LIÇÃO 09

Topẽ mré vĩ vỹ ã tỹ Topẽ mré há kãfór nĩ han tĩ

TI VEN NĨ

Ã tỹ nén ũ jagy kato tẽg kỹ, ke tũ nĩn kỹ ã tỹ nén ũ há ki kanhrãn sór kỹ, Topẽ mré vĩ ti vỹ ã ajũna ke tĩ. Topẽ mré vĩ vỹ ã tar han tĩ gé. Topẽ mré vĩ vỹ ã ajũna ke tĩ, ã tỹ Jeová mré há kãfór nĩ jé. Hã ra ã hã ren kỹ Topẽ mré vĩnh ke mũ? Topẽ mỹ vẽnh kar tỹ ti mré vẽmén mũ, ag vĩ jẽmẽg tĩ hẽn? Ã ne han ke nĩ, Topẽ tỹ ã vĩ jẽmẽ jé? Mũ nỹ tag to kanhrãnrãn ke vẽ.

1. Ẽg tỹ ũ nẽ mré vĩ ke nỹtĩ, kar ẽg ne ti mỹ tónh ke mũ?

Jesus vỹ ẽg kanhrãnrãn mũ, ẽg tỹ Jeová tãvĩn mré vĩ jé. Jesus ge han tĩ vã, ti tóg: “Ãjag tỹ Topẽ mré vĩ kỹ tag tóm nĩ, ha mẽ: ‘Ẽg jóg mág, kanhkã tá ã tóg nĩ nĩ.’” (Mateus 6:9) Ẽg tỹ Jeová mré vĩ kỹ, ẽg tỹ ti mré há kãfór nĩgtĩ.

Ẽg tỹ Topẽ mré vĩ kỹ, ẽg tỹ nén ũ e tugtó há tĩ. Hã ra, ẽg tỹ Topẽ mỹ to vĩ ke nỹtĩ, nén tỹ ti mỹ há nĩ ẽn ti, gen kỹ tóg ẽg vĩ mẽnh ke mũ. Topẽ Vĩ Rá vỹ ẽg mỹ ke tĩ: ‘Ẽg tỹ ti mré vẽjykre pir han kỹ ẽg tóg jatun mỹ ti mré vẽmén ke mũ gé. Kỹ ẽg tóg ti mỹ nén ũ kar to vĩ tĩ. Nén tỹ Topẽ mỹ há nĩ ẽn hã to vĩ jé ẽg tóg ke mũ. Kỹ tóg ẽg vĩ mẽnh ke mũ sir.’ (1 João 5:14) Vãsỹ Jesus vỹ kãmén mũ, ẽg ne Topẽ mỹ tónh ke mũ to. (Mateus 6:9-13 le kem nĩ.) Ã tỹ Topẽ mré vĩ kỹ, ã tỹ nén venh sór mũ to kãmén nĩ. Kar Topẽ mỹ to vĩm nĩ, ti tũ ũ ag ajũna ke jé, kar ti mỹ agradece kem nĩ gé.

2. Ẽg hã ren kỹ Topẽ mré vĩ ke nỹtĩ?

Ẽg tỹ ẽg fe kãtá Topẽ mré vĩ ke nỹtĩ. Hã kỹ Topẽ Vĩ Rá vỹ ẽg mỹ tó tĩ, Topẽ mỹ, “ãjag mỹ nén jagy nĩ ẽn tóm nĩ”. (Salmo 62:8) Ẽg tỹ Topẽ mré vẽmén há tĩ, ẽg jykre ki, óra kar ki, kar ẽmã kar ki. Ã tỹ Jeová mré vĩ kỹ, hã ri ke mũn, ã tóg jẽ nĩ, ã tỹ nĩ nĩ, ke tũ nĩn kỹ ã tỹ grĩnh ke tĩ, ge ra tóg ã vĩ mẽg tĩ. Ẽg tỹ Jeová mré vẽmén kỹ, ẽg tỹ ti mỹ ven sór tĩ, ti tỹ ẽg kri ke nĩ.

3. Ẽg tỹ Topẽ mỹ nén ũ to vĩn kỹ, ti hã ren kỹ nén ũ ẽn hẽn ri ke han tĩ?

Topẽ vỹ ẽg kanhrãnrãn tĩ, Topẽ Vĩ Rá tỹ. Topẽ Vĩ Rá vỹ “ũn tỹ nén ũ ki kagtĩg ag kanhrãn tĩ”. (Salmo 19:7; Tiago 1:5 le kem nĩ.) Ẽg tỹ nén ũ jagy kato tãn kỹ Jeová vỹ ẽg krĩ tỹ kuprãg han tĩ. Kar ti tỹ ẽg tar han tĩ, ẽg mré ke ag tỹ.

VẼNH KANHRÃN KÃFÓR NĨ

Ha tugnỹm, ã tỹ ã fe kãtá Topẽ mré vĩn kỹ, ã ne han ke nĩ ti, Topẽ tỹ ã vĩ jemẽ jé. Kar Topẽ mré vĩ ti hã ren kỹ ã ajũna ke tĩ.

4. Ẽg ne han ke nỹtĩ ti, Topẽ tỹ ẽg vĩ jẽmẽ jé

Ẽg tỹ nén ũ há ag tỹ ne hyn han ke nỹtĩ, Topẽ tỹ ẽg vĩ jẽmẽ jé? Ha vé VÍDEO ti.

VÍDEO: Topẽ mỹ vẽnh kar tỹ ti mré vẽmén mũ ag vĩ jẽmẽg tĩ hẽn? — Ti vẽnh kãpóv (2:42)

Jeová tỹ ẽg tỹ ti mré vẽmén mũ ve sór tĩ. Salmo 65:2 le kem nĩ. Kar jagnẽ mré vẽmén nĩ, nén ũ tag ag to:

Ã hã mỹ, Topẽ mỹ ã tỹ ti mré vẽmén mũ ve sór tĩ? Ã ne tugnĩn ge ãkrén tĩ?

Ẽg tỹ Topẽ vĩ ki króm ke nỹtĩ, ti tỹ ẽg vĩ jemẽ jé. Miquéias 3:4 kar 1 Pedro 3:12 le kem nĩ. Kar jagnẽ mré vẽmén nĩ, tag to:

Ẽg hã ren kỹ ki kanhró pẽ tĩ, Jeová tỹ ẽg vĩ jemẽnh ke mũ ti?

Vẽnh génh ki, ũn ag tỹ Topẽ mỹ to vĩ tĩ, ti tỹ ag vẽnh génh ve há han jé. Topẽ mỹ ag vĩ jẽmẽnh ke mũ hẽn?

5. Ẽg tỹ ẽg fe kãtá Topẽ mré vĩ ke nỹtĩ

Ũn ag vỹ ãkrén tĩ, ag tỹ kurã kar ki Topẽ mỹ tugtó e ke nỹtĩ, ag tỹ kurã ũ ag ki Topẽ mỹ nén tó ja ẽn ri ke ti. Hã ra Topẽ mỹ ũn ag tỹ ge han mũ ve sór tĩ hẽn? Mateus 6:7 le kem nĩ. Kar jagnẽ mré vẽmén nĩ, tag to:

Ã tỹ Topẽ mré vẽmén kỹ, ã ne han ke nĩ, ã tỹ “fagrĩnh mỹ ti mré vẽmén mág han tũg nĩ jé”?

Kurã kar ki, Topẽ mỹ agradece kem nĩ, ti tỹ ã mỹ nén há nĩm ja to. Kỹ ã ge han kỹ, ã tỹ ti mỹ nén ũ tỹ 7 to agradece kenh ke mũ, semỹnỹ kãmĩ.

Ũn kósin tỹ ti fe kãtá ti panh mré vãmén kỹ, tag vỹ ti panh mỹ há tãvĩ nĩ. Ẽg tỹ ẽg fe kãtá Jeová mré vĩn kỹ, tag vỹ ti mỹ há tãvĩ nĩ gé.

6. Topẽ mré vĩ mũ vỹ tỹ Topẽ nén ũ há nĩ, ẽg mỹ

Topẽ mré vĩ ti hã ren kỹ ẽg tar han tĩ, ẽg tỹ nén ũ jagy kato tẽgtẽ kỹ? Ha vé VÍDEO ti.

VÍDEO: Topẽ mré vãmén mũ vỹ ẽg tar han tĩ, nén ũ jagy ag fĩn rãm jé (1:32)

Topẽ Vĩ Rá vỹ ẽg mỹ kãmén tĩ, ẽg tỹ Topẽ mré vĩn kỹ, ẽg krĩ tỹ kuprãg kenh ke mũ. Filipos 4:6, 7 le kem nĩ. Kar jagnẽ mré vẽmén nĩ, nén ũ tag ag to:

Kejẽn ã tỹ Topẽ mré vĩn kỹ, nén vẽnh mỹ ag pi tũꞋ kenh mũ. Ge ra Topẽ mré vĩ mũ hã ren kỹ ã ajũna kenh ke mũ mỹr?
Ã tỹ Topẽ mré vãmén kỹ, ã tỹ nén ũ ag tỹ ne Topẽ mỹ tó sór mũ?

Ã mỹ ki kanhrãn nĩ?

Vẽnh vĩ tỹ “amém” tag to ken hã vẽ, hã vỹ: “hã vẽ”, ke mũ. Vãsỹ ag tỹ Topẽ mré vĩn kỹ, ag vỹ ge tó tĩ vã, kar ũri ke gé. — 1 Crônicas 16:36.

7. Topẽ mré vĩ nĩgtĩ

Kejẽn ẽg tỹ nén ũ e hyn han, kỹ ẽg pi Topẽ mré vĩ tĩ. Jesus mỹ Topẽ mré vĩ nĩgtĩ hẽn? Mateus 14:23 kar Marcos 1:35 le kem nĩ. Kar jagnẽ mré vẽmén nĩ, nén ũ tag ag to:

Jesus ne han ja, Topẽ mré vĩ kamã nĩ jé?
Ã ne han ke nĩ, Topẽ mré vĩ kamã nĩ jé?

ŨN PIPIR AG VỸ KE TĨ: “Isỹ Topẽ mré vĩn kỹ, ti pi jẽmẽg tĩ.”

Ã ne hã renh?

Ã NE KANHRÃN JA TI

Ẽg tỹ ẽg fe kãtá Topẽ mré vĩ nỹtĩn kỹ, ẽg tỹ Topẽ mré hã nĩnh ke mũ, ti vỹ ẽg ajũna ke tĩ, ẽg tỹ krĩ kuprãg jé kar ti vỹ ẽg tar han ke mũ. Ẽg tỹ Jeová mỹ vĩ há han jé.

Jykrinkrén mũ

Ẽg tỹ ũ nẽ mré vĩ ke nỹtĩ?
Ẽg hã ren kỹ Topẽ mré vĩ ke nỹtĩ?
Topẽ mré vĩ hã ren kỹ ẽg ajũna ke tĩ?

Lição tag tugnỹm kãn mỹ inh, kurã tag kã:

Tag han vãsãn nĩ

Ã tỹ Topẽ mré vĩn kỹ, nén ũ tóm nĩ (1) nén ũ ag tỹ ã krĩ tỹ kufy gy nĩ han mũ to, (2) nén ũ to Jeová mỹ agradece ke (3) ũn ag jagfy Topẽ mỹ nén to vĩ, ti tỹ ajũna ke jé.

Other:

Nén ũꞋũ han: