LISHOMO 09
Mmandike Yeova mukushwali
Nyamani shikutadya wako kulambela lipwashalelo mushingumi shako? Unkuvanavo vyakudya vikumene vyaulota upate majibu? Unkulota munu akupambadyange na akupwashele? Unkulota ummandike namene Yeova? Kushwali kunakupwashela wako mu vinu uti. Kanji, inamuna yambone yakushwali ni yakwashi? Da Nnungu anaigwilila kushwali kwoekwoe? Ivaikidile utende nyamani pakulota Nnungu aigwilile kushwali kwako? Tuke tulole.
1. Tushwali kumwe nyani, na nyamani shatulota kujugwa mukushwali?
Yesu anditupundisha kenga ituvaikidile tushwali kwa Atata wetu wa kuwa. Yesu jo mwene andishwali kumwe Yeova. Nae atedoni: “Napanelo amu ni mwakushwalidya mwenu: ‘Atata wetu úvele kuwa . . . ’” (Mateu 6:9) Patushwali kumwe Yeova, umbodi wetu namu nae undananopa.
Tunkuulula kushwali kwaupande wa shinu shoeshoe shambone. Kwaumwiu, pakulota Nnungu ajang’ule kushwali kwetu, kuvaikidile kwigwanie na malotelo ake. “Patujugwa kwodananavo malotelo ake [Nnungu], nae ankutwigwa.” (1 Nshuwau 5:14) Yesu andyumya mpano wa vinu vituvaikidile kujugwa. (Shomya Mateu 6:9-13.) Kuleka kujugwa vinu vyatulota wetu, ituvaikidile kunnambwalela Nnungu kwa vinu vyambone vyatutandadile wetu na kuvajugwila vavetu.
2. Tulota kushwali dashi?
Ibibiliya inkutupa ntima shii pakulota “tumimine ntima [wetu] pameo pake [Nnungu].” (Dimu 62:8) Ivedoni kushwali kwetu kuvaikidile kuve kwiu na kwalakela muntima. Tunkuulula kushwali tumya lidi au shimaladi na haipali inamuna yakwikala au kwimila patushwali. Tunkuulula kushwali muwakati woewoe na palyutu lyoelyoe.
3. Nnungu ajang’ula dashi kushwali kwetu?
Nae anajang’ula kwa dindila dyakuvilingananga. Yeova anditupa lilove lyake, Ibibiliya, amo wetu tunkuulula kupata majibu a vyakudya vyetu. Kushomya lilove lya Nnungu linkuulula ‘kuntadya munu akavé mang’amung’amu kuvanavo limanyilo.’ (Dimu 19:7; shomya Tiyagu 1:5.) Linkuulula kutupa amani mmakumbukililo patukadyana na vyakukamadyanga. Na nae ankuulula kuvatumila vatumika vake pakulota kutupwashela muwakati watulota lipwashalelo.
LAMBELA KUMANYA VYOE
Lola nyamani shivaikidile kutenda pakulota kushwali kwako kwalakela muntima kupuwangidye Yeova, na manya paida yaulota kupata kwamwaa wa kushwali.
4. Nyamani shituvaikidile kutenda pakulota Nnungu aigwilile kushwali kwetu
Vinu shani vilodya kenga Nnungu ankukubali kushwali kwetu au mene? Lola VIDEO.
Yeova ankulota wetu tushwali kwake nae. Shomya Dimu 65:2, na badae mwambangile mwaa vyakudya vya mwina:
-
Wako wona kenga ‘Anaigwilila kushwali’ alota ushwali kwake nae? Mwaa wa nyamani unkutangola davo?
Ikava kenga wetu tunkulota Nnungu aigwilile kushwali kwetu, ituvaikidile tuname kwodananga na malamulo ake. Shomya Mikeya 3:4 na 1 Patulu 3:12, na badae mwambangile mwaa shakudya sha mwina:
-
Tulota kwakikisha dashi kenga Yeova anaigwilila kushwali kwetu?
Nkati mwing’ondo, vipinga uti vivili vinashwali pakulota viteme. Tushidoni tunkuulula kwamini kenga Nnungu andajang’ula kushwali kwa vipinga avyo?
5. Kushwali kwetu kuvaikidilekwalakele muntima
Vanu vanji vandivapundisha kushwali vaujidya lilove kwa lilove. Kanji ni momo mwalotela Yeova tushwali kwake nae? Shomya Mateu 6:7, na badae mwambangile mwaa shakudya sha mwina:
-
Ulota kutenda nyamani pakulota haunaujile kutangola “vinu vimo vyovyo” mukushwali kwako?
Vinu shani vilodya kenga Nnungu ankukubali kushwali kwetu au meKula liduva, unkuulula kukumbukila shawadi imo yakupele mushingumi shako kutwala kunnambwalela Nnungu. Ukatenda davo kula liduva kwa ishumana, wako undashwali kwaupande wa vinu saba vyakuvilingananga kwabila kujila.
Tatamunu wambone analota mwanagwe atangole namu nae kwalakela muntima. Yeova yadavo ankulota kushwali kwetu kwalakele muntima
6. Kushwali ni shawadi yalakelakwa Nnungu
Kushwali kulota kutupa dashi dimongo, muwakati wambone na wakukamadyanga? Lola VIDEO.
Vyakulivikila vyamu Ibibiliya vinkulodya kenga yanavo inkuulula kutupwashela kupata amani mmakumbukililo. Shomya Vapilipo 4:6, 7, na badae mwambangile mwaa vyakudya vya mwina:
-
Ata ikava kenga kushwali kunamalidya shinu mauvilo, kutupwashela dashi?
-
Vinu shani vikunagwela kujugwa mukushwali kwako?
Wako ushindamanya?
Lilove “ame” mana ake ni “mwiu” au “muve momo.” Tangu wakati wa Ibibiliya lilove lya, “ame” litumika kumwisho kwa kushwali.—1 Maimyo 16:36.
7. Lambela wakati wakushwali
Myanda vinji tunangaikanga namene mpaka tunalivaliva kushwali. Da kushwali kúvele dashi shinu shikumene kwake Yesu? Shomya Mateu 14:23 na Malukushi 1:35, na badae mwambangile mwaa vyakudya vya mwina:
-
Nyamani shatandile Yesu pakulota ave na wakati wakushwali?
-
Ulota kupata duvani wakati wakushwali?
VANU VANJI VANKUSHIDONI: “Kushwali ni shinu sha mmakumbukililo.”
-
Wako ukatedashi?
KWAUNGWIPI
Kushwali kwiu kunatupwashela kummandika Nnungu, kunatupa amani ya mmakumbukililo, na kunatupa dimongo dyatulota kwambangidya tumpuwangidye Yeova.
Tukumbukilange
-
Ituvaikidile tushwali kumwe nyani?
-
Tulota kushwali dashi?
-
Dipaida dyakushwali ni dyakwashi?
LIPUNDISHE
Pata majibu a vyakudya vitandeka kwaupande wakushwali.
“Mambo Saba Unayohitaji Kujua Kuhusu Sala” (Mnara wa Mlinzi, Oktoba 1, 2010)
Lipundishe dishabaa dikumene dikutadya kushwali na kukulumuwa inamuna yakushwali kwako.
Lola Ibibiliya ipundisha nyamani kwaupande wa aijá watumpalakadyedya kushwali kwetu.
“Je, Ni Sawa Kusali kwa Watakatifu” (Makala iliyo kwenye mtandao)
Mu video vya mushika, undauka ndamanya kenga kushwali hakuvé wakati au liduva.
