TOLUMỌYE 09

Tẹẹbịbị Ị́ Mịẹ Ọkpọnanaowei Mọ Naịn Mịnị

FARỊ

Ị́mịnị baratụa pịrịye dọụ wẹrị emi a? Ị́mịnị paraị bịbị dọụ emi yelaa biibịbị nana wẹrị emi a? Ị́mịnị kụrọmọye má ukiemọye dọụ wẹrị emi a? Ị́mịnị Jehovah mọ naịn timi dọụ emi a? Tẹẹbịbị laa baratụa ị́ pịrị wẹrị bei yemọsẹ mịẹ mịnị. Anịa tebara ka kị tẹẹbịbị mịẹ agbẹị emi a o? Ọkpọnanaowei tẹẹbịbịmọsẹ kị naa mịnị a? Ị́mịnị teeki mịẹ wẹrị Ọkpọnanaowei pịrị iné tẹẹbịbịmọ paraị mịnị a o? Wó bei biibịbịmọ akị ẹrẹtei.

1. Omịnị tẹẹ akị te ụbọ kị yarị mịnị a, má omịnị teeki bii mọ agbẹị emi a o?

Omịnị tẹẹ akị Jehovah bẹtịbị kị yarị bara kị Jesus mọ gbaa mị. Jesus kpọ tẹẹ akị Jehovah kị yarị mị. Jesus gbaa mị: “Amịnị bei bara ka kị tẹẹ: ‘Wó daụ nị agọnọ emi owei . . . ’” (Matthew 6:9) Omịnị tẹẹ akị Jehovah yarị dẹ ifiesẹ, wó mọ Jehovah ikie bị kụrọ dẹịn mịnị.

Omịnị laa tẹẹbịbị duotolu a ye paamọsẹ gbaa mịnị. Gesii bị, Ọkpọnanaowei wó tẹẹbịbịmọ paraị wó mọ dọụ mịnị sẹ, wó tẹẹbịbịmọ Jehovah dọụ bara mọ kẹnị sụọmọ mịnị. “Omịnị [Ọkpọnanaowei] dọụ bara ka kị tẹẹ daba, omịnị wó paraị mịnị.” (1 John 5:14) Omịnị tẹẹbịbị duotolu ghọ bii agbẹị yeama Jesus mọ gbaa wẹrị emi. (Matthew 6:9-13 goo.) Omịnị wó dọụ emi yemọ bii siin daba, Ọkpọnanaowei mịẹ akị wó pịrị dẹ yemọ akị ụ kule mụ yọbị bara kụmọ. má tẹẹ zịnị-otu kpọ pịrị.

2. Omịnị tebara ka kị tẹẹbịbị mịẹ agbẹị emi a o?

Omịnị “[wó] adụdụsẹ akị tẹẹ [Ọkpọnanaowei] yarị” kị Bible mọ gbaa mị. (Psalm 62:8) Anị duonị wó tẹẹbịbịmọ wó adụdụ kị duo bo. Omịnị lẹẹ anịghakpọ tẹẹ paamọ a paa emi, má omịnị Jehovah diidụbamọ emi bara ka kị angọ wẹrị tẹẹ ụ yarị. Omịnị wó dịsẹ ifiesẹ má wó emi yọ emi yọ laa tẹẹbịbị mịẹ a paa emi.

3. Ọkpọnanaowei tebara ka kị wó tẹẹbịbịmọ paraị mịnị a o?

Ọkpọnanaowei bẹbẹ ụwọụ-ama ka kị wó tẹẹbịbịmọ paraị mịnị. Jehovah Bible akị wó pịrị dẹ, Bible kị wó biibịbịmọ paraị mịnị. Ọkpọnanaowei egberi goo daba “ye ghọ sụọtuu nimigha kịmị [mịẹ] kịlịkịlị mịnị.” (Psalm 19:7; James 1:5 goo.) Bụụdọọnye wó laa daba Ọkpọnanaowei dọọ ịkịọụ akị wó pịrị mịnị. Jehovah wo odubo-otu gbele wẹrị baratụa wó pịrị a paa emi.

EBIBARA TUUDỌỤ

Ị́mịnị Ọkpọnanaowei dọụ bara akị tẹẹbịbị mịẹ mụ bara mọ má tẹẹbịbị baratụa ị́ pịrị a paa emi bara mọ, dọụ ẹrị.

4. Tẹẹbịbị gbelemọ yọbị Ọkpọnanaowei dọụ wẹrị emi yeama emi

Te yeama kị Ọkpọnanaowei wó tẹẹbịbịmọ kẹrị akị anịghakpọ kẹrị akịgha bara mịẹdịa mịnị a o? VIDIO farị.

VIDIO: Ọkpọnanaowei tẹẹbịbịmọsẹ kị naa mịnị a?—Dọlọyọ (2:42)

Jehovah dọụ wẹrị emi yọsẹ omịnị tẹẹ akị ụ yarị. Psalm 65:2 goo dá, bei biibịbịmọ kẹrị ẹrẹtei:

“Tẹẹbịbị naa owei” mị, ị́mịnị tẹẹ ụ yarị dọụ emi bara ị́ mọ tọn mị? Tetuu a?

Ọkpọnanaowei wó tẹẹbịbịmọ naa wó mọ dọụ emi ifiesẹ, omịnị wo dọụ bara kị inyenrin mịnị. Micah 3:4 má 1 Peter 3:12 goo dá, bei biibịbị kẹrị ẹrẹtei:

Omịnị teeki mịẹ dẹkị Jehovah wó tẹẹbịbịmọ paraị mịnị a o?

Sụụ paa daba, maa kiri bosẹ Ọkpọnanaowei baratụa a pịrị bara tẹẹ mịnị. Ọkpọnanaowei bịsẹ timitimi tẹẹbịbịmọ paraị mụ bara ị́ mọ tọn mị?

5. Omịnị wó adụdụ kị duo tẹẹbịbị mịẹ

Zụa kịmịama barịị barịị kpe kẹnị tẹẹbịbị mịẹ mịnị yọmị seigha bara kị gbaa mịnị. Anịa anị Ọkpọnanaowei dọụ wẹrị emi bara mị a o? Matthew 6:7 goo dá, bei biibịbị kẹrị ẹrẹtei:

Ị́mịnị tẹẹbịbị mịẹ emi ifie bị, teeki baratụa ị́ pịrị wẹrị “barịị barịị kpe kẹnị ye” gbaagha fa o?

Ereinmọsẹ, Jehovah mịẹ akị ị́ pịrị dẹ kẹnị ebi akị ụ kule. Wiki ovurusẹ bei bara mịẹ daba, wiki ovuru bị ị́mịnị bá kpe kẹnị egberi akị barịị barịị gbaagha fa.

Ebi daụ ụbọ wo tọbọụ adụdụ duo ụ mọ mọ́ ẹrẹ bara kị dọụ emi. Omịnị wó adụdụ duo tẹẹbịbị mịẹ kị Jehovah mọ dọụ emi

6. Tẹẹbịbị Ọkpọnanaowei kị duo bo emi yelaa dịẹpịrịye

Tẹẹbịbị tebara ka kị ebi ifie, má akpotu kị paa kpọ baratụa wó pịrị mịnị a o? VIDIO farị.

VIDIO: Tẹẹbịbị Baratụa Wó Pịrị Kụrọ Yeama Ine Mịnị (1:32)

Bible gbaa amọ tẹẹbịbị laa baratụa wó pịrị wẹrị dọọ ịkịọụ nana mịnị. Philippians 4:6, 7 goo dá, bei biibịbịmọ akị ẹrẹtei:

Tẹẹbịbị ifiemọsẹ wó bụụdọọn yemọ seri siingha, anịa te bara ka kị baratụa wó pịrị mịnị a o?
Ị́mịnị tẹẹbịbị duotolu bọọ te yeama kị bii a paa emi a o?

Ị́ kpọ nimi ma?

“Amen” tuubị anị “paa wó pịrị” anịghakpọ “bịsẹ bara kị paa.” Bible ifie duo bosẹ, kịmịama “amen” ka kị tẹẹbịbị kunumọ mịnị. —1 Chronicles 16:36.

7. Ifie mịẹ paamọ tẹẹbịbị mịẹ

Zụa ifieama wó mịẹ mịnị yebo wó mịẹ tẹẹbịbị mịẹ mụ yọ bara mịnị. Jesus tebara ka kị tẹẹbịbị diimọ ma o? Matthew 14:23 má Mark 1:35 goo dá, bei biibịbịmọ paraị: