TAMACHTILIS 09
Keman timotataujtiaj timotokiaj iuan Dios
¿Kemansa moneki maj mitsonpaleuikan xikonmati tein moneki tikonchiuas? ¿Tikonsentoka tionmotajtania miak taman? ¿Moneki maj mitsonyolchikauan? ¿Tikonuelitaskia okachi tionmotokis iuan Jiova? Tikonchiuas netataujtil oso oración mitsonpaleuis xikonmati nochi nejin. Sayoj ke, ¿keniuj moneki tikonchiuas netataujtil? ¿Kinkaki Dios nochin akin kitataujtiaj? ¿Keniuj uelis tikonmatis ke Dios mitsonkaki keman tikonchiua netataujtil? Maj tikitakan.
1. ¿Akoni moneki tiknotsaskej keman tikchiuaskej netataujtil? ¿Toni uelis tikijtoskej keman tiktataujtiskej Dios?
Jesús tamachtij ke sayoj uelis tiktataujtiskej toTajtsin akin yetok iluikak. Jesús ijkon kichiuak porin nochipa kitataujtiaya Jiova. Se tonal kijtoj: “Namejuan moneki nankichiuaskej netataujtil ijkuin: ‘ToTajtsin akin tiyetok iluikak...’” (Mateo 6:9, TNM). Keman tiktataujtiaj Jiova okachi kuali iuan timouikaj.
Keman tikchiuaskej netataujtil uelis tikijtoskej tein yeski. Sayoj ke, komo tiknekij maj Dios technankili, amo uelis tiktajtaniskej tein amo kiyolpaktia. Biblia kijtoua ke “komo tiktajtaniliaj Dios tensa ijkon keme yejua in itanejnekilis [...] ijkuakon [...] techkakilia” (1 Juan 5:14). Jesús kijtoj tein uelis tikijtoskej keman tikchiuaskej netataujtil (xikonita Mateo 6:9-13). Uan no, amo sayoj moneki titajtaniskej tein tejuan techpoloua, moneki tiktasojkamatiliskej Dios tein toka kichiuani uan no tiktajtaniskej maj kinpaleui oksekin.
2. ¿Keniuj uelis tiktataujtiskej Dios?
Biblia techiluia nejin: “Iixpan [Dios] xiktapokan nanmoyolo” (Salmo 62:8). Yejua ika, keman timotataujtiskej moneki tikijtoskej tein tikmachiliaj. Uelis chikauak titajtoskej oso ichtaka, keman tiknekiskej uan kampa tiknekiskej. Jiova amo techiluia maj timotankuaketsakan, maj timotalikan oso maj tiijkatokan keman tiktataujtiaj, ta sayoj kineki maj tikchiuakan ika poujkaitalis.
3. ¿Keniuj technankilia Dios keman tiktataujtiaj?
Miak taman kemej yejuatsin technankilia. Itech Biblia technankilia tein tiknekij tikmatiskej. Akin kileroua Biblia “kichiua tamatkej akin amo kipia tamatilis” (Salmo 19:7; xikonita Santiago 1:5). Keman tikpiaj kuejmolmej Jiova uelis techyolseuis. Uan keman okachi moneki, uelis kichiuas maj techpaleuikan akin no kiueyichiuaj.
MAJ OKACHI TIMOMACHTIKAN
Maj tikitakan keniuj uelis tiktataujtiskej Dios kemej kiyolpaktis uan keniuj techpaleuia netataujtil.
4. Tein moneki tikchiuaskej komo tiknekij maj Dios techkaki
¿Keniuj Dios uelis techkakis keman tiktataujtiaj? Xikitakan VIDEO.
Jiova kineki maj sayoj yejuatsin tiktataujtikan. Xikitakan Salmo 65:2 uan ika xitajtokan nejin:
-
¿Kineki xikontataujti Dios ‘akin kikaki netataujtilmej’? ¿Toni kichiua xikonnemili nejon?
Komo tiknekij maj Dios techkaki keman tiktataujtiaj, moneki tikchiuaskej tein technauatia. Xikitakan Miqueas 3:4 uan 1 Pedro 3:12, TNM uan ika xitajtokan nejin:
-
¿Toni moneki tikchiuaskej komo tiknekij maj Dios techkaki?
Seki tateuianij kitataujtiaj Dios maj tatanikan, sayoj ke okseki tateuianij akin kinixnamikij no kitajtaniaj nejon, ¿kikakis Dios tein kitajtaniaj?
5. Moneki tikiluiskej Jiova tein tikmachiliaj
Miakej kinmachtianij maj nochipa kijtokan sayoj se taman keman kichiuaj netataujtil. Sayoj ke, ¿ijkon kineki Dios maj tiktataujtikan? Xikitakan Mateo 6:7 uan ika xitajtokan nejin:
-
¿Toni techpaleuis maj amo nochipa tikijtokan sayoj se taman keman timotataujtiaj?
Nochipa xikonnemili tein kuali tein mitsonpanoua uan xikontasojkamatili Jiova. Komo ijkon tikonchiua, itech se semana amo sayoj tikonijtojtos se taman, ta chikome taman.
Se tepopaj akin tetasojta kineki maj ikonetsin kilui nochi tein kinemilia uan tein kimachilia, Jiova no kineki maj tikiluikan nochi.
6. Se tatiochiualis maj ueli tiktataujtikan Dios
Keman tikpanouaj ouijkayomej, ¿keniuj techpaleuia maj titaxikokan keman tiktataujtiaj Dios? Xikitakan VIDEO.
Biblia techiluia ke keman timotataujtiaj techpaleuia maj kuali timomachilikan. Xikitakan Filipenses 4:6, 7 uan ika xitajtokan nejin:
-
Maski keman timotataujtiaj amo niman moyektaliaj tokuejmoluan, ¿keniuj techpaleuia?
-
¿Toni tikonuelitaskia tiontajtanis keman tikonchiuas netataujtil?
¿Tikonmatia?
Tajtol amén kijtosneki “maj ijkon mochiua” oso “yekmelauj”. Biblia kijtoua ke ne uejkauj keman matamiaj se netataujtil kijtouayaj “amén” (1 Crónicas 16:36).
7. Xikonixtali kemanian tikonchiuas netataujtil
Kemansa tikpiaj miak tekit uan hasta tikelkauaj tikchiuaskej netataujtil. ¿Kiitaya Jesús ke semi monekia kitataujtis Dios? Xikitakan Mateo 14:23 uan Marcos 1:35, uan ika xitajtokan nejin:
-
¿Toni kichiuaya Jesús keman kinekia kitataujtis Dios?
-
Uan tejuatsin, ¿toni hora uelis tikonixtalis tikonchiuas netataujtil?
TEIN SEKIN KIJTOUAJ: “Keman se kitataujtia Dios sayoj tepaleuia maj kuali se momachili”.
-
Uan tejuatsin, ¿toni tikonnemilia?
TEIN TIKITAKEJ
Okachi timotokiaj iuan Dios keman tikiluiaj tein tikmachiliaj. No techpaleuia maj kuali timomachilikan uan maj ueli tikchiuakan tein technauatia.
Maj tikelnamikikan
-
¿Akoni moneki tiknotsaskej keman tikchiuaskej netataujtil?
-
¿Keniuj moneki tikchiuaskej netataujtil?
-
¿Keniuj techpaleuia netataujtil?
NO XIKONITA NEJIN
Xikonita tein miakej kinekij kimatiskej ika netataujtil.
“Siete preguntas sobre la oración” (La Atalaya, 1 de octubre de 2010)
Xikonita keyej semi moneki xikontataujti Dios uan keniuj okachi kuali tikonchiuas netataujtil.
Xikonita akoni Biblia kijtoua ke moneki se kitataujtis.
Itech nejin video ika tatsotson xikonita kani uan toni hora ueli se kichiua netataujtil.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
