SOMO LYA 09

Oyegere Mungu Kugerera Esala

ZIHA

Wachigerere yunva nk’okeneere obwerekezi omu kalamo si? Ka hali ebibazo by’engenzi ojira wakasima obone ebishubizo? Wakasima opate echirhulirizo changwa echintu chakakurhuleza si? Wakasima ochiyunve oli hofi na Mungu si? Okusalira kwakakurhabala mw’ebyola byoshi. Aliko si, gurhe rhwakasalira omu njira nyinja? Ka Mungu anayunviriza amasala moshi? Gurhe wakajira y’ochizera ku Mungu arhabula kuyunviriza amasala mawe? Leka rhulole.

1. Inde rhukwanene kusalira, na bichi rhwakahira omu masala merhu?

Yesu aliyigirize oku rhukwanene kusalira Darha w’omu mbingu yenyine. Na Yesu yewe yenyine aliri asalira Yehova. Aliderhere ntya: “Intya ku mukwanene kusalira: ‘Darha oli omu mbingu . . .’” (Matayo 6:9) Amango rhwamasalira Yehova, rhwanakomeza obwira bwerhu haguma naye.

Rhwakahira omu masala merhu hofi buli choshi. Aliko yi Mungu ashubiza oku masala merhu makwanene mafarhane n’obulonza bwage. “Chiro rhwahema bichi bifarhene n’obulonza bwa [Mungu] anarhuyunva.” (1 Yohana 5:14) Yesu alihaanire emifano minja eyerekene eby’abantu bakahema omu sala. (Osome Matayo 6:9-13.) Olekere okuhema ebirhulagirire byonyine, rhurhakwanene kuyibirira kubwira Mungu koko okuby’arhujirire, n’okumuhema arhabale abandi.

2. Gurhe rhukwanene kusalira?

Ebiblia erhubwirire ‘rhusheshere omurhima gwerhu embere za Mungu.’ (Zaburi 62:8) Bobuno rhukwanene kusalira n’omurhima goshi. Rhwakasalira n’omulenge awo bwisirire, rhwakanachifarha koshi-koshi kuyerekene oku rhukengere Yehova. Rhwakasalira esa yena sa na buli hantu hoshi-hoshi.

3. Gurhe Mungu anashubiza amasala merhu?

Anajira ntyo mu njira zinene. Yehova arhuhere Echinwa chage Ebiblia, omu rhunazigana kubona ebishubizo by’ebibazo byerhu. Okusoma Echinwa cha Mungu “[kwakarhuma] orhamenyerere ebintu ayengeha.” (Zaburi 19:7; Osome Yakobo 1:5.) Akarhuleza obwenge bwerhu amango rhwamahurana ebibazo. Akanashunika abakozi bage barhurhabale amango rhuli omu bulagirire.

HUMBA BWENENE

Lola gurhe wakasalira amasala m’omurhima goshi makasimisa Mungu, na nka gurhe esala lyakakurhabala.

4. Mungu ajira okuntu alonzeze rhumusalire

Bichi byakarhuma Mungu ayemera amasala merhu changwa amalahire? Ziha EVIDEO.

VIDEO: Mungu Anayunvi- riza Amasala Moshi Si?—Akachira (2:42)

Yehova alonzeze rhumusalire. Osome Zaburi 65:2, muje mwaganira kw’ebila bibazo:

Owazize “k’omunviriza w’esala” asimire omusalire? Akaba nechi bulagurhe? N’akaba nanga bulagurhe?

Rhukwanene kulama omu kukulikiza amakanuni ma Mungu akaba rhulonzeze ayunvirize amasala merhu. Osome Mika 3:4 na 1 Petro 3:12, muje mwaganira kw’echila chibazo:

Gurhe rhwakajira yi Yehova arhabula kuyunviriza amasala merhu?

Amango m’evita, abasoda b’enyunda zoshi banasalira mpu bahimane. Owazize oku Mungu akashubiza amo masala si?

5. Amasala merhu makwanene marhenge oku murhima

Hali abantu bayigirizwe kuyinja bagalukira masala maguma man’amo chinwa oku chindi. Aliko si, intyo ku Mungu anasimire rhumusalirage? Osome Matayo 6:7, muje mwaganira kw’echi chibazo:

Gurhe wakajira y’orhayinja wagalukira “binwa biguma byen’ebyo” omu masala mawe?

Buli lusiku oyinje wawaza ku mugisho muguma omu bi Yehova akujirire omu kalamo, n’okumubwira koko. Nk’ojirire ntyo buli lusiku, eboso lyahwa eyi wabwirire Yehova koko ku bintu mushanvu birhali kuguma, ey’orhanagalukiire bila byenabila.

Omuzere mwinja anasima omwana wage amubwire koshi koshi ali achiyunva. Intyo kon’oko, Yehova alonzeze rhumusalire kurhenga oku murhima

6. Esala luli luhembo lurhengere emwa Mungu

Nka gurhe esala lyakarhuha emisi amango rhuli omu busime, n’ahanene amango yirhwahurana ebibazo? Ziha EVIDEO.

VIDEO: Esala Linarhurhabala Kulembera Ebibazo (1:32)

Ebiblia elaganyize kw’esala lyakarhurhabala rhurhulere omu bwenge. Osome Wafilipi 4:6, 7, Muje mwaganira kw’ebi bibazo:

Chiro akaba kw’amango moshi esala lirhamala ebibazo byerhu, gurhe linarhurhabala?
Bintu bihe biguma wakasima oderhe omu sala?

Walimenyere si?

Echinwa “amen” kokuderha “bibe ntyo” awo “intyo ku binali.” Ebiblia eyerekene oku kurhenga mira, abakozi ba Mungu banaderha “amen” oku buzinda bw’esala.—1 Mambo ya Nyakati 16:36.

7. Orhahira okayibagira esala

Hali oku rhwakagwarha binene by’okujira mpaka rhwanayibagira kusalira. Kangana gurhe Yesu alibwene esala oku lili ly’akamaro? Osome Matayo 14:23 na Marko 1:35, muje mwaganira kw’ebila bibazo: