XØRꞸ 09
Ma ri tsjage oración ri chɇzhi ko e Mizhokjimi
¿Gi søge ke ni jyodʼꞹ kjo ra mbøxkʼꞹ? ¿Gi pɇsʼige trʼønꞹ ke dya kjo trjꞹntrʼkʼꞹ? ¿Ni jyonkʼꞹ kjo ra mbøxkʼꞹ ngekʼua ri søge na joo? ¿Xi gi nee ri chɇzhi ko e Jehová? Ne oración ra mbøxkʼꞹ ri tsjaa texeyo. Pe ¿ja rgi tsjage oración? ¿Ⱥrⱥ e Diosi texe yo oración? ¿Ja rgi unkʼe nguenda ke e Mizhokjimi ⱥrⱥ ma ri tsjage oración? Ra nujiyo.
1. ¿Kjo ra øtꞹji ma ra kjaji oración? ¿Pje ra manji ma ra kjaji oración?
Jesús o mama ke ngextrjo ra øtꞹji in Tataji kʼꞹ bʼꞹbʼꞹ a jensʼe. Angeze, mi øtꞹ e Jehová. Na paa o mama: “Nutsʼkʼeji ma ri dyøtkʼeji Mizhokjimi, ri xipjiji akjaba: Mi Tatatsʼꞹgøjme, je in bʼꞹbʼꞹ ajensʼe...’” (Mateo 6:9). Ma ri ñaji ko e Jehová mazi ri joji ko angeze.
Ma ra kjaji oración søø ra øtꞹji Mizhokjimi texe kʼo ri neji. Pe, ma ri neji ke angeze ra dyakꞹji kʼo ri øtꞹji, dya søø ra øtꞹji kʼo dya nee angeze. Kja ne Biblia mama ke “ma ra øtꞹji ja kʼo nzi ga nee angeze, ri pa̱ra̱gøji ra dyⱥtkⱥji” (1 Juan 5:14). E Jesús o mama pje ni mbe kʼo søø ra ørꞹji ma ri kjaji oración. (xørꞹ Mateo 6:9-13). Zø na joo ra øtꞹji Mizhokjimi kʼo ni jyongꞹzꞹji, pe dya ra jyombeñeji ra unꞹji pøjø texe kʼo dʼakꞹji ñe xo ra øtꞹji ke ra mbøsʼꞹ yo dyaja ntee.
2. ¿Ja rga øtꞹji Mizhokjimi?
Ne Biblia mama: “ko texe in mꞹbʼꞹ ri zopjꞹ angeze [Mizhokjimi]” (Salmo 62:8). Ngekʼua ma pje ra øtꞹji ra mbedye me amboo kja in mꞹnkøji. Ma ra øtꞹji Mizhokjimi ra kjaji ja kʼo rga negøji, pe me na joo ra tʼekjañomꞹji angeze. Zø dya ra ñaji na jensʼe angeze ra dyⱥtkⱥji. Xo søø ra øtꞹji zø ja ra bʼꞹnji ñe nu nrrajme ke ra negøji.
3. ¿Ja ga nrrꞹrꞹ Mizhokjimi ma ri øtꞹji?
Nʼaño ga tsjaa. Kja nu Jñaa, ne Biblia, trjꞹrꞹ yo trʼønꞹ ke ri kjaji. Ma ri xørꞹji o Jñaa Mizhokjimi “kjakøji ra trjꞹmbeñeji na joo” (Salmo 19:7; xørꞹ Santiago 1:5). Ñe ma ri kjogꞹji nrrumꞹ, Jehová kjaa ke ra søji na joo. Bʼꞹma xo ra tsjaa ke yo matrʼꞹ angeze ra mbøxkꞹji ma pje kʼo ni jyongꞹzꞹji.
TEXE YO JÑAA KE ME NI MUBI RA PA̱RA̱JI
Ra nuji pje søø ra kjaji ngekʼua Mizhokjimi ra dyⱥrⱥ ma pje ri øtꞹji ko texe in mꞹbʼꞹji ñe ja ga mbøxkꞹji ma ri ñaji ko angeze.
4. Pje ni jyodʼꞹ ra kjaji ngekʼua ra dyⱥtkⱥji Mizhokjimi
Ma ri negøji ke e Mizhokjimi ra dyⱥtkⱥji ¿pje ra kjaji? Jñanrrabi ne VIDEO.
E Jehová nee ke ngextrjo angeze ra øtꞹji. Xørꞹbi Salmo 65:2 ñe ri chjꞹrꞹbi ne trʼønꞹ nu ba e̱je̱:
-
¿Gi kjijñige ke Mizhokjimi kʼꞹ “ⱥrⱥ yo oración” nee ke nutsʼkʼe ri zopjꞹ? ¿Pjenga gi kjijñi akjanu?
Ma ri neji ke e Palesito ajensʼe ra dyⱥtkⱥji ma pje ri øtꞹji ni jyodʼꞹ ra kjaji kʼo nee angeze. Xørꞹbi Miqueas 3:4 ñe 1 Pedro 3:12, ñe ri chjꞹrꞹbi ne trʼønꞹ nu ba e̱je̱:
-
Ma ri neji ke e Mizhokjimi ra dyⱥtkⱥji ¿pje ra kjaji?
Bʼꞹma yeje trʼajñiñi kjabi chu̱ʼu̱ ñe o xundaro øtꞹji Mizhokjimi ra mbøsʼꞹji ngekʼua ra nrro̱ji ke chu̱ʼu̱ ¿Ra nrrꞹrꞹ Mizhokjimi kʼo øtꞹji?
5. Ma ra øtꞹji Mizhokjimi ra kjaji ko texe in mꞹbʼꞹji
Na punkjꞹ ntee jichiji ke ma neji ke e Mizhokjimi ra dyⱥrⱥ ma pje øtꞹji, ni jyodʼꞹ ra yepeji ra yepeji kʼo øtꞹji. ¿Pe, nge kʼo nee e Mizhokjimi? Xørꞹbi Mateo 6:7 ñe ri chjꞹrꞹbi ne trʼønꞹ nu ba e̱je̱:
-
¿Pje søø ra kjaji ngekʼua dya ra yepeji ra yepeji kʼo ri øtꞹji Mizhokjimi?
¿Na ma ri tsjijñi kʼo na joo kʼo go kjogꞹtsʼꞹ nzi na paa, kjanu ri unꞹ pøjø e Jehová? Ma ri tsjaa akjanu kja na ngoʼo, ma ra nguarꞹ nu ngoʼo ya rgi dyøtꞹ yencho kʼo dya kja bi yepe.
Na tata nee ke o trʼii ra xipji kʼo søʼø kja o mꞹbʼꞹ. E Jehová xo nee ke ma ra kjaji oración ra xiji kʼo ri søgøji kja in mꞹnji.
6. E Mizhokjimi o chatrʼkꞹji ne oración
Ne Biblia mama ke ne oración pjøxkꞹji ra soya in mꞹbʼꞹji. Xørꞹbi Filipenses 4:6, 7 ñe ri chjꞹrꞹbi yo trʼønꞹ yo ba e̱je̱:
-
Zø ne oración dya jokꞹ texe yo nrrumꞹ ke ri kjogꞹji, ¿ja ga mbøxkꞹji?
-
¿Pje gi nee ri dyøtꞹ Mizhokjimi ma ri tsjage oración?
¿Mi pa̱rge?
Ne jñaa amén nee ra mama “je akjanu” o “bʼemi ra kjogꞹ”. Ndizi mi jingua o mbɇpjinte e Diosi ma mi kjuarꞹji na oración mi manji “amén”(1 Crónicas 16:36).
7. Xo̱kꞹ nrrajme ngekʼua ri tsjage oración
Bʼꞹbʼꞹ paa ke ri pɇsʼiji na punkjꞹ pje ra kjaji ke ri jyombeñeji ra kjaji oración. ¿Ja ma nuu e Jesús ne oración? Xørꞹbi Mateo 14:23 ñe Marcos 1:35, ñe ri chjꞹrꞹbi yo trʼønꞹ yo ba e̱je̱:
-
¿Ja ma xo̱kꞹ nrrajme e Jesús ngekʼua ro tsjaa oración?
-
Natsʼkʼe, ¿ja rgi xo̱kꞹ nrrajme ngekʼua ri tsjaa oración?
BʼꞸBʼꞸ KʼO MANJI: “Ne oración dya pjøxkꞹji, ngextrjo nge na terapia psicológica”.
-
Natsʼkʼe, ¿pje gi mange?
KʼO YA RO NUJI
Yo oración ke ri kjaji ko texe in mꞹbʼꞹji kjaa ke ra chɇzhiji ko e Mizhokjimi. Xo kjaa ke ra soya in mꞹbʼꞹji ñe pjøxkꞹji ra kjaji kʼo nee e Jehová.
Pje gi mbeñege
-
¿Kjo ra øtꞹji ma ra kjaji oración?
-
¿Ja rga øtꞹji Mizhokjimi?
-
¿Ja ga mbøxkꞹji ne oración?
XE SØØ RI PA̱RA̱
Ñuu ke ne Biblia mama ja rga kjaji oración.
“Yencho trʼønꞹ ke ra mbøxkꞹji ra kjaji oración” (La Atalaya, 1 de octubre de 2010)
Xørꞹ pjenga me na joo ke ri tsjage oración, ñe pje ra mbøxkʼꞹ ri tsjaa na joo.
Jñanrra pje mama ne Biblia kjo nge kʼꞹ ra øtꞹji ma ra kjaji oración.
Jñanrra ne video kʼꞹ ba e̱je̱ bʼizhi kjo ni jyodʼꞹ ja ra bʼꞹnji ñe na hora ngekʼua ra kjaji oración.
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
