TIMOKO 09
Pusana kwe Nzambi mu lusambulu
Ngano nsatu lubakusu ye naku mu luzingu? Ngano biyuvu bia nguri bie naku bi zololo wabakila mvutu? Ngano nsatu lutindusu ye naku, peleko nsatu lukwikulu? Ngano nsatu ye naku ya bâ penepene na Yehova? Lusambulu lulendi ku bakisa mu lungisa nsatu zo. Kâ mpila ya mbote ya sambila ni ye? Ngano Nzambi tusambulu twatwansoni twa kawaka? Nti lendi sa mu bâ na lukwikulu ti mbo kawâ tusambulu twaku? Tatala bwe.
1. Ngano nani tufweti sambilaka, mpe ntia misamu tufweti sambirilaka?
Yezu walongesa ti tufweti sambilaka kwa Tata’eto die ku zulu. Yandi beni, Yehova keri sambilaka. Watâ ti: “Lufweti sambilaka ebu: ‘Tata’eto die ku mazulu [. . .]’” (Matie 6:9, NWT) Bu tusambilaka Yehova, tindiku tieto na Yandi tuyikaka ngolo.
Bu tusambilaka tulendi lomba tima ni tima tidelakane na luzolo lwa Nzambi. Tamana sila bo, Yehova mbo kawâ tusambulu tweto. ‘Tala ti tulombele tima tie mu luzolo lwa [Nzambi], beto kawâka.’ (1 Za 5:14) Yezu wahana bifwani bia fwanana bia bima bi tulendi sambirilaka. (Tanga Matie 6:9-13.) Ntono tusambulu mu bungu dia nsatu za beto beni, tufweti tondaka Nzambi mu mio mi kayirikaka mu bungu dia beto mpe tufweti mu lombaka kabikisa bantu bakaka.
2. Bwe tufweti sambirilaka?
Bibila mbo ditulombaka mu ‘yekola mitima mieto kwe [Nzambi].’ (Mikunga 62:8) Buna, tusambulu tweto tufweti bâ twa nsungu mpe tufweti tûkaka ku mutima. Bu tusambilaka, tulendi tumbulaka zu peleko tulendi lwa sila ku nsi’â mutima. Tulendi bâ ba telama, ba zakala peleko mu mpila ni mpila ya buzitu. Tulendi sambila ntangu ni ntangu mpe mu mbuka ni mbuka.
3. Nzambi bwe kahaninaka mvutu mu tusambulu tweto?
Nzambi mu mpila zazingi kahanika mvutu. Yehova watuhana, Bibila, mu tulendi bakila mvutu za biyuvu bieto. Ntangulu ya Zu dia Nzambi yilendi “[hana ndwenga] kwe muntu wulembolo zaba misamu.” (Mikunga 19:7; tanga Zaki 1:5.) Yehova lendi tu hana tidzunu tia ku mutima bu tubwabanaka na nkwamusu. Yandi lendi tuma bisari biandi mu tu bakisa bu tubâka na nsatu lubakusu.
YIKA NDILU
Taluzula bwe lendi sambirila mu mpila yitâka Yehova nsayi, mpe bwe lusambulu lulendi ku bakisila.
4. Misamu mi lombaka Nzambi mitariri lusambulu
Nti bilendi sa ti Nzambi katambula tusambulu tweto peleko kâni? Taleno VIDEO.
Yehova zololo ti tamusambilaka. Tangeno Mikunga 65:2, mpe zonzeleno biyuvu ebi:
-
Bwe ta banza, ngano “Wô wâka lusambulu” zololo kawâka lusambulu lwaku? Mu bungu dia nti?
Tufweti sarila ngolo mu diatila mu mitieno mia Nzambi tala ti tuzololo kawâka tusambulu tweto. Tangeno Mika 3:4 na 1 Piere 3:12, mpe zonzeleno tiyuvu eti:
-
Bwe tulendi bêla na lukwikulu ti Yehova mbo kawâ tusambulu tweto?
Mu ntangu ya muzingu, bantu bata nwana balendi sambila ngatu banunga. Ngano wufwanane takekolo ti Nzambi kahanina tusambulu to mvutu?
5. Tusambulu tweto tufweti tûkaka ku mutima
Bantu bakaka mbo babatêlaka mu karilaka lusambulu lu babalongesa. Kâ, ngano Nzambi ni bo kazololo bamusambirilaka? Tangeno Matie 6:7, mpe taluzuleno tiyuvu eti:
-
Bwe lendi sa mu lembo vulu tâka “misamu mimosi mpe mbala zazingi” mu tusambulu twaku?
Bilumbu biabiansoni, lendi dimbitilaka mu musamu wumosi wa mbote wa yirika Yehova mu luzingu lwaku, mpe mu vuturila matondo mu bungu dia musamu wo. Bu sila bo mu lumingu lwa mukaka, mbo kwizi sambila Yehova mu bungu dia misamu 7 mi lembo karila.
Tata dia mbote dizololo ti mwana andi wa mu têlaka misamu mie nandi ku mutima. Mplia mosi mpe Yehova zololo ti tamusambilaka mu mutima’eto
6. Lusambulu kabu diena dia Nzambi
Bwe lusambulu lulendi tu hanina ngolo, mu ntangu ya nsayi na mu ntangu ya mpasi? Taleno VIDEO.
Bibila dikanisini ti lusambulu lulendi tu bakisa mu bâ na nkatika tidzunu tia ku mutima. Tangeno Bisi-Filipe 4:6, 7, mpe zonzeleno biyuvu ebi:
-
Ni bu sa ti lusambulu ka luzimbakasaka mpasi zeto ko, bwe lulendi bakisila muntu?
-
Ntia misamu zololo wasambirilaka?
Ngano wa wazaba?
Ntelo ya “amene” yi zololo tâ “wa bêla buna” peleko “ni buna.” Tûka ntangu yizonzelaka Bibila, ntelo ya “amene” ya beri tâka ku nsuka ya tusambulu.—1 Ntangu 16:36.
7. Kubikaka ntangu ya sambila
Ntangu zakaka tulendi bâ na tisalu tiatingi mpe tuzimbakane mu sambila. Mu bungu dia nti lusambulu lweri mfunu kwe Yezu? Tangeno Matie 14:23 na Marke 1:35, mpe zonzeleno biyuvu ebi:
-
Ngano nti Yezu keri saka mu baka ntangu ya sambila?
-
Bwe lendi bakila ntangu ya sambila?
TALA TI BAKUTÊLELE: “Mvutu ya Nzambi malembe kwa yikwizaka.”
-
Ntia mvutu hana?
MU BUKUFI
Tusambulu twa nsungu tindiku tieto na Yehova tuyikaka ngolo, tidzunu tia mutima tutuhanaka na ngolo ze neto nsatu mu tâ Yehova nsayi.
Biyuvu bia mbambukulu
-
Nani tufweti sambilaka?
-
Bwe tufweti sambirilaka?
-
Ntia lubakusu lusambulu lutuhanaka?
ZABA BIAKAKA
Baka mvutu za biyuvu bi vulu tiyulaka bantu bitariri lusambulu.
“Misamu 7 mi tufweti zaba mitariri lusambulu” (Nzo ya Zangama ya Munkengi, 1er octobre 2010)
Longoka mu bungu dia nti fweti sambilaka mpe bwe lendi tomesena tusambulu twaku.
“Mu bungu dia nti mfweti sambilaka?” (Mutu-diambu wa mu Internet)
Taluzula misamu mi longesaka Bibila mitariri nani tufweti sambilaka.
“Ngano mfweti sambila basantu?” (Mutu-diambu wa mu Internet)
Mu video yi, zaba tala ti wufwanane tazaba mbuka peleko ntangu ya sambila.
