LECCIÓN 09

Ju oración Dióstaw enchi rúktitua

IMI YEU WENA

¿Jamakweyo akea iʼinea juka guiata émow bëyew bétana? ¿Nátemaixrim béxresimachime jípure ka yómiata ketune jípurekame? ¿Tüisi éwamte wätia éntok aniáwamta? ¿Jehovátawe chë jëla am peyʼya? Ju oración enchi aniana sïme ika em wátiaw jipu bechïbo. Te ¿jáchisu oʼoraruawa? ¿Dios sïme oraciónim jijikʼkaja? ¿Jáchise jünenake si Dios jume oraciónim em jowawi am jijikʼkaja? Ata binʼnake.

1. ¿Jábetawsute oráruana? ¿Jítasute nokná itom oraciónimpo?

Jesús a maxtiak ke jíbate itom Átchay celestiáltaw oráruana. Buéytuk apo Jehovátaw jiba oʼoraruay. Séxtul täpo júnel jiáwak: “Eme éntok ínëlem oraciónta joonake: Itom ‘Átchay téhuekapo kátekame . . .ʼ” (Mateo 6:9). Jehovátaw itom oráruateko, ju amistad ámak itom jípurëwi chë utʼtiata nunüye.

Itom oraciónimpo jita júnete aw noknake. Te Diosta itom yomʼmia iʼateko, katʼte ka a türewte aw áwnake. Ju Biblia júnel jiawa ke “Árate jita aw awa a wátiaw pámani aw wériateko wanay apo itom jikʼkaixna” (1 Juan 5:14). Jesús wate ejémplom makʼkak jítasute nokná aw oráruateko (Mateo 6:9-13 te leerua). Éntoket ítow wëwi bétana nokaka, katʼte a kóptiana Diosta a báysawnake juka ito bechïbo yákawi bétana éntok wate géntem aniánake bechïbo ketʼte aw awnake.

2. ¿Jáchisute oráruana?

Ju Biblia ika néjumrita ítow jowa: “Enchim jiápsitem aw étapo [Dióstawi]” (Salmo 62:8). Júnel bechïbo itom oraciónim tuá lutüriatunakemʼme, jiapsi bétanam yew wénake. Árate kusisi o ka kusisi oráruanake, jachin junʼne, káteka, bökari éntok jak june werámaka te jiba Jehovátaw yöriwamta bitʼteboka. Éntok jita horapo éntok jakun junʼne árate orarua.

3. ¿Jáchisu Dios am yóyomia itom oraciónim?

Juebena täbuiasi a jojuá. Biblia pámani, élakiba itom nátemaixrim yóyomia. Diosta noki leéruako ara “wa ka jünewamta jípureme buere machisi a jojuá” (Salmo 19:7; Santiago 1:5 te leerua). Wanay, jita obiachi ítow weyo, Jehová yanti jiápsita itom máknake. Éntoket, ara wate sáylam itom aniátuana aniawamta ítow bëyeyo.

CHËRE IÁ BÉTANA JÜNENAKE

Ata binʼna jáchisute oraciónim Diosta türewte yánake, éntok jáchisu jume oraciónim itom aniánake.

4.Jita ayu itom bétana áwawi Dióstaw orarua bechïbo

¿Jítasum jípuna itom oraciónim Diosta am mabétnake bechïbo? VIDÉOTEM bitcha.

VIDEO: ¿Dios sïme oraciónim jikʼkaja?—(ili lébela) (2:42)

Jehová áporik jiba itom a orarua sawʼwe. Salmo 65:2 tem leerua, chúkula éntok iá bétanem naw etʼtexwa:

¿Akea suale ke ju Dios “oraciónim jijikʼkajame” enchi aw orarua iʼa? ¿Jatchiase júnel eyʼya?

Diosta itom oraciónim jikʼkaix iʼateko, utʼtiatate yäna a nésawrim pámani itom wériw bechïbo. Miqueas 3:4 éntok 1 Pedro 3:12 tem leerua, chúkula éntok iá bétanem naw etʼtexwa:

¿Jáchisute tuá jünenake si Dios itom oraciónim jikʼkaixnake?

Jamak jume woy ejércitom Dióstaw aniáwamta awa nasʼsuawamta yoʼo bechïbo. ¿Te türey jäni júnel e bechïbo ke Dios jume oraciónim jikʼkaixnake?

5. Itom oraciónim jiápsipom yew wëpo yumala.

Juebena géntem lió nokäteko jiba mísmotam bem oraciónimpo nonoka. Te ¿jume oraciónim Dios am türe jäni? Mateo 6:7 tem leerua chúkula éntok iá bétanem naw etʼtexwa:

¿Jítasute yánake ka “jiba mísmota itom oraciónimpo nok bechïbo?

¿Jáchise a bitcha si chikti täpo jita musälamachi émow simlämetache ey’ya wanay Jehovátawe a báysawna iá bechïbo? Wepu semánapo junële a yäkate woy busan jita bétana em oraciónimpo noknake ka jiba mísmota nokaka.

Wepu tü átchay a watia ke a uʼusi lutüriata aw noknake éntok jiápsita aw étapona. Jehová ket a watia ke jume oraciónim itom jiapsi bétanam yew wénake.

6. Ju oración Diosta bétana wepu mikri

¿Jáchisu ju oración utʼtiata itom máknake, chë junë obiáchisi wëwi junʼne? VIDÉOTEM bitcha.

VIDEO: Ju oración itom aniá púxbaw bicha wë bechïbo (1:32)

Ju Biblia ítow a noka ke ju oración ara yanti jiápsiwamta itom makʼka. Filipenses 4:6 éntok 7 tem leerua chúkula éntok iá bétanem naw etʼtexwa:

Eläposu ju oración ka sïme jita obiachi ítow wëwi tutüte junʼne, ¿jáchisu itom aniá?
¿Jita bétane orarua peyʼya?

¿Akea jüneyay?

Ju noki amén júnel jiáwbare “junëli wénake” o “tuá aw yánake”. Jiba táywarim bíblicom náteka, junëli jiaywa “amén” oraciónim chúpsuko. —1 Cronicas 16:36.

7. Tiémpote emo makʼka orarua bechïbo

Jamakweyte mayte obisi aʼane ke orarua bechïbote ata kopkóptia. Mateo 14:23 éntok Marcos 1:35 tem leerua, chúkula éntok iá bétanem naw etʼtexwa:

¿Jáchisu Jesús béxremachisi a bítchay juka oracionta?
Empéntoko, ¿jakse tiémpota yew wíknake orarua bechïbo?

WATE JUNËLIM JIJIÁ: “Ju oración ka tuá béxresimachi buéytuk kabe itom jikʼkaja”.

¿Empo jáchise jiaw eyʼyey?

JÍTASE AMA TATÄYAK

Jume oraciónim jiapsi bétana yew wëme Dióstawim itom rúruktia. Ket yanti jiápsitam itom mámaka éntok utʼtiata itom wátiawi a yä bechïbo juka Jehovata ito bétana böbichawi.