?
-
¿Mä raba kä denkä ñongwane orakäre jai?
NITRE RUÄRE TÄ KUKWE NE NIERE: “Orata ngwarbekäre ñobätä ñan aune kukwe nuaka ñaka jire”.
-
¿Mä abokän raba dre niere?
¿DRE NIBI GARE MÄI?
Orasion tä ni mike nökrö bäri Jehová ken, tä ni töi mike jäme aune tä ni dimike Jehová mikakäre täte.
Ngwankäreta törö
-
¿Nikwe oradre nirei?
-
¿Ni rabadre orare ño?
-
¿Orasion köböire dre kwin raba nemen nikwe?
KUKWE MIKE GARE BÄRI JAI
Nitre kwati tä kukwe ngwentari orasionbätä abokän mikata gare ye mike gare jai.
“Kukwe keta kükü ngwantarita orasion yebätä” (Ni Mikaka Mokre, 1 octubre 2010)
Ñobätä mäkwe oradre aune ño mä raba orare bäri kwin ye mike gare jai.
Nikwe oradre nirei drieta Bibliakwe ye mike gare jai.
Ñongwane aune medente ni raba orare ye mike ñärärä video musikal nete.
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
