ДӘРСА 09
Бь сайа Дӧа Незики Хԝәде бә
Жийина тәда ԛә ӧса буйә, кӧ тӧ һʹәԝще рʹебәрийе буйи? Пьрсед тәйи фәрз һәнә, щаба кʹижана кӧ тӧ дьхԝази бьстини? Тӧ һʹәԝще бәрдьли у дьлбинийе йи? Тӧ дьхԝази дьһа незики Йаһоԝа би? Дӧа дькарә ԝан һʹәму тьштада али тә бькә. Ле әм ча гәрәке рʹаст дӧа бькьн? Гәло Хԝәде һʹәму дӧа дьбьһе? Тӧ чь гәрәке бьки, ԝәки баԝәр би, кӧ Хԝәде ԝе дӧайед тә бьбьһе? Ԝәрә әм шеԝьр кьн.
1. Тӧ кʹерʹа гәрәке дӧа бьки у дәрһәԛа чь?
Иса һин дькьр, кӧ әм гәрәке тʹәне Баве хԝәйи әʹзманарʹа дӧа бькьн. Иса хԝәха жи Йаһоԝарʹа дӧа дькьр. Әԝи гот кӧ гәрәке «аһа дӧа бькьн: ‹Баве мәйи әʹзмана! . . .›» (Мәтта 6:9). Гава әм Йаһоԝарʹа дӧа дькьн, ӧса әм достийа хԝә тʹәви ԝи ԛәԝи дькьн.
Әм дькарьн дәрһәԛа һәр тьшти дӧа бькьн. Сәва кӧ Хԝәде щаба дӧайед мә бьдә, дӧа гәрәке ль гора ԛьрара ԝи бьн. «Һәгәр әм тьштәки ль гора хԝәстьна ԝи [Хԝәде] же бьхԝазьн, әԝ дәнге мә дьбьһе» (1 Йуһʹәнна 5:14). Иса нишан кьр, кӧ әм дькарьн дәрһәԛа чь дӧа бькьн (Бьхунә Мәтта 6:9-13.) Һәмьки әм дькарьн дәрһәԛа тьштед хԝәйә шәхси дӧа бькьн, ле әм гәрәке бир нәкьн, сәва тьштед кӧ Хԝәде бона мә кьрийә, рʹазибуна хԝә ԝирʹа бьдьнә кʹьфше. Әм ӧса жи дькарьн бона мәрьвед дьн дӧа бькьн.
2. Әм чаԝа гәрәке дӧа бькьн?
Кʹьтеба Пироз мә һелан дькә, ԝәки әм «дьле хԝә» Хԝәдерʹа вәкьн (Зәбур 62:8). Ләма жи дӧайед мә гәрәке жь дьл бьн. Әм дькарьн һьм бь дәнге бьльнд, һьм жи дьле хԝәда дӧа бькьн. У фьрԛи тʹӧнә әм сәкьнинә, рʹуньштинә, йан щурʹәки дьн дӧа дькьн, фәрз ә ԝәки әԝ йәк бь щурʹе лайиԛ бә. Әм ль кʹидәре бьн жи, әм дькарьн тʹьме дӧа бькьн.
3. Хԝәде чаԝа щаба дӧайед мә дьдә?
Әԝ бь щурʹә-щурʹә метода щаба дӧайед мә дьдә. Йаһоԝа Хәбәра хԝә, демәк Кʹьтеба Пироз дайә мә, кʹидәре әм дькарьн щабед пьрсед хԝә бьстиньн. Хԝәндьна Кʹьтеба Пироз дькарә мәрийа «сәрԝахт» бькә (Зәбур 19:7; бьхунә Аԛуб 1:5.) Илаһи чахе әм рʹасти тәʹли-тәнгийа тен әԝ дькарә рʹьһʹәтийа дьл бьдә мә. Йаһоԝа дькарә хьзмәткʹаред хԝә һелан кә, ԝәки бенә һәԝара мә чахе әм һʹәԝщә бьн.
КʹУР ЛЕКОЛИН КӘ
Пебьһʹәсә кӧ тӧ ча дькари дӧа бьки ԝәки Хԝәде дӧайед тә бьбьһе, у чаԝа дӧа дькарә кʹаре тәрʹа бинә.
4. Хԝәде кʹижан дӧа дьбьһе?
Әм чь гәрәке бькьн, сәва кӧ Хԝәде дӧайед мә бьбьһе? Вехә ВИДЕО.
Йаһоԝа дьхԝазә, ԝәки әм ԝирʹа дӧа бькьн. Бьхунә Зәбур 65:2, у паше щаба ве пьрсе бьдә:
-
Ча тӧ дьфькьри, Әԝе кӧ дӧа дьбьһе, дьхԝазә ԝәки тӧ ԝирʹа дӧа бьки? Шьровәкә чьма әре йан чьма на.
Һәрге әм дьхԝазьн ԝәки Хԝәде дӧайед мә бьбьһе, әм гәрәке ль гора нормед Хԝәде бьжин. Бьхунә Миха 3:4 у 1 Пәтрус 3:12, у паше щаба ве пьрсе бьдә:
-
Әм чаԝа дькарьн баԝәр бьн, ԝәки Йаһоԝа ԝе дӧайед мә бьбьһе?
Ԝәʹде шәрʹ һәр дӧ али жи бона сәркʹәтьне дӧа дькьн. Гәло Хԝәде ԝе щаба дӧайед ӧса бьдә?
5. Дӧайед мә гәрәке бь дьл бьн
Һьнә мәрьв ӧса һатьнә һинкьрьне, ԝәки дӧа бь әзбәри бежьн. Ле гәло Хԝәде дьхԝазә ԝәки әм ӧса ԝирʹа дӧа бькьн? Бьхунә Мәтта 6:7, у паше щаба ве пьрсе бьдә:
-
Әм ча дькарьн ԝәʹде дӧакьрьне «гьлийа диса у диса нәԝәкʹьлиньн»?
Һәр рʹож бьфькьрә, ԝәки тӧ бона чь дькари рʹазибуна хԝә Йаһоԝарʹа бьди кʹьфше. Һәрге тӧйе ӧса бьки, һьнге һәр рʹож нава һʹәфтийеда тӧйе бона һʹәфт тьштед щурʹә-щурә Хԝәдерʹа дӧа бьки у ӧса рʹазибуна хԝә ԝирʹа бьди кʹьфше.
Ча бавәки бь һʹьзкьрьне дьхԝазә кӧ зарʹа ԝи жь дьл тʹәви ԝи хәбәр дә, Йаһоԝа жи дьхԝазә, ԝәки әм жь дьл ԝирʹа дӧа бькьн
6. Дӧа пʹешкʹеша жь Хԝәде йә
Дӧа чаԝа дькарә илаһи ԝәʹде чәтьнайа али мә бькә? Вехә ВИДЕО.
Кʹьтеба Пироз дьбежә, ԝәки дӧа дькарә али мә бькә рʹьһʹәтийа дьл бьвиньн. Бьхунә Филипи 4:6, 7, у паше щаба ван пьрса бьдә:
-
Һәрге әм дӧа дькьн ле проблемед мә йәкә сафи набьн, ча дӧа диса жи али мә дькә?
-
Тӧ дьхԝази дәрһәԛа чь Хԝәдерʹа дӧа бьки?
Ԝә заньбу?
Хәбәра «амин» те һʹәсабе «бьра ӧса бә» йан «рʹаст ә.» Ԝәʹде бәре хәбәра «амин» хьлазийа дӧакьрьне дьготьн (1 Дирок 16:36).
7. Ԝәʹдә бьвинә кӧ дӧа бьки
Щара әм ӧса шьхӧлва мьжул дьбьн, кӧ бир дькьн дӧа бькьн. Бона Иса дӧа чьԛаси фәрз бу? Бьхунә Мәтта 14:23 у Марԛос 1:35, у паше щаба ван пьрса бьдә:
-
Иса чь дькьр кӧ бона дӧакьрьне ԝәʹдә бьвинә?
-
Тӧ чь чах дькари ԝәʹдә бьвини, кӧ дӧа бьки?
ҺЬНӘ МӘРЬВ ДЬБЕЖЬН: «Бь рʹасти дӧа аликʹарийе надә. Бь дӧа мәрьв тʹәне дьле хԝә рʹьһʹәт дькә.»
-
Тӧйе чь бежи?
ТʹӘМАМКЬРЬН
Дӧайед мәйи жь дьл мә дьһа незики Хԝәде дькьн, ӧса жи әʹдьлайа дьл у ԛәԝате дьдьнә мә, кӧ әм бькарьбьн дьле Йаһоԝа ша кьн.
Ԝәкʹьландьн
-
Әм кʹерʹа гәрәке дӧа бькьн?
-
Әм чаԝа гәрәке дӧа бькьн?
-
Дӧа чьда керһати йә?
ҺЕ ЗЕДӘ ПЕБЬҺʹӘСӘ
Пебьһʹәсә щабед ԝан пьрса, кʹижан кӧ дӧакьрьнева гьредайи нә у гәләк бәлабуйи нә.
«Щабед Һʹәфт Пьрса Дәрһәԛа Дӧакьрьне» («Бьрща Ԛәрәԝьлийе», 1 Щотмәһе, 2010)
Пебьһʹәсә, кӧ чьма тӧ гәрәке дӧа бьки у ча дькари дӧайед хԝә дьһа баш ки.
Пебьһʹәсә, кӧ ль гора Кʹьтеба Пироз әм гәрәке дәрһәԛа кʹе дӧа бькьн.
«Гәло Лазьм ә Кәсед Пирозрʹа Дӧа Бькьн?» (Готара жь малпәре)
Дина хԝә бьдә ве видео мьԛаме у бьньһерʹә һәла фьрԛи һәйә кʹидәре у чь чах гәрәке дӧа бькьн йан на.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
