KAPITEL 09
Beere däit oos ümgang mit God stärke
Häst duu al air gaure formånen bruukt? Wilst duu waite woweegen wek daile passijre in oos leewend? Wilst duu dat air dij helpe däit un dij bijståe däit wen’s duu traurig büst? Wilst duu gërn dij ümgang mit Jehovaa stärke? Beere kan dij helpe. Åwer wosoo muite wij beere? Däit God al gebeeds hööre? Wat must duu måke dat God dij hööre däit wen’s duu beere däist? Wiman’s lëre.
1. Tau wem muite wij beere un woo oiwer?
Jësus hät oos inlërt wij muite bloos tau oos Fåter im himel beere un hai däir dat soo måke. Hai hät sägt: “Den, beert soo: “Oos Fåter im himel . . .”” (Mateus 6:9) Wen wij tau Jehovaa beere daue, wij daue stärke oos gaure ümgang mit em.
Wij koine oiwer irgends ain dail tau Jehovaa beere, åwer hai däit bloos hööre wen dat t’hoopstime däit mit em sijne wile. Dai Bijbel sägt wen wij wat tau God bire, “wat mit em sijn wile t’hoopstimt, hai däit oos hööre.” (1 João 5:14) Jësus hät oos inlërt woo oiwer koine wij beere. Gans sicher koine wij beere oiwer dai daile wat passijre in oos leewend. (Lees Mateus 6:9 bet 13) Åwer wij muite uk beere for dai andrer un God danke weegen dai daile wat hai mökt for oos.
2. Wosoo muite wij beere?
Wij muite uutm härts beere. Dai Bijbel sägt wij muite oos härts ‘upmåke foir God.’ (Salmo 62:8) Wij koine hoog urer lijs beere, in jërer stuun un stel. Taum beere wij koine ståen blijwe, oos hensete, oos upt knai sete un soo wijrer. Wen wij beere, dat haupt is wijse dat wij Jehovaa ëre.
3. Wosoo däit God oos antwoore wen wij beere?
God däit oos antwoore up feele moors. Hai hät oos dai Bijbel geewt un feelmåls koine wij dårin antwooren taum oos frågen fijne. Dai Bijbel leese, “mökt der dume klauk.” (Salmo 19:7, lees Tiago 1:5) Wen wij eelend doirsete daue, Jehovaa kan oos ruig måke. Hai kan oos uk hülp geewe doir em sijn reäl dijners.
DAU MËR LËRE
Sai wat’s duu måke must dat God dij hööre däit wen’s duu uutm härts beere däist. Sai uk wosoo beere kan dij helpe.
4. Wen wij beere, wat mökt dat God oos hööre däit urer ni?
Wat muite wij måke dat God oos hööre däit wen wij beere? Kijk dai VIDEO.
Jehovaa wil dat wij schåle tau em beere. Lees Salmo 65:2 un nåheer fortel oiwer dai frågen hijr uuner:
-
Denkst duu ‘dai wat dai gebeeds hööre däit’ wil dat’s duu tau em beere schast? Woweegen denkst duu soo?
Dat God dij hööre däit wen’s duu beere däist, duu must soo leewe as hai wil. Lees Miqueias 3:4 un 1 Pedro 3:12 un nåheer fortel oiwer dai fråg hijr uuner:
-
Woo koine wij oos sicher sin dat God oos höört wen wij beere?
Doir aine krijg oiwer, dai bëre sijr daue tau God beere taum gewine. Denkst duu God eer antwoore däit?
5. Wij muite uutm härts beere
Feel lüür häwe lërt soo as wij ümer dai neemlig dail nåsäge muite wen wij beere. Åwer däit God dit gefale? Lees Mateus 6:7 un nåheer fortel oiwer dai fråg hijr uuner:
-
Wat kast duu måke taum ‘ni ümer dai neemlig daile nåsäge’ wen’s duu beere däist?
Jërer dag duu kast oiwer ain dail denke wat God for dij måkt hät un em danke dårweegen. Wen’s duu dat mökst dai gans week oiwer, duu warst den beere oiwer 7 daile.
Wen air kind uutm härts fortele däit, dat däit em papa gefale. Jehovaa is uk soo, wen wij uutm härts beere, dat däit em gefale.
6. Dat gebeed is ain geschenk wat God oos giwt
Wosoo kan oos helpe beere wen wij eelend doirsete? Kijk dai VIDEO.
Beere kan oos helpe im ruig blijwe, sägt dai Bijbel. Lees Filipenses 4:6, 7 un nåheer fortel oiwer dai frågen hijr uuner:
-
Wen wij beere wij krijge ni ümer oos problems int raich bröcht. Åwer nog soo, wosoo kan dat gebeed dij helpe?
-
Oiwer wat wilst duu gërn beere?
Wätst duu?
Dat woord “amen” bedüürt “soo schal dat sin” urer “gans sicher”. Fon früüsch an, dës woord is benutst in dai sluss fon jërer gebeed. (1 Crônicas 16:36)
7. Neem tijd ruuter taum beeren
Wekmåls häwe wij feel daile taum måken un forgeete oos beere tau God. Wat däir Jësus denke oiwer beere? Lees Mateus 14:23 un Marcos 1:35 un nåheer fortel oiwer dai frågen hijr uuner:
-
Wat däir Jësus måke taum tijd ruuterneeme taum beeren?
-
Wat kast duu måke taum tijd ruuterneeme taum beeren?
WEK DAUE SOO SÄGE: “Beere loont nischt. Is bloos tau dai lüür sich gaud forneeme.”
-
Wat denkst duu hijr oiwer?
WAT HÄWE WIJ HIJR LËRT?
Wen wij uutm härts beere daue, dat däit oos ümgang mit God stärke, helpt oos im ruig blijwe un helpt oos mit taum Jehovaa gefale.
Denk dij ais nå
-
Tau wem muite wij beere?
-
Wosoo muite wij beere?
-
Wosoo kan dat gebeed oos mithelpe?
TAUM MËR WAITE
Wait dai antwooren tau dai frågen oiwer dat gebeed.
“Soiwen daile wat’s duu waite must oiwer dat gebeed” (Wat Bekandmökt, 1 oktober 2010)
Wait wosoo kast duu beeter beere.
Tau wem muite wij beere? Sai wat dai Bijbel sägt dåroiwer.
“Kan ik tau dai hailige beere?” (Stäit in jw.org taum leesen)
In dës musik mit video, sai dat wij beere koine in jërer stuun un stel.
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen.Duu kast dijn gans familg urer dijn fründe nööge taum dai Bijbel lëre t’hoop mit dij.
