Imarisai

Imarisai

Iserfissaq (opens new window)
JW.ORG-imi ujarlerit

ILINNIAGASSAQ 09

Qinunikkut Guuti qanilliuk

Qinunikkut Guuti qanilliuk

Ilaan­nik­kut siun­nersor­tis­saaleqisar­pit? Akis­sutis­sarserusutan­nik pingaarutilin­nik apeq­qutis­saqar­pit? Tup­pal­lersar­neqar­nis­sat pisariaqar­tip­piuk? Jehova qanin­nerulerusup­piuk? Taamaap­pat qinusar­neq iluaqutigis­savat. Qin­nutil­li qanoq it­tut Guutip akuerisar­pai? Tamaasa tusar­naar­tar­pai? Qanoq qulak­keersin­naaviuk illit qin­nutitit tusar­naas­sagai? Tamak­ku paasiniariar­tigit.

1. Kimut qinusassaagut, suullu qinnutigisarsinnaavagut?

Jiisusi Jehovamut qinusar­poq, ilin­niar­titsis­sutigaalu uagut­taaq taamaalior­tas­sasugut. Ima oqar­poq: “Ima qinusassaasi: ‘Ataatarput qilammiittutit …’” (Matiusi 6:9) Jehovamut qinugaangat­ta ikin­ngutigineruler­tar­par­put.

Suul­luun­niit pil­lugit qinusin­naavugut. Guutil­li qin­nutigut tusarlugil­lu akis­sap­pagit ‘piumasaanut naapertuut­tariaqarput’. (Johannesimit 1. 5:14) Jiisusip qin­nutigisin­naasat­ta ilaat eq­qaavai. (Matiusi 6:9-13 atuarsigit). Isumakuluutitsin­nik an­nis­suif­figiin­nar­nagu aam­ma Jehovap uagutsin­nut iliuuserisimasai qinunik­kut qujamasuutigisariaqar­pagut al­lal­lu qin­nut­tarlugit.

2. Qanoq qinusassaagut?

Biibilimi kajumis­saar­neqar­pugut ‘uummammiugisatsin­nik tamanik Guutimut saqqummiusseq­qulluta’. (Tus­siaat 62:9) Tas­sa qinugaangat­ta qaman­nga pisumik qinusariaqar­pugut – nipituumik nipeqan­ngitsumil­luun­niit. Aam­ma qaquguk­kul­luun­niit sumiluun­niil­lu qinusin­naavugut. Nikorfanersugut, is­sianersugut seeq­qum­meq­qanersugul­luun­niit apeq­qutaan­ngilaq. Pingaaruteqar­porli ataq­qin­nit­tumik Jehovamut saaf­figin­nit­tar­nis­sar­put.

3. Guutip qinnutigut qanoq akisarpai?

As­sigiin­ngitsor­pas­suar­tigut. Jehovap Biibili al­latsip­paa apeq­qutigut akis­sutis­sarsisar­nias­sagatsigit. Biibilimi al­las­simasut “misilittagakitsunik ilisimasun­ngortitsisarput”. (Tus­siaat 19:8; Jaaku 1:5 atuarsiuk). Ajor­nar­torsior­nitsin­ni eq­qis­sinermik tunisin­naavaatigut. Aam­ma pisariaqar­titsigaangat­ta inuit al­lat aq­qutigalugit ikiorsin­naavaatigut.

ITISILIINEQ

Paasiniaruk Guutip iluarisaatut qanoq qinusin­naasutit qinunerlu qanoq iluaqutigisin­naagit.

4. Qinnutit Guutip akuerisai

Qin­nutit qanoq it­tut Guutip akuerisar­pai? VIDEO isiginnaarsiuk.

VIDEO: Guutip qinnutit tamaasa tusartarpai? – Naalisagaq (2:42)

Jehovap im­minut qinusas­sasugut kis­saatigaa. Tussiaat 65:3 atuarsiuk apeq­qutil­lu uku eq­qar­torlugit:

  • Ilimagaajuk ‘qin­nutinik tusar­tar­tup’ illerpiaq im­minut qinusar­nis­sat kis­saatigigaa? Sooq taama isumaqar­pit?

Jehovap qin­nutigut akueris­sap­pagit taas­suma piumasaqaatai sapin­ngisatsin­nik maleruar­niarsarisariaqar­pagut. Mika 3:4 aamma Petrusimit 1. 3:12 atuarsigit apeq­qul­lu una eq­qar­torlugu:

  • Qanoq qulak­keersin­naavar­put Jehovap qin­nutigut tusarumaarai?

Imaas­sin­naavoq sorsun­nermi akerariit tamarmik ajugaanis­sar­tik qin­nutigigaat. Qin­nutaat tamaasa Guutip akis­savai?

5. Qanorpiaq misiginitsin­nik Jehova oqaluttuut­tassavarput

Inuit ilaat qin­nutinik uteqat­taagas­sanik ilin­niar­tin­neqarsimap­put. Guutil­li taama qinusas­sasugut piumasaraa? Matiusi 6:7 atuarsiuk apeq­qul­lu una eq­qar­torlugu:

  • Qinugaangat­ta qanoq uteqat­taarinaveersaarsin­naavugut?

Ul­lup ingerlanerani misigisimasat pil­lugu Jehova qujaf­figiuk. Sapaatip-akun­nerata ingerlanerani ul­lut tamaasa taamaaliorsimaguit as­sigiin­ngitsut arfineq-marluk pil­lugit Jehova qujaf­figisimas­savat.

Ataataalluartup kissaatigisarpaa meeqqami uummammiuni ammasumik oqaluttuarissagai. Taamatuttaaq Jehovap qamannga pisumik qinusarnissarput kissaatigaa

6. Qinusinnaanerput Guutimit tunissutaavoq

Qinuneq qanoq iluaqutigisin­naavar­put, ingam­mik ar­torsar­til­luta? VIDEO takusiuk.

VIDEO: Qinuneq pinertusaarnissamut iluaqutigaar­put (1:32)

Biibilimi neriorsor­neqar­pugut qinuneq qamuuna eq­qis­sinis­samut iluaqutigisin­naagip­put. Filippimiut 4:6, 7 atuarsigit apeq­qutil­lu uku eq­qar­torlugit:

  • Ajor­nar­torsiutigut aaq­qin­neqan­ngik­kaluar­tut qinuneq qanoq iluaqutigisin­naavar­put?

  • Il­lit suut qin­nutigerusup­pigit?

Nalunngiliuk?

Oqaaseq “amen” isumaqar­poq “taama pili” imaluun­niit “ilumut”. Qin­nutit Biibilip nalaanili taamatut naggaser­neqar­tar­put. – Nalunaarsuutit 1. 16:36.

7. Qinuneq pingaartittaruk

Ilaan­nik­kut ulapip­pal­laarluta qinunis­sar­put puior­toorsin­naasar­par­put. Maluginiaruk Jiisusip qinunis­sani pif­fis­saqarfigisaraa. Matiusi 14:23 aamma Makkorsi 1:35 atuarsigit apeq­qutil­lu uku eq­qar­torlugit:

  • Jiisusip qinuneq qanoq pingaar­titsigaa?

  • Il­lit qaquguk­kut qinusarsin­naavit?

OQARTOQARTARPOQ: “Qinuneq pif­fis­saajaataan­naavoq.”

  • Il­lit qanoq oqas­savit?

EQIKKAANEQ

Qaman­nga pisumik qinugaangat­ta Guutimut qanil­lisar­pugut, qamuuna eq­qis­sineq misigisar­par­put Jehoval­lu iluarisaatut iliorsin­naaq­qul­luta nakus­satsin­neqar­tarluta.

Uteqqiineq

  • Kimut qinusas­saagut?

  • Qanoq qinusas­saagut?

  • Qinuneq qanoq iluaqutigaar­put?

Iliuuserisassatit

NAMMINEQ MISISSUGASSATIT

Qinuneq pil­lugu apeq­qutigineqar­tar­tut akis­sutaat paasiniak­kit.

“Qinuneq pillugu ilisimasariaqak­kat arfineq-marluk” (Napasuliaq Alapernaarsuiffik, oktobarip aal­laq­qaataat, 2010)

Sooq qinuneq pingaaruteqar­nersoq aam­ma suut qin­nutigisas­sanerigut paasiniaruk.

“Sooq qinusassaanga?” (Nit­tar­tak­katsin­ni al­laaserisaq)

Sumi qaquguk­kul­lu qinusarsin­naanersugut musikvideumi maluginiaruk.

Jehovamut qinusarpunga (1:22)

Soqutigisinnaasatit allat

APEQQUTIGINEQARTARTUT

Jehovap Nalunaajaasuisa Biibilimik pikkorissartitsinerat suugami?

Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.

NAASSAANNGITSUMIK PILLUARSINNAAVUTIT! – BIIBILIMIK PIKKORISSARNEQ

Qinunikkut Guuti qanilliuk

Kalaallisut
Qinunikkut Guuti qanilliuk
https://cms-imgp.jw-cdn.org/img/p/1102021209/univ/art/1102021209_univ_sqr_xl.jpg
lff ilinniagassaq 9
AAJUK
Qinunikkut Guuti qanilliuk
Atuagassanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq
Immiussanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq