XNAQʼTZBʼIL 09
Jaku tzʼonin naʼj Dios tiʼja tuʼn tok laqʼeʼya ttxlaj Dios
¿In kubʼpe t-ximana qa taja tuʼn tonin juntl tiʼja toj tanqʼibʼila? ¿Atpe junjun t-xjela naʼmx tkanet tzaqʼwebʼil kyiʼj? ¿Tajpe teya tuʼn t-xi qʼuqbʼaʼn tkʼuʼja tuʼn juntl? ¿Tajpe teya tuʼn t-xi laqʼeʼya mas ttxlaj Jehová? Qa ikju, jaku tzʼonin naʼj Dios tiʼja tuʼn tbʼant tkyaqil jlu tuʼna. Noqtzun tuʼnj, ¿alkye tten tuʼn qnaʼn Dios? ¿In tzajpe tbʼiʼn Dios kynaʼj Dios kykyaqil xjal? ¿Tiʼ jaku bʼant tuʼna tuʼn ttzaj tbʼiʼn Dios qe tnaʼj Diosa? Qo xnaqʼtzan tiʼj.
1. ¿Alqe qo naʼl Dios? ¿Tiʼ jaku txi qqanin toj qnaʼj Dios?
Kyaj t-xnaqʼtzaʼn Jesús tuʼn qnaʼn Dios te Qtat at toj kyaʼj. Ex atzun jlu bʼant tuʼn Jesús, tuʼnju oʼkx naʼn Dios te Jehová. Tqʼama jlu jun maj: «Kyjaʼtzun che naʼne Dios kyjaʼ: A Qman ata tuj kyaʼj» (Mateo 6:9). Aj qnaʼn Dios te Jehová, in ten jun tbʼanel qamiwbʼil tukʼil.
Jaku qo naʼn Dios tiʼj tkyaqil. Noqtzun tuʼnj, qa qaj tuʼn ttzaj ttzaqʼweʼn Dios qe qnaʼj Dios, mlay txi qqanin jun tiʼ mintiʼ toklen tukʼil tajbʼil. In tzaj tqʼamaʼn Tyol Dios jlu: «Qa at jun ma txi qqanin te Dios ik tzaʼnx ju tajbʼil, in qo tzaj tbʼiʼn, kyjaʼtzun tten in qeʼxix qkʼuʼj tiʼj» (1 Juan 5:14). Kyaj tqʼamaʼn Jesús junjun tiʼchaq jaku txi qqanin toj qnaʼj Dios (uʼjinktza Mateo 6:9-13). Ax ikx, mintiʼ tuʼn tikʼ tnaʼl quʼn tuʼn t-xi qqʼoʼn chjonte te Dios tiʼjju o bʼant tuʼn qiʼj ex tuʼn t-xi qqanin te tuʼn tonin kyiʼj junjuntl xjal.
2. ¿Alkye tten tuʼn qnaʼn Dios?
In tzaj tqʼamaʼn Tyol Dios tuʼn tbʼant jlu quʼn: «Che yoline tukʼil tuj naʼj Dios tuʼn tkyaqil kykʼuʼje» (Salmo 62:8). Tuʼntzunju, il tiʼj tuʼn qnaʼn Dios tuʼn tkyaqil qanmi ex tuʼn t-xi qqʼamaʼn tiʼxix in kubʼ qnaʼn. Jaku qo naʼn Dios tukʼil tqʼajqʼajel qwiʼ moqa toj qanmi, toj alkyexku ambʼil ex jaxku tumel. ¿Atpe jun tten tuʼn qkubʼ ten naʼl Dios? Mintiʼ in tzaj tqʼamaʼn Jehová qa il tiʼj tuʼn qkubʼ ẍmejeʼ, tuʼn qkubʼ qeʼ moqa tuʼn qkubʼ weʼ aj qnaʼn Dios. Aju mas nim toklen, aju tuʼn qnaʼn Dios toj tumel.
3. ¿Tzeʼn in tzaj ttzaqʼweʼn Jehová qe qnaʼj Dios?
In tzaj ttzaqʼweʼn Jehová qe qnaʼj Dios toj nimku tumel. In najbʼen Xjan Uʼj tuʼn tuʼn ttzaj tqʼoʼn tzaqʼwebʼil kyiʼj qxjel. Tuʼntzunju, qa ma qo uʼjin tiʼj Tyol Dios, jaku tzʼonin qiʼj tuʼn tok qnabʼil (Salmo 19:7; uʼjinktza Santiago 1:5). Ex aj qok weʼ twitz nya bʼaʼn, jaku tzʼonin Jehová qiʼj tuʼn tkubʼ qnaʼn bʼaʼn. Axpe ikx, jaku che ajbʼen tmajen tuʼn tuʼn tonin qiʼj.
QO JYON MAS TQANIL
Qo xnaqʼtzan tiʼj tzeʼn jaku txi qqʼamaʼn aju tkuʼx toj qanmi toj qnaʼj Dios ex tzeʼn jaku che onin naʼj Dios qiʼj.
4. Junjun tiʼ tuʼn tbʼant quʼn tuʼn qtzaj tbʼiʼn Dios
¿Alkye junjun tiʼchaq il tiʼj tuʼn tbʼant quʼn tuʼn ttzaj tbʼiʼn Dios qe qnaʼj Dios? Kyqʼonke kywitze tiʼj VIDEO.
Taj Jehová tuʼn qnaʼn Dios oʼkx te. Kyuʼjinktze Salmo 65:2 ex che yoline tiʼj xjel lu:
-
¿Tajpe Jehová tuʼn tnaʼna Dios te? ¿Tiquʼn in kubʼ t-ximana jlu?
Qa qaj tuʼn ttzaj tbʼiʼn Dios qe qnaʼj Dios, il tiʼj tuʼn tok tilil quʼn tuʼn kyjapun tkawbʼil quʼn. Kyuʼjinktze Miqueas 3:4 ex 1 Pedro 3:12, ex che yoline tiʼj xjel lu:
-
¿Tiquʼn jaku tzʼok qeʼ qkʼuʼj tiʼj qa in tzaj tbʼiʼn Dios qnaʼj Dios?
Jaku txi kyqanin kabʼe kʼloj soldad onbʼil te Dios tuʼn kykambʼan toj jun qʼoj. Noqtzun tuʼnj, ¿jakupe kubʼ qximen qa ktzajel tbʼiʼn Dios kynaʼj Dios?
5. Il tiʼj tuʼn qnaʼn Dios tuʼn tkyaqil qanmi
Ateʼ junjun xjal o txi xnaqʼtzaʼn kye tuʼn kykyaj junjun naʼj Dios toj kywiʼ. ¿Bʼaʼnpe in che ela qe naʼj Dios lu toj twitz Jehová? Kyuʼjinktze Mateo 6:7 ex che yoline tiʼj xjel lu:
-
¿Tiʼ jaku bʼant quʼn tuʼn miʼn txi qqʼamaʼn aʼyex yol aj qnaʼn Dios?
Tkyaqil qʼij, ximana tiʼj jun tbʼanel tiʼ otoq tzikʼ tiʼja ex qʼonxa chjonte te Jehová tiʼj. Qa ma bʼant jlu tuʼna toj jun seman, jaku yolina tiʼj junxichaq tiʼ toj wuq qʼij ex nya axju kxel tqʼamaʼna kyoj tnaʼj Diosa.
Taj jun tbʼanel tatbʼaj tuʼn t-xi tqʼamaʼn tkʼwal te tkyaqilju in kubʼ t-ximen ex in kubʼ tnaʼn. Ax ikx te Jehová taj tuʼn t-xi qqʼamaʼn te tkyaqilju tkuʼx toj qanmi.
6. Jun oyaj naʼj Dios te qe tuʼn Jehová
¿Tzeʼn jaku tzʼonin naʼj Dios qiʼj tuʼn tten qipumal aj qok weʼ twitz nya bʼaʼn? Kyqʼonke kywitze tiʼj VIDEO.
In tzaj ttziyen Biblia qa jaku tzʼonin naʼj Dios qiʼj tuʼn miʼn ttzaj bʼajxix qkʼuʼj. Kyuʼjinktze Filipenses 4:6 ex 7, ex che yoline kyiʼj xjel lu:
-
Maske mintiʼ in che naj nya bʼaʼn aj qnaʼn Dios, ¿tzeʼn in nonin qiʼj?
-
¿Tiʼ taja tuʼn t-xi tqanina toj tnaʼj Diosa?
¿Ojtzqiʼn jlu tuʼna?
Atxix toj ambʼil ojtxe in xi kyqʼamaʼn xjal «ikxwitju» moqa «amén» aj kybʼaj naʼn Dios (1 Crónicas 16:36).
7. Paʼmila ambʼil tuʼn tnaʼna Dios
At maj in nel naj tiʼj qkʼuʼj tuʼn qnaʼn Dios tuʼnju at nim qaqʼun tuʼn tbʼant. ¿Okpe tilil tuʼn Jesús tuʼn tnaʼn Dios? Kyuʼjinktze Mateo 14:23 ex Marcos 1:35, ex che yoline kyiʼj xjel lu:
-
¿Tiʼ bʼant tuʼn Jesús tuʼn tel tpaʼn ambʼil tuʼn tnaʼn Dios?
-
Yajtzun teya, ¿tzeʼn jaku tzʼel tpaʼna ambʼil tuʼn tnaʼna Dios?
AJU IN TZAJ KYQʼAMAʼN JUNJUN XJAL: «Noqx gan in qo naʼn Dios tuʼnju ni jun in tzaj bʼinte qe».
-
¿Tiʼ teya t-ximbʼetz tiʼj jlu?
TOJ CHʼIN YOL
Qa ma qo naʼn Dios tuʼn tkyaqil qanmi, in nonin qiʼj tuʼn qok laqʼeʼ ttxlaj Jehová. Ax ikx in nonin qiʼj tuʼn miʼn ttzaj bʼajxix qkʼuʼj ex in tzaj tqʼoʼn qipumal tuʼn tkubʼ qbʼinchaʼn aju bʼaʼn.
Aju ma qo yolin tiʼj
-
¿Alqe qo naʼl Dios?
-
¿Alkye tten tuʼn qnaʼn Dios?
-
¿Tzeʼn in nonin naʼj Dios qiʼj?
OJTZQINKA CHʼINTL
Ojtzqinka tzaqʼwebʼil kyiʼj junjun xjel in tzaj kyqanin xjal tiʼj naʼj Dios.
«Wuq xjel tiʼj naʼj Dios» (Aju Xqʼuqil, 1 te octubre te 2010)
Ojtzqinka tiquʼn nim toklen tuʼn tnaʼna Dios ex tiʼ jaku bʼant tuʼna tuʼn kyok tnaʼj Diosa te mas tbʼanel.
«¿Tiquʼn nim toklen tuʼn qnaʼn Dios?» (Xnaqʼtzbʼil toj jw.org)
Bʼaʼn tuʼn tel tnikʼa tiʼjju in tzaj tqʼamaʼn Biblia tiʼj alqe tuʼn qnaʼn Dios.
«¿Bʼaʼnpe tuʼn qnaʼn Dios kywitz sant?» (Xnaqʼtzbʼil toj jw.org)
Toj video lu kʼelel tnikʼa tiʼj qa jaku qo naʼn Dios toj alkyexku ambʼil ex jaxku tumel atoʼ.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
