9-ШЕ УРОК
Кумалтыш мут Юмо деке лишемаш полша
Лийын мо тендан тыгай ситуаций, кунам тыланда уш-акылан каҥаш кӱлын? Але те кӱлешан йодышлан вашмутым муын кертын огыдал? Можыч, те лыпландарымашым кычалыда да поро мутым колнеда? Але Иегова деке лишеммыда шуэш? Чыла тиде шотышто кумалтыш мут полшен кертеш. Но кузе кумалаш кӱлеш? Юмо чыла кумалтыш мутым колыштеш мо? Юмо тендан кумалтыш мутдам колжо манын, мом ыштыман? Айста пален налына.
1. Кӧлан кумалаш кӱлеш да мо нерген кумалаш лиеш?
Иисусын туныктымыж дене келшышын, ме кавасе Ачаналан гына кумалшаш улына. Иисус шкежат Иеговалан гына кумалын. Тудо каласен: «А те тыге кумалза: Пылпомышто улшо мемнан Ачана!» (Матфейын 6:9). Кунам ме Иеговалан кумалына, тудын дене кыл кучымашна эше чотрак пеҥгыдемеш.
Ме тӱрлӧ нерген кумалын кертына. Но Юмо кумалтыш мутналан вашмутым пуыжо манын, мыланна тудын эрыкше дене келшышын кумалман. «Тудын эрыкше почеш кунам ме иктаж-мом йодына, Юмо мемнам колеш» (1 Иоаннын 5:14). Иисус каласен, мо нерген кумалаш лиеш. (Матфейын 6:9—13 лудын лекса.) Кумалтыш мутышто мемнам тургыжландарыше нерген ойлен кертына. Тыгак, кумалме годым мыланна Юмын чыла ыштымыжлан таушташ да весе-влак верч йодаш мондыман огыл.
2. Кузе кумалаш кӱлеш?
Библий мемнам тарата: «[Юмын] ончылно шӱмдам почса» (Псалом 61:9). Сандене кумалтыш мутна шӱм гыч лекшаш. Юмылан шижмашнам да шонымынам почын ойлыман. Кумалаш лиеш йӱкын але йӱкым лукде. Кумалме годым Юмым пагалымым ончыктышо кеч-могай позым налаш лиеш. Ме кумалын кертына кеч-могай жапыште да кеч-могай верыште.
3. Юмо кумалтыш мутналан кузе вашмутым пуа?
Юмо кумалтыш мутлан вашмутым тӱрлӧ семын пуа. Мутлан, ме йодышна-влаклан вашмутым тудын Мутыштыжо, Библийыште, муын кертына. Тиде книгам лудмаш еҥ-влакым «уш дене пойдара» (Псалом 18:8; лудын лекса Иаковын 1:5). Тыгак нелылык дене тӱкнымына годым Юмо мыланна чон тынысым пуэн кертеш. А эше, кунам мыланна полыш кӱлеш, тудо шке служитлышыже-влакым полшаш таратен кертеш.
КЕЛГЫНРАК ШЫМЛЕН НАЛЗА
Пален налза, могай кумалтыш мут-влак Юмылан йӧрышӧ улыт да кузе кумалтыш мут тыланда полшен кертеш.
4. Могай кумалтыш мут-влакым Юмо колыштеш
Кузе пален налаш: кумалтыш мутна-влак Юмылан йӧрышӧ улыт але уке? ВИДЕОРОЛИКЫМ ончалза.
Иегова мемнан деч тудлан кумалмынам вуча. Псалом 64:3 лудын лекса да вашмутым пуыза:
-
Кузе шонеда, Юмо тендан деч тудлан кумалмыдам вуча мо? Молан тыге шонеда?
Юмо кумалтыш мутнам колжо манын, мыланна тудын нормыжо почеш илаш кӱлеш. Михей 3:4 да 1 Петрын 3:12 лудын лекса да вашмутым пуыза:
-
Юмо кумалтыш мутнам колжо манын, мом ыштыман?
Сар годым икте-весе дене кучедалше кок армий сеҥымаш нерген кумалеш. Юмо нунын кумалмыштлан вашмутым пуа мо?
5. Кумалтыш мутна-влак шӱм гыч лекшаш улыт
Южо еҥ-влакым кумалтыш мутышто уэш-пачаш иктымак ойлаш туныктеныт. Но тыгай кумалтыш мут-влак Юмылан келшат мо? Матфейын 6:7, УТ лудын лекса да вашмутым пуыза:
-
Кумалме годым уэш-пачаш иктымак ойлаш огыл мо полша?
Кажне кечын Иегован суапшым ужаш тыршыза да тидлан тудым тауштыза. Тыгела, те Юмо дене ик арняште шым тӱрлӧ теме нерген мутланен кертыда.
Сай ача шке йочаж деч тудлан шижмашым почын ойлымыжым вуча. Иеговат мемнан деч тидымак вуча
6. Кумалтыш мут — тиде Юмо деч пӧлек
Кумалтыш мут поснак йӧсӧ годым кузе полшен кертеш? ВИДЕОРОЛИКЫМ ончалза.
Кумалтыш мут чон тынысым пуа манын, Библий сӧра. Филиппысе-влаклан 4:6, 7 лудын лекса да вашмутым пуыза:
-
Кумалтыш мут проблемым огеш кораҥде гынат, молан садак кумалаш кӱлеш?
-
Мо нерген кумалмыда шуэш?
Паледа мо?
«Аминь» мут «тыге лийже» але «чын» манын кусаралтеш. Библий жап гыч тӱҥалын, кумалтыш мутын мучашыштыже «аминь» мутым ойлат (1 Летопись 16:36).
7. Кумалашлан жапым ойырыза
Южгунам шуко пашалан кӧра ме кумалашат мондена. Иисус Юмылан кумалмым мыняр чот аклен? Матфейын 14:23 да Маркын 1:35 лудын лекса да вашмутым пуыза:
-
Кумалашлан жапым ойыраш манын, Иисус мом ыштен?
-
Кумалашлан жапым те кунам ойырен кертыда?
ИКТАЖ-КӦ КАЛАСЕН КЕРТЕШ: «Кумалтыш мут — тиде шкем лыпландарашлан йӧн веле».
-
А те тиде шотышто мом каласеда?
ТӰҤ ШОНЫМАШ
Шӱм гыч лекше кумалтыш мут мемнам Юмо деке лишемда да Библий гыч пален налмым илышыш пурташ вийым пуа. Тыгак ме чон тынысым налына.
Ушештарымаш
-
Ме кӧлан кумалшаш улына?
-
Кузе кумалаш кӱлеш?
-
Кумалтыш мут могай пайдам конда?
ЕШАРТЫШЛАН
Кумалтыш мут шотышто чӱчкыдын пуэдыме йодыш-влаклан вашмутым пален налза.
«Кумалтыш мут нерген шым йодышлан вашмут» («Орол башне» 1 октябрь, 2010 ий)
Пален налза, молан кумалаш кӱлеш да кузе кумалтыш мутым саемдаш лиеш.
Библий дене келшышын, кӧлан кумалаш кӱлеш, пален налза.
Тиде видеоролик гыч те пален налыда, кушто да кунам кумалаш лиеш.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
