LONGI DIA 09
Finama Nzambi Muna Sambu
Nga wabwilwa kala diambu dina wavavilanga e longi? Nga yuvu una yau ina ozolele bakila e mvutu? Nga lusadisu ovuidi o mfunu yovo lufiaulwisu? Nga ozolele finama Yave? E sambu kilenda kusadisa mu mambu mama mawonso. Kansi, ayeyi i mpila yambote yasambila? Nga Nzambi owanga e sambu yawonso? Adieyi ofwete vanga mu kala ye ziku vo Nzambi owá sambu yaku? Yambula twazaya.
1. Kwa nani tufwete samba? Nkia mambu tufwete lomba muna sambu?
Yesu wavova vo tufwete sambanga kaka kwa Se dieto dia zulu. Yesu wasambanga kaka kwa Yave. Wavova vo: “I wau wuwu nufwete sambila: ‘E Se dieto koko zulu . . . ’” (Matai 6:9) Vava tusambanga kwa Yave, e kikundi kieto yo yandi kikumamanga.
Tulenda lomba konso diambu muna sambu. Kansi, Nzambi ovananga kaka e mvutu za sambu ina ngwizani ye luzolo lwandi. “Konso diambu tulomba mun’owu wa luzolo lwandi [Nzambi], wá ke kutuwá.” (1 Yoane 5:14) Yesu wayika mambu tufwete lombanga muna sambu. (Tanga Matai 6:9-13.) Dialudi vo tufwete sambanga mu kuma kia mambu mekututokanesanga, kansi ke tufwete vilakananga vutula matondo ko kwa Nzambi yo samba muna wete dia wantu ankaka.
2. Aweyi tufwete sambila?
Bibila kikutukasakesanga vo: ‘Twaziula e ntima mieto kwa [Nzambi].’ (Nkunga 62:8) Dianu vo e sambu yeto, ifwete tukanga muna nsi a ntima. Tulenda samba muna nding’angolo yovo mu nsi a ntima ye muna konso mpila ina vo ya luzitu. Tulenda samba konso ntangwa ye konso fulu.
3. Aweyi Nzambi kevaninanga e mvutu muna sambu yeto?
Nzambi ovananga e mvutu mu mpila zayingi. Muna bonga e nona, muna Bibila muna ye mvutu za yuvu yayingi tukukiyuvulanga. Otanga e Diambu dia Nzambi dilenda ‘vana e ngangu kwa zowa.’ (Nkunga 19:7; Tanga Yakobo 1:5.) Yave mpe olenda vuvika ntim’eto vava tunuananga ye mpasi. Olenda sadila selo yandi muna kutuvana lusadisu vava tuvuanga lo mfunu.
ZAYA DIAKA MANKAKA
Tala dina ofwete vanga kimana e sambu yaku ya nsi a ntima yawakana kwa Nzambi. Tala mpe una e sambu kilenda kusadisila.
4. Adieyi ofwete vanga kimana Nzambi kawá e sambu yaku?
Nkia mambu tufwete vanga kimana Nzambi kawá e sambu yeto? Tala e VIDEO.
Yave ozolele vo twasambanga kwa yandi. Tanga Nkunga 65:2, i bosi, vana e mvutu za yuvu eyi:
-
Nga obenze vo ndiona “Owanga e sambu” ozolele vo wasamba kwa yandi? Ekuma?
Avo tuzolele vo Nzambi kawá sambu yeto, tufwete lemvokela nkanikinu miandi. Tanga Mika 3:4 ye 1 Petelo 3:12, i bosi, vana e mvutu za kiuvu eki:
-
Aweyi tulenda kadila ye ziku vo Yave owá sambu yeto?
Muna ntangwa vita, konso ndambu besambanga kwa Nzambi kimana basunda e vita. Nga obenze vo Nzambi ovananga e mvutu muna sambu ya mpila yayi?
5. E sambu yeto ifwete tukanga muna nsi a ntima
Wantu ankaka balongwa vo bafwete vutukilanga e mvovo miau mimosi vava besambanga. Kansi, nga i diau kikilu Nzambi kekutulombanga? Tanga Matai 6:7, i bosi, vana e mvutu za kiuvu eki:
-
Ekuma tufwete vengela e fu kia “vutukilanga e mambu mau mamosi” muna sambu yeto?
Yindulanga e nsambu kana zimosi otambwidi kwa Yave konso lumbu yo vutula matondo mu kuma kia nsambu zozo. Avo ovangidi wo mu lumbu yawonso, muna lumingu lumosi, oyika mambu nsambwadi maswaswana lembi vutukila mvovo miau mimosi.
O se diambote ozolanga vo mwan’andi kaziula o ntim’andi yo kunzayisa una kemonanga. Idiau mpe Yave kevavanga kwa yeto vava tusambanga kwa yandi
6. Sambu i lukau lwa Nzambi
Aweyi e sambu kilenda kutusadisila musungula muna ntangwa mpasi? Tala e VIDEO.
Bibila kisianga nsilu vo sambu kilenda kutusadisa mu vuvika e ngindu. Tanga Filipi 4:6, 7, i bosi, vana e mvutu za yuvu eyi:
-
Kanele vo e sambu ke kifokolanga mpasi zeto ko, aweyi kilenda kutusadisila?
-
Nkia mambu ozolele lomba muna sambu?
Nga ozeye?
O mvovo “amen” una ye nsasa vo “i wau kikilu” yovo “yambula diakala wowo.” Tuka muna nz’ankulu, mvovo “amen” uyikwanga muna mfoko a sambu.—1 Tusansu 16:36.
7. Vaulanga ntangwa mu samba
Mu kuma kia salu yayingi, ezak’e ntangwa tuvilakananga samba. Nga e sambu mfunu kiakala kwa Yesu? Tanga Matai 14:23 ye Maku 1:35, i bosi, vana e mvutu za yuvu eyi:
-
Adieyi Yesu kavanganga mu kala ye ntangwa ya samba?
-
Adieyi ofwete vanga mu kala ye ntangwa ya samba?
AVO MUNTU UVOVESE VO: “E sambu ke kina kwandi mfunu ko. Nzambi ke singa vana mvutu za sambu yame ko.”
-
Nkia mvutu okumvana?
MAMBU MASINA MA LONGI DIADI
E sambu ya nsi a ntima ikutufinamesanga kwa Nzambi, ivuvikanga ngindu zeto yo kutuvana nkuma tuvuidi o mfunu mu yangidika Yave.
Nkia Mambu Olongokele?
-
Kwa nani tufwete sambanga?
-
Aweyi tufwete sambila?
-
E sambu nkia nluta kilenda kututwasila?
TALA MPE OMA MALENDE
Solola e mvutu za yuvu ivangwanga mu kuma kia sambu.
“Mambu Nsambwadi Tufwete Zaya mu Kuma kia Sambu” (Eyingidilu dia 1 dia Yanuali- Malusu, 2011)
Zaya e kuma sambu kinina mfunu ye mpila olenda tomesena sambu yaku.
Kwa nani tufwete samba? Zaya dina Bibila kilonganga muna diambu diadi.
“Nga Diambote mu Samba kwa Asantu?” (Longi dina muna jw.org)
Muna nkunga wau, zaya kana vo vava tusambanga e ola yovo fulu, mfunu kina.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
