09 УРОКЫР
ТхьэлъэІум и фІыгъэкІэ Алыхьым гъунэгъу ухуэхъуфынущ
Мыхьэнэшхуэ зиІэ Іуэхум теухуауэ унафэ пэж къэпщтэн щхьэкІэ чэнджэщ къыщыплъыхъуа къыпхуихуа? Узыгъэгузавэ упщІэхэм я жэуапхэр къэбгъуэтыну ухуейт? ДэІэпыкъуэгъурэ гупсэхугъуэрэ ухуэныкъуэ уэ? Ухуейт Иеговэ гъунэгъу ухуэхъуну? А псомкІэ уэ тхьэлъэІур къыбдэІэпыкъуфынущ. Ауэ мыпхуэдэ упщІэхэр къоув: дауэ Алыхьым узэрелъэІун хуейр? Алыхьыр тхьэлъэІу псоми едаІуэу пІэрэ? Уэ уи тхьэлъэІухэр дапхуэдэу щытын хуей, Алыхьым ахэр зэхихын щхьэкІэ? Мы упщІэхэр зэхэдгъэкІынщ.
1. ТхьэлъэІукІэ хэт зызыхуэдгъэзэн хуейр икІи сыт ди тхьэлъэІухэм хэдгъэхьэ хъунур?
Хьисэ зэрыжиІамкІэ, тхьэлъэІукІэ дэ зызыхуэдгъэзэн хуейр уафэм щыІэ ди Адэ закъуэращ. Езы Хьиси тхьэлъэІукІэ зызыхуигъазэр Иеговэт. Абы жиІащ: «Тхьэм мыпхуэдэу фелъэІу: „Уэ ди Адэ лъапІэу уафэм щыІэ...“» (Маттэ 6:9). Иеговэ тхьэлъэІукІэ зыхуэдгъэзэху, дэ абы нэхъ гъунэгъу дыхуохъу.
Къапщтэмэ, Иеговэ сыткІи делъэІу хъунущ. Алыхьым ди тхьэлъэІухэм жэуап къритын щхьэкІэ, дауикІ, ахэр абы и мурадым техуэу щытын хуейщ. «Тхьэр зэрыхуейм тету Іуэхугъуэ гуэркІэ делъэІумэ, дызэрызэхихынур дощІэ» (1 Иуан 5:14). Ди тхьэлъэІухэм хэдгъэхьэ хъунум теухуауэ Хьисэ щапхъэ къытхуигъэнащ. (Къеджэ Маттэ 6:9—13.) Дэ дызыгъэгузавэм теухуауэ Алыхьым делъэІу хъунущ. Ауэ дэ зыщыдгъэгъупщэ хъунукъым Алыхьым къытхуищІэ псом щхьэкІэ фІыщІэ хуэтщІыну икІи адрейхэми дахуелъэІуну.
2. Дапхуэдэу Алыхьым дызэрелъэІун хуейр?
Библием дыхуегъэуш: «...[Алыхьым] и пащхьэ фи гум илъ псори къыщыфІуатэ» (Псалом 62:8). Абы къыхэкІкІэ ди тхьэлъэІухэр ди гум къыбгъэдэкІыу щытын хуейщ. Сыт хуэдэ зэманми сыт хуэдэ щІыпІэми Алыхьым макъкІи уигукІи уепсалъэ хъунущ, ауэ Алыхьым ущепсалъэкІэ пщІэ пхэлъыным мыхьэнэшхуэ иІэщ.
3. Дапхуэдэу Алыхьым ди тхьэлъэІухэм жэуап зэрыритыр?
Алыхьым ди тхьэлъэІухэм Іэмал зэмылІэужьыгъуэкІэ жэуап къритыфынущ. Псалъэм папщІэ, Иеговэ къыдита и Псалъэ Библием ди упщІэхэм я жэуапхэр къыщыдгъуэтыфынущ. Алыхьым и Псалъэм «зэхэщІыкІ зимыІэхэр Іущ ещІ» (Псалом 19:7; къеджэ Екъуб 1:5). Гугъуехьхэм дыщыпэщІэхуэм деж, Алыхьым гузэгъэгъуэ къыдитыфынущ. Абы нэмыщІ дэІэпыкъуэгъу дыхуэныкъуэмэ, Алыхьым езым и лэжьакІуэхэр дэ къыддигъэІэпыкъуфынущ.
НЭХЪ КУУУЭ ХЭПЛЪЭ
Ди гум къыбгъэдэкІыу жытІэ тхьэлъэІухэр Алыхьым зэхихын щхьэкІэ, сыт дэ тщІэн хуейр? ТхьэлъэІум сыт хуэдэ сэбэпынагъ дэ къытхуихьыфынур? Ар иджыпсту зэхэдгъэкІынщ.
4. Ди тхьэлъэІухэр Алыхьым зэхихын щхьэкІэ, сыт тщІэн хуейр?
Дауэ къызэрытщІэфынур Алыхьым ди тхьэлъэІухэр зэхихрэ зэхимыхрэ? ВИДЕОМ феплъ.
Иеговэ хуейщ дэ абы тхьэлъэІукІэ зыхуэдгъэзэну. Псалом 65:2 итым фыкъеджи мыбы фегупсыс:
-
Иеговэ хуей уэ абы тхьэлъэІукІэ зыхуэбгъэзэну? Сыт апхуэдэу ущІеплъыр?
Ди тхьэлъэІухэр Алыхьым зэхихын щхьэкІэ, дэ абы и хабзэхэм дытету дыпсэун хуейщ. Михей 3:4, 1 Петр 3:12 итым фыкъеджи мыбы фегупсыс:
-
Ди тхьэлъэІухэр дапхуэдэу щытын хуей, Иеговэ абыхэм едэІуэн щхьэкІэ?
ЗэпэщІэува лъэныкъуитІри текІуэныгъэ щхьэкІэ Алыхьым елъэІуфынущ. Ауэ Алыхьым тІуми жэуап иритыну?
5. Ди тхьэлъэІухэр ди гум къыбгъэдэкІыу щытын хуейщ
Языныкъуэхэм гукІэ зрагъэщІа тхьэлъэІухэр къытрагъэзэжурэ махуэ къэс жаІэ. Ауэ Алыхьым апхуэдэ тхьэлъэІухэр игу ирихьу пІэрэ? Маттэ 6:7, ДЩІ итым фыкъеджи мыбы фегупсыс:
-
Къытебгъэзэжурэ зы псалъэхэмкІэ Алыхьым зыхуумыгъэзэну сыт къыбдэІэпыкъунур?
Махуэм къриубыдэу Алыхьым къыпхуищІа фІыгъуэхэм ящыщ зым гу лъыти, абы щхьэкІэ фІыщІэ хуэщІ. Апхуэдэу пщІэмэ, тхьэмахуэм къриубыдэу нэхъ мащІэ дыдэу Іуэхугъуиблым теухуауэ Алыхьым уепсэлъэну Іэмал уиІэнущ.
АдэфІыр хуейщ и сабийхэр я гум илъымкІэ къыдэгуэшэну. Иегови хуейщ ди гум илъ псори абы хуэтІуэтэну
6. ТхьэлъэІур Алыхьым къыбгъэдэкІ тыгъэщ
Дауэ тхьэлъэІум къару къызэрыдитыфынур, псом хуэмыдэу зэман гугъум? ВИДЕОМ феплъ.
Библием дыкъегъэгугъэ тхьэлъэІум и фІыгъэкІэ ди гум гупсэхугъуэ илъыну. Филиппи 4:6, 7 итым фыкъеджи мы упщІэхэм фегупсыс:
-
ТхьэлъэІум езы гугъуехьыр Іуимыхми, сыткІэ ар сэбэп къытхуэхъурэ?
-
Алыхьым сыткІэ уелъэІуну ухуейт?
Нэхъыбэ къэпщІэну ухуейт?
«Іэмин» псалъэм къикІыр «апхуэдэу кърехъу» е «пэжщ» жиІэу аращ. Ижь-ижьыж лъандэрэ «Іэмин» псалъэр тхьэлъэІум и кІэм деж жаІэ (1 Летопись 16:36).
7. Алыхьым тхьэлъэІукІэ зыхуэбгъэзэну зыщумыгъэгъупщэ
Иныкъуэм деж зэрытхущІэмыхьэм къыхэкІкІэ Алыхьым депсэлъэну тщыгъупщэнкІэ хъунущ. Хьисэ тхьэлъэІум мыхьэнэшхуэ иритрэт? Маттэ 14:23, Марк 1:35 итым фыкъеджи мы упщІэхэм фегупсыс:
-
Хьисэ Алыхьым епсэлъэну дэнэт зэман къыздрихыр?
-
Алыхьым тхьэлъэІукІэ зыхуэбгъэзэн щхьэкІэ, дауэ уэ зэман къызэрыдэбгъэкІыфынур?
ЗЫГУЭРЫМ ЖИІЭФЫНУЩ: «ТхьэлъэІур щхьэкъэгъэпцІэжу аращ».
-
Сытыт уэ жыпІэнур?
КЪЭПЩЫТЭЖ
Ди гум къыбгъэдэкІ тхьэлъэІухэм я фІыгъэкІэ Иеговэ гъунэгъу дыхуохъу, гузэгъэгъуэ догъуэт икІи Алыхьыр арэзы зэрытщІын Іуэхухэр длэжьыну гукъыдэж диІэ мэхъу.
Мы упщІэхэр зэгъусэу зэпкърыфх:
-
Хэт тхьэлъэІукІэ зызыхуэдгъэзэн хуейр?
-
Дапхуэдэу Алыхьым дызэрелъэІун хуейр?
-
Сыт хуэдэ сэбэпынагъ тхьэлъэІум къытхуихьыр?
НЭХЪЫБЭ КЪАЩІЭ
ТхьэлъэІум теухуауэ щыІэ упщІэхэм я жэуапхэр къащІэ.
«ТхьэлъэІум теухуа упщІиблым я жэуапхэр» («ХъумакІуэ чэщанэ», жэпуэгъуэм и 1, 2010 гъэ, урысыбзэкІэ)
Алыхьым дыщІелъэІун хуейм икІи ди тхьэлъэІур нэхъыфІ зэрытщІ хъунум теухуауэ къеджэ.
ТхьэлъэІукІэ хэт зызыхуэдгъэзэн хуейр? Мы упщІэм Библием ирит жэуапыр къащІэ.
Мы видеом уеплъмэ, къыбгурыІуэнущ Алыхьым зызыщыхуэбгъазэ щІыпІэмрэ зэманымрэ мыхьэнэ иІэрэ имыІэрэ.
Иджыри уигу ирихьыфынур
НЭХЪЫБЭУ ЯТ УПЩІЭХЭР
Иеговэ и Щыхьэтхэм ирагъэкІуэкІ курсыр зищІысыр сыт?
Библием итыр къэпщІэну къыбдэІэпыкъу курс Иеговэ и Щыхьэтхэм ирагъэкІуэкІ. Абыхэм ущрагъаджэкІэ уи унэм щІэлъ Библиер къэбгъэсэбэп хъунущ икІи уи унагъуэм щыщхэмрэ уи ныбжьэгъухэм щыщ гуэррэ къебгъэблагъэ хъунущ.
