KAMBʼAL 09
Payajchiʼ Bʼel u kaʼa u Mukʼaʼankuntej a Etʼokil Etel a Dʼioso
Walak wa kʼatiintik yan mak kaʼ u chʼaaʼ a bʼenil ich kuxtal? Yanooʼ wa a kʼaatchiʼ a top a kʼati kuchi kaʼ nuukbʼuk teche? A kʼati wa kaʼ kiʼkunbʼuk y kaʼ jetzʼkunbʼuk a wool? A kʼati wa ti naʼtzʼ a etʼokil etel a Jehovah? Payajchiʼ jedʼeʼek u aantikech. Pero bʼiki kaʼ uchukech ti payajchiʼ ti toj? Walak wa u laj uyik a payajchiʼ a Dʼioso? Kʼuʼ a jedʼeʼek a bʼetik tiʼi kaʼ uyabʼäk a payajchiʼ? Koʼox ti wilaʼ bʼiki.
1. Mak a tiʼi kaʼ uchukoʼon ti payajchiʼ y kʼuʼ a kaʼ ti wadʼäʼ ichil ti payajchiʼ?
A Jesusu u kaʼansajoʼon kaʼ uchukoʼon ti payajchiʼ tiʼi ti Tat a keʼen ti kaʼan. A Jesusu uchi u payajchiʼ tiʼi a Jehovah. U yadʼaj: «Leʼec ti taneʼex a tʼan etel a Dioso, adeʼex a jabix adaʼa: Tat a queʼenech ti caʼan . . .ʼ» (Mateo 6:9) A payajchiʼi walak u mukʼaʼankuntik ti etʼokil etel a Jehovah.
Leʼek a kʼuʼi a jedʼeʼek ti tzikbʼaltik tiʼi a Dʼios ich payajchiʼ. Pero kʼabʼeetilik ti leʼek a bʼaʼal a kʼochaʼan tuwich a tan ti payajchiʼtik tiʼi wa ti kʼati kaʼ u nuuktoʼon. A Bʼibʼle u yadʼaj «leʼec a cʼuʼ a tan ti cʼaatic tiʼi a Dioso, wa quiʼ tu wich caʼ ti cʼümüʼ abeʼe, bel u cu yubi ti tʼan.» (1 Juan 5:14) A Jesusu u kaʼansajilik toʼon u pektzil kʼuʼtak a jedʼeʼek ti wadʼik ichil ti payajchiʼi. (Xoko a Mateo 6:9-13.) Maʼilik ti kʼati ti chen tan ti kʼaatik tiʼi Dʼios kʼuʼ ti kʼatiji, pero kaʼilik ti tzʼaaʼ a bʼoʼtik tiʼi y kaʼ ti kʼaate kaʼ u yaante ulaakʼooʼ a maka.
2. Bʼiki kaʼ uchukoʼon ti payajchiʼ?
A Bʼibʼle tan u yadʼik «[adʼäʼ] tiʼi [Dʼios] tulakal kʼuʼ a yan [ichil a] päsäkʼal.» (Salmo 62:8) Ti bʼoobʼeʼe, etel tulakal ti wool kʼabʼeet kaʼ uchukoʼon ti payajchiʼ. Jedʼeʼek ti chumbʼeel waxan ti chich y leʼek a bʼiki siendʼo yan ti tzik, por ejemploj wa tinkaʼaloʼon, tächaʼanoʼon waxan xonkaʼaloʼon. Jedʼeʼekilik ti payajchiʼ leʼek a bʼikʼin y leʼek a tubʼaj.
3. Bʼiki ti walak u nuuktik ti payajchiʼ a Dʼioso?
Yaabʼ bʼiki ti walak u nuuktik ti payajchiʼ a Dʼioso. A Jehovah walak u usaartik a Bʼibʼle kaʼ u nuukte ti kʼaatchiʼ. A Bʼibʼle walak «u tzʼeek kaʼ yanak u tukul a mak a maʼax toj seebʼak u tukul» tanil u xokik. (Salmo 19:7; xoko a Santiago 1:5.) Jedʼeʼek u jetzʼkuntik ti tukul leʼek ti tan ti jentaantik a bʼaʼal a chichi. Jedʼeʼekilik u jisik u yaj tzʼokʼsaj kaʼ u yaantoʼonooʼ leʼek ti chukul kʼabʼeet toʼon a aantabʼälä.
MAS KAMBʼALTETO
Kiʼ tzʼaj ti kuenta bʼiki ti jedʼeʼek a payajchiʼ etel tulakal a wool y jabʼix bʼiki tukʼati a Dʼioso y naʼte kʼuʼ u kiʼilak tiʼi tech wa kaʼ uchuk a payajchiʼ.
4. A Dʼioso walak u yadʼiktoʼon bʼiki kaʼ uchukoʼon ti payajchiʼ
Kʼuʼ walak u bʼetik wa kʼämoolaʼan ti payajchiʼ umen Dʼios waxan maʼ? Chaʼanteʼex a VIDʼEO.
A Jehovah u kʼati kaʼ uchukoʼon ti payajchiʼ tiʼi. Xokeʼex a Salmo 65:2, kaʼtun tzikbʼalteʼex a kʼaatchiʼooʼ adʼaʼa:
-
Leʼek «Aj Uyaj payajchiʼ», u kʼati wa kaʼ uchukech ti payajchiʼ tiʼi? Kʼuʼkaʼa, waxan kʼuʼkaʼa maʼ?
Tzaj ti yaaltik tiwich ti bʼenes ti kuxtal jabʼix bʼiki ti tan u kʼaatik a Dʼioso, wa ti kʼati kaʼ u yubʼi ti payajchiʼ. Xokeʼex a Miqueas 3:4 y 1 Pedro 3:12, kaʼtun tzikbʼalteʼex a kʼaatchiʼ adʼaʼa:
-
Kʼuʼ a tzaj ti bʼetik wa ti kʼati kaʼ u yubʼi ti payajchiʼ Jehovah?
Ket walakooʼ u payajchiʼ a bʼelooʼ u kaʼa ti gerra tiʼi kaʼ uchukooʼ u ganaar. Top jedʼeʼek wa u nuukbʼulooʼ u payajchiʼ umen a Dʼioso?
5. Kaʼ ti wadʼäʼ tiʼi Jehovah chukul bʼiki ti wool
Yaabʼ a mak kaʼansajaʼanooʼ ti jedʼeʼek u yadʼik a tʼan leʼek ti leʼek ichilooʼ u payajchiʼ. Pero bʼoobʼeʼ wa tukʼati Dʼios kaʼ uchukoʼon ti payajchiʼ tiʼi? Xokeʼex a Mateo 6:7, kaʼtun tzikbʼalteʼex a kʼaatchiʼ adʼaʼa:
-
Leʼek ti tan ti payajchiʼ tiʼi a Dʼioso bʼiki ti «maʼ [ti] wadiqueʼex a tʼan a leʼec ti leʼec» ?
A sansamala ila tubʼaj tan u kiʼkiʼtʼantikech a Dʼioso y kaʼ wadʼäʼ a bʼoʼtik tiʼi etel abʼeʼe. Wa kaʼ a bʼeteʼ sansamal adʼaʼa, ichil a jumpʼej semaana siete pʼeel a bʼaʼal a jujumpaay a bʼel a kaʼ wadʼäʼ tiʼi a Dʼios ichil a payajchiʼ.
A juntuul tattzili, u kʼati kaʼ chiitbʼik umen u mejen etel tulakal u yool u päsäkʼal. Bʼoobʼeʼilik a Jehovah, u kʼati kaʼ ti wadʼäʼ tiʼi kʼuʼ a yan ichil ti päsäkʼala.
6. A payajchiʼi jumpʼeel sijʼool a talaʼan etel Dʼioso
Bʼiki ti jedʼeʼek u aantikoʼon payajchiʼ leʼek ti tan ti jentaantik a bʼaʼal a chich ichil ti kuxtal? Chaʼanteʼex a VIDʼEO.
A Bʼibʼle tan u promesartik ti leʼek a payajchiʼi bʼel u kaʼa u aantoʼon kaʼ jetzʼlak ti wool. Xokeʼex a Filipenses 4:6, 7, kaʼtun a tzikbʼalteʼex a kʼaatchiʼooʼ adʼaʼa:
-
A payajchiʼi maʼ walak u bʼetik kaʼ laj jobʼok ti probʼlema, pero bʼiki ti walak u anat?
-
Kʼuʼtak a kʼati a wadʼäʼ ichil a payajchiʼ incheche?
A weel wa?
Leʼek a tʼan «amen», u nuʼkulu, «bʼaaloʼ kaʼ yanak» waxan «kaʼ jajak». Uchi kaak usaarbʼäl a tʼan «bʼaaloʼ kaʼ yanak» ti walak u jobʼol ti payajchiʼ a maka.—1 Cronicas 16:36.
7. Tzʼaj a tiempo ti payajchiʼ
Umen u yaabʼil ti meyaj yantikʼini walak u tubʼul ti payajchiʼ. Bʼoon u kʼabʼeetil ti walak u yilik Jesus a payajchiʼi? Xokeʼex a Mateo 14:23 y a Marcos 1:35, kaʼtun tzikbʼalteʼex a kʼaatchiʼooʼ adʼaʼa:
-
Kʼuʼ a walak u bʼetik a Jesusu tiʼi kaʼ u tzʼaaʼ a tiempo ti payajchiʼ?
-
Bʼikʼin tatuklik jedʼeʼek a tzʼeek a tiempo ti payajchiʼ incheche?
YAN MAK WALAK U YADʼIK: «Chen mansaj oraj a payachiʼi porke maʼax mak tan u yubʼik.»
-
Kʼuʼ a tukul incheche?
KʼUʼ A KÄNAJA
Leʼek kaʼ ti tzʼaaʼ ti wool ti wadʼäʼ tiʼi Jehovah ich payajchiʼ kʼuʼ a yan ichil ti päsäkʼala, walak u naʼtzʼkuntikoʼon tutzeel. Walakilik u jetzʼkuntik ti wool y walak u yaantikoʼon ti mas bʼeteʼ kʼuʼ a kiʼ tuwich a Jehovah.
Tzikbʼalbʼäl kʼuʼ ti känaja
-
Mak a tiʼi kaʼ uchukoʼon ti payajchiʼ?
-
Bʼiki kaʼ uchukoʼon ti payajchiʼ?
-
Kʼuʼtak u kiʼil kaʼ uchukoʼon ti payajchiʼ?
MAS ILATOJ
Kʼäxte u nuukbʼeebʼ a kʼaatchiʼ a walak u kʼaatikooʼ mak tupektzil a payajchiʼi.
Känä kʼuʼkaʼa kaʼ uchukech ti payajchiʼ y bʼiki kaʼ uchukech ti mas payajchiʼ ti kiʼ.
Tzʼaj ti kuenta kʼuʼ a tan u kaʼansik a Bʼibʼle tupektzil mak a tiʼi kaʼ uchukoʼon ti payajchiʼ.
Tanil a chaʼantik u vidʼeojil a kʼay adʼaʼa, ila wa yan u tʼan tiʼi Dʼios tubʼaj y bʼikʼin kaʼ uchukoʼon ti payajchiʼ.
