OSHILESHWA 09
Ehena popepi nakalunga okupitila meilikano
Mbela oho kala u udite wa pumbwa ewiliko monghalamwenyo yoye? Mbela oto kongo omanyamukulo komapulo oye a fimanenena? Mbela owa pumbwa ehekeleko nosho yo etwomukumo? Mbela owa hala okukala u udite wa ehena popepi naJehova? Eilikano otali dulu oku ku kwafela moinima aishe oyo. Ndele mbela onghedi yokwiilikana ilipi ya yuka? Kalunga oha pwilikine ngoo komailikano aeshe? Oshike osho to dulu okuninga po, opo u mone ngeenge oha pwilikine ngoo komailikano oye? Natu ka konakone kombinga yaasho.
1. Okulyelye tu na okwiilikana, noshike tu na okwiilikana kombinga yasho?
Jesus okwa honga kutya otu na ashike okwiilikana kuTate yetu womeulu. Jesus mwene naye okwa li a ilikana kuJehova. Okwa ti: “Hano mu na okwiilikana ngaha: ‘Tate yetu ou u li meulu . . . ’” (Mateus 6:9) Ngeenge hatu ilikana kuJehova, ohatu pameke ekwatafano letu naye.
Ohatu dulu okwiilikana kombinga yoshinima keshe. Opo Kalunga a nyamukule omailikano etu, oku na okukala e li metwokumwe nehalo laye. “Keshe osho hatu mu indile pahalo laye ote tu udu.” (1 Johannes 5:14) Jesus okwa yandja yo oihopaenenwa yoinima yokondadalunde oyo hatu dulu okwiilikana kombinga yayo. (Lesha Mateus 6:9-13.) Eshi hatu ilikana kombinga yoisho yetu, inatu dimbwa yo okupandula Kalunga mwaaishe oyo a ninga nokupula yo a kwafele vamwe.
2. Otu na okwiilikana ngahelipi?
Ombiibeli otai tu ladipike tu ‘mbubulile Kalunga omitima detu.’ (Epsalme 62:8) Onghee hano, omailikano etu oku na okukala paushili notaa di komutima. Ohatu dulu okwiilikana hatu popi mokule, ile twa mwena, ashike otu na oku shi ninga monghedi yefimaneko. Ohatu dulu yo okwiilikana pefimbo keshe noponhele keshe.
3. Kalunga oha nyamukula ngahelipi omailikano etu?
Ohe a nyamukula meenghedi da yoolokafana. Jehova okwe tu pa Eendjovo daye, Ombiibeli, omo luhapu hatu mono omanyamukulo komapulo etu. Okulesha Eendjovo daKalunga ohashi “nongopaleke omalai.” (Epsalme 19:7; lesha Jakob 1:5.) Ota dulu oku tu pa ombili yopamadiladilo ngeenge twa taalela omashongo. Ota dulu yo okulinyengifa Ovakriste vakwetu ve tu kwafele.
KONAKONA MOULE
Konakona nghee to dulu okwiilikana monghedi oyo tai fimanekifa Kalunga, nanghee to dulu okumona ouwa meilikano.
4. Kalunga okwa hala tu ilikane kuye
Oinima ilipi tai ka ufa kutya Kalunga okwa hokwa omailikano etu, ile hasho? Dana OKAVIDIO.
Jehova okwa hala tu ilikane kuye. Lesha Epsalme 65:2, ndele tamu kundafana omapulo taa shikula:
-
Mbela oto diladila kutya “Omuudi womailikano” okwa hala u ilikane kuye? Omolwashike to tile ngaho?
Otu na okukala metwokumwe nomifikamhango daKalunga ngeenge otwa hala a pwilikine komailikano etu. Lesha Mika 3:4; 1 Petrus 3:12, ndele tamu kundafana epulo tali shikula:
-
Ongahelipi hatu dulu okukala noushili kutya Jehova ota ka pwilikina komailikano etu?
Ngeenge ovanhu ve li moita, keshe umwe oha ilikana, opo ombinga yavo i findane. Ndele mbela oshi li ngoo pandunge okuteelela Kalunga a nyamukule eilikano la tya ngaho?
5. Otu na okukala hatu ilikana tashi di komutima
Ovanhu vamwe ova hongwa okukala tava endulula omailikano a faafana. Ndele mbela osho ngoo Kalunga a hala tu kale hatu ilikana ngaho? Lesha Mateus 6:7, ndele tamu kundafana epulo tali shikula:
-
Ongahelipi hatu dulu okuhenuka okwiilikana hatu “endulula oinima ya faafana?”
Ohatu dulu okudiladila kombinga yoshinima shiwa osho she tu ningilwa efiku olo, nokupandula Jehova omolwasho. Ngeenge owa ningi ngaho momukokomoko woshivike, oto ke lihanga wa ilikana omailikano aheyali a yoolokafana.
Xe omunahole oha kala a teelela omona waye a popye naye tashi di komutima. Sha faafana, Jehova naye okwa hala tu kale hatu ilikana tashi di komutima
6. Eilikano olo oshali ya dja kuKalunga
Ongahelipi eilikano tali dulu oku tu nghonopaleka momafimbo mawa nomai? Dana OKAVIDIO.
Ombiibeli oya udaneka kutya eilikano otali dulu oku tu kwafela tu mone ombili yopamadiladilo. Lesha Ovafilippi 4:6, 7, ndele tamu kundafana omapulo taa shikula:
-
Eilikano ohali tu kwafele ngahelipi, nonande efimbo limwe omaupyakadi etu itaa di po?
-
Oinima imwe ilipi wa hala okwiilikana kombinga yayo?
Owe shi shiiva tuu?
Outumbulilo “amen” otau ti “nashi kale ngaho ile osho naanaa.” Okudja pefimbo opo Ombiibeli ya li tai shangwa, outumbulilo “amen” owa kala hau longifwa pexulilo leilikano.—1 Omafimbo 16:36.
7. Kala ho litulile po efimbo lokwiilikana
Omafimbo amwe otashi dulika hatu kala twe lipyakidila neenghono nohatu lihange twa dimbwa okwiilikana. Eilikano ola li la fimana shi fike peni kuJesus? Lesha Mateus 14:23; Markus 1:35, ndele tamu kundafana omapulo taa shikula:
-
Jesus okwa li ha ningi po shike, opo a mone efimbo lokwiilikana?
-
Efimbo lilipi tali ka kala la wapala kwoove okwiilikana?
VAMWE OHAVA TI: “Eilikano emanepo ashike lefimbo, molwaashi kape na ou ta pwilikine.”
-
Ove oto ti ngahelipi?
ENGONGO
Omailikano taa di komutima otaa dulu oku tu kwafela tu ehene popepi naKalunga, tu kale tu na ombili yopamadiladilo, noku tu pa eenghono odo twa pumbwa opo tu dule okuhafifa Jehova.
Eendululo
-
Otu na okwiilikana kulyelye?
-
Otu na okwiilikana ngahelipi?
-
Omauwa amwe oo haa di mokwiilikana oelipi?
TALA OUYELELE WA WEDWA PO
Mona omanyamukulo omapulo oo haa pulwa luhapu kombinga yeilikano.
“Oinima iheyali oyo twa pumbwa okushiiva kombinga yeilikano” (Oshungonangelo, 1 Novemba 2010)
Lihonga kutya omolwashike u na okwiilikana, nanghee to dulu okuxwepopaleka onghedi yoye yokwiilikana.
“Omolwashike ndi na okwiilikana?” (Oshitukulwa shi li ko jw.org)
Tala osho Ombiibeli tai ti shi na sha naao tu na okwiilikana kuye.
“Mbela ondi na okwiilikana kwaavo va talika ko ovayapuki?” (Oshitukulwa shi li ko jw.org)
Mokavidio taka shikula, didilika ngeenge otashi dengele shi na sha nonhele opo tu na okwiilikanena, ile hasho.
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
