LECCIÓN 09
La oración mitsna̱techo̱wa ka̱n Dios
¿Tikneki iga sekin biáj ágaj mamitsojkui̱lti? ¿Ayá̱ nemi tikasi la respuesta de yej ikiaya timotajtantoʼ? ¿Tikneki ánimo wan consuelo? ¿Tiknekiskiá ximomachi̱li ma̱j na̱ de Jehová? La oración wel mitspale̱wiá pan nochi inó̱n tejté̱. Pero ¿kén mati-ora̱rokan? ¿Kikaki Dios nochi las oraciones? ¿Kén wel tikmatis iga Dios kikakis las oraciones yej téj tikchi̱wilis? Matikitakan.
1. ¿A̱ʼ yéj matikno̱tsakan kua̱ ti-ora̱ro̱waj? ¿De te̱ wel titajto̱waj kua̱ ti-ora̱ro̱waj?
Jesús kine̱xtij iga kua̱ ti-ora̱ro̱waj matitajtókansan wan Totaj yej onoʼ ajko. Yéj ijkó̱n kichi̱waya, kua̱ ora̱ro̱waya tajtowa̱ya wan Jehová. Se̱ biáj kijtoj: «Amejwa̱n ijkí̱n xitajto̱ka̱n íwan Dios: ‹Notaj yej tonoʼ ipan cielo...›» (Mateo 6:9). Kua̱ titajtowaj wan Jehová, to-amistad wan yéj ma̱j weyá.
Kua̱ ti-ora̱rowaj wel titajto̱waj de miak tejté̱. Pero, si tiknekij iga Dios mate̱tajto̱lkuepa, awel tiktajtanij tejté̱ yej yéj akineki. La Biblia kijtowa «iga kua̱ʼ tiktajtaniliáj yej yejpa kiye̱ʼita yéj te̱tajto̱lkaki» (1 Juan 5:14). Jesús kine̱xtij sekin tejté̱ yej wel tikijtowaj kua̱ ti-ora̱ro̱waj (xiktajto̱lti Mateo 6:9-13). Aunke matitajto̱kan de tejté̱ yej tejeme̱n tiknekij, nochipa matikmakakan gracias Dios iga yej kichij iga tejeme̱n, wan matiktajtanili̱kan iga makipale̱wi seuʼmej personas.
2. ¿Kén mati-ora̱rokan?
La Biblia te̱ijliá iga matikchi̱waka̱n iní̱n: «Xikijli̱kan yéj [Dios] nochi yej mitsyo̱lmiktiáj» (Salmo 62:8). Inó̱n iga kua̱ ti-ora̱ro̱waj matikijli̱kan nochi yej te̱yo̱lmiktiá. Wel ti-ora̱ro̱waj en voz alta o en silencio, sankatiapa posición yej makine̱xti iga tikrrespeta̱rowaj Jehová. Wan no̱, wel ti-ora̱ro̱waj nochipa keʼ tiknekiskej wan ka̱nsan tinemiskej.
3. ¿Kén kitajto̱lkuepa Dios las oraciones yej tikchi̱waj?
Kichi̱wa de miak maneras. Pan Itajto̱l, la Biblia, kitajto̱lkuepa yej timotajtanij. Itajto̱l Dios wel kichi̱wa «sabio yej atai̱xmati» (Salmo 19:7; xiktajto̱lti Santiago 1:5). Wan kua̱ timoyo̱lmiktijtokej, Jehová wel kichi̱wa iga matimomachi̱li̱kan ma̱j ye̱kti. Wan no̱, yéj wel kichi̱wa iga ágaj de isiervo mate̱pale̱wi kua̱ ma̱j tiknekij.
MATIMOMACHTI̱KAN MA̱J DE INÍ̱N TEMA
Matikitakan kén wel tikchi̱waj oraciones yej maki̱sa te̱pan toyo̱loj wan makiyo̱lpakti Dios wan kén las oraciones wel te̱pale̱wiáj.
4. Matikchi̱waka̱n sekin tejté̱ iga Dios makikaki to-oración
¿Te̱ moneki matikchi̱waka̱n iga Dios makikaki las oraciones yej tikchi̱wiliáj? Xikitakan el VIDEO.
Jehová kineki iga yéjsan matikchi̱wili̱kan oración. Xiktajto̱ltikan Salmo 65:2 wan xitajto̱ka̱n de iní̱n:
-
¿Ticre̱rowa iga Dios yej «kikaki las oraciones» kineki iga téj xik-ora̱rowili? ¿Té íga ijkó̱n tikejla̱miki?
Si tiknekij iga Dios makikaki to-oración, moneki matimotekitili̱kan iga matikchi̱waka̱n yej yéj kineki. Xiktajto̱lti Miqueas 3:4 wan 1 Pedro 3:12, wan xitajto̱ka̱n de iní̱n:
-
¿Kén wel tikmatij iga Dios kikakis to-oración?
Anka o̱me ejércitos kitajtaniliáj Dios iga makita̱nikan la guerra. ¿Pero kitajto̱lkuepas Dios inó̱n oraciones?
5. Las oraciones yej tikchi̱waj maki̱sa te̱pan toyo̱loj
Miakejmej kine̱xtilijkej iga makirrepeti̱rokansan oraciones wan rezos. ¿Pero iní̱n yawi las oraciones yej Dios kikakisneki? Xiktajto̱ltikan Mateo 6:7 wan xitajto̱ka̱n de iní̱n:
-
¿Te̱ wel tikchi̱waj iga amo matikijtokansan «puro ino̱nsan tajto̱lmej» kua̱ ti-ora̱rowaj?
¿Kén tikita si tikejla̱miki tejté̱ yej ye̱kti yej tikpano̱ltij wan de ompa xikmaka las gracias a Jehová iga inó̱n? Si tikchi̱wa iní̱n cada día, kua̱ tamis la semana, pan mo-oración titajtos de siete tejté̱ wan atikrrepetiros nise̱.
Se̱ te̱taj yej pux bueno kineki iga ipiltsi̱n maya̱wi sincero wan makijli yej onoʼ pan iyo̱loj. Jehová no̱ kineki iga kua̱ ti-orarowaj matikijli̱kan yej onoʼ pan toyo̱loj.
6. La oración yawi se̱ regalo de Dios
¿Kén wel te̱makas tajpal la oración ma̱j kua̱ tiki̱xtajmakaj tejté̱ yej aye̱kti? Xikitakan el VIDEO.
La Biblia te̱ijliá iga la oración wel kichi̱wa iga matimomachi̱li̱kan ma̱j ye̱kti. Xiktajto̱ltikan Filipenses 4:6, 7 wan xitajto̱ka̱n de iní̱n:
-
Aunke la oración ayá̱ kipojpolo̱wa nochi yej te̱yo̱lmiktiá, ¿kén te̱pale̱wiá?
-
¿Te̱ tikijlijneki Dios pan oración?
¿Tikmatiá?
Tajto̱l amén kijto̱sneki «ijkó̱n mamochi̱wa». La Biblia kijtowa iga desde ikiaya moijtowa «amén» kua̱ motamiá las oraciones (1 Crónicas 16:36).
7. Nochipa xikpiá tiempoj iga xi-ora̱ro
Sekin biáj tikchijtokej miak tejté̱ wan tike̱lkawaj iga ti-ora̱ro̱waj. ¿Kén kitaya Jesús la oración? Xiktajto̱ltikan Mateo 14:23 wan Marcos 1:35, wan xitajto̱ka̱n de iní̱n:
-
¿Kén kichi̱waya Jesús iga nochipa makipiá tiempoj iga ma-ora̱ro?
-
Wan téj, ¿kén wel tikpiá tiempoj iga xi-ora̱ro?
YEJ SEKIN KIJTOWAJ: «La oración yawi ígasan matimomachi̱li̱kan ma̱j ye̱kti».
-
¿Te̱ tikijtowa téj?
TE̱ TIMOMACHTIJ
Kua̱ ti-ora̱ro̱waj desde pan toyo̱loj timona̱techowaj ka̱n Dios. Kichi̱wa no̱ iga matimomachi̱li̱kan ma̱j ye̱kti wan te̱maka tajpal yej tiknekij iga matikyo̱lpakti̱kan Jehová.
Matikejla̱mikikan te̱ timomachti̱jkej
-
¿A̱ʼ yéj matikchi̱wili̱kan oración?
-
¿Kén mati-ora̱rokan?
-
¿Kén te̱pale̱wiá la oración?
XIKMATI MA̱J
Xikmati la respuesta yej miakejmej motajtanij de la oración.
«Siete preguntas sobre la oración» (La Atalaya, 1 de octubre de 2010)
Xiktajto̱lti té íga moneki xi-ora̱ro wan kén wel ma̱j tikye̱ʼchi̱wa mo-oración.
Xikita yej la Biblia kine̱xtiá iga a̱ʼ yéj matikchi̱wili̱kan oración.
«¿Ix matikchi̱wili̱kan oración idolojmej?» (Artículo de jw.org)
Pan iní̱n video íwan takuikalis mitsne̱xtilis iga ka̱nsan xinemi wel ti-ora̱rowa.
