CHILAYIJO 09

Sendela Pelyo NaMwali Nonamato

LIJA

Ubweni sokuti unoda unhu unokutungamilila mubupenyu na? Unemibhuzo ilokosha yawungade kuwana inshandulo na? Ungada kunyalajwa nokusimiswa na? Ungada kusendela pelyo naJehova na? Unamato unokwanisa kukubhancha pozunu zose yozu. Koga tinganamata chini? Mwali unowhililla minato yose na? Ini zwawungate kuti Mwali ewhe unamato uwo? Ngatiboneni.

1. Tokwelela kunamata kunaani akale nozweni?

Jesu wakalayija kuti tokwelela kunamata kunaTate bedu bakokudenga. Iye Jesu nokukwe wakanamata kunaJehova. Wakati: “Mokwelela kunamata ali: ‘Tate bedu bakokudenga . . . ’” (Mateu 6:9) Yopo patinonamata kunaJehova tobesimisa bukwayina bwedu naye.

Tokwanisa kunamata tumbuja zose zwatinoda. Kana tida kuti Mwali eshandule minamato yedu ,inokwelela kukwendelana nokuda kukwe. “Kana tikumbila chinhu kuwililana nokuda kukwe [Mwali] unotiwha.” (1 Johani 5:14) Jesu wakatibuja zumwe zunu zwatinokwelela kunamatila. (Balani Mateu 6:9-13.) Atitokwelela kunamatila kubhanchwa chete koga tokwelela kumboka nozubhodo zwaanotitila akale tokwelela kunamatila kuti ebhanche bo bamwe.

2. Tokwelela kunamata chini?

IBhayibhili linotikutayija kuti “titule [zose] zunotishusha kuna [Mwali].” (Lwimbo 62:8) Minamato yedu inokwelela kuva pomoyo. Tinganamata zunowhikana kana chinyalalile zusineni kuti tilofugama, timile kana kuti tiligele zulokosha kunamata nenzila inondemekeja Mwali kana upi zwawo nshaji

3. Mwali unoyishandula chini minato yedu?

Unoyishandula nenzila jilosiyana-siyana. Jehova unoshingisa iWhi lilye iBhayibhili kuti eshandule mibhuzo yatinanayo. Kubala iWhi lyaMwali “[kunokwanisa] kuchenjeja basina luzibo.” (Lwimbo 19:7; balani Jemusi 1:5.) Unokwanisa kutijikamisa indangalilo patinoshangana nobukukutu. Akale unoshingisa batinonamata nabo kuti betibhanche yopo patinobeli mubukukutu.

FUNDA ZUNJI

Layijwa kuti ungata chini kuti upe minamato inova pomoyo, inoshantisa Mwali akale ubone kuti kunamata kungakubhancha chini.

4. Mwali una zwaanolingilila kana tinamata

Ini zungatibhancha kubona kuti minato yedu inotambulika na kunaMwali kana kuti pe? Yebani iVIDIYO.

IVIDIYO: UNkulunkulu Ulalela Yonke Imithandazo Yini?—Isiqephu (2:42)

Jehova unoda kuti tinamate kunayiye chete. Balani Lwimbo 65:2, akale kwejisani nemibhuzo yeyi:

Ubweni sokuti “Unwhi weminamato” unoda kuti iwi unamate kunayiye na? Neni udalo?

Tokwelela kulalama nenzila inoshantisa Mwali kana tida kuti ewhilile minato yedu. Balani Mika 3:4 na 1 Pita 3:12, akale kwejisani nombuzo yoyu:

Ini zwatingate kuti tibe nechokomende chokuti Jehova unowhililila minamato yedu?

Munshaji wehondo matibi ose anokwanisa kunamatila kuti ekome muhondo. Tingalingilila kuti Mwali eshandule minamato yakadayi na?

5. Minato yedu inokwelela kuva pomoyo

Bamwe bakalayijwa kupamhulula minamato yabo ilokwalwa pasi. Mwali ndizo zwaanoda na? Balani Mateu 6:7, akale kwejisani nombuzo yoyu:

Ungata chini kuti “usipamhulule mawhi alota zokukwalwa yopo” pawunobenamata?

Izhuba nezhuba ungayeya nechinhu chimwempela chawungomboke nacho Jehova. Kana ukazuta kwamazhuba 7 uchabona kuti unobanamatila zunu zulosiyana-siyana usijapamhulula.

Tate banaludo banoshanta kana mwana ebabuja zose zumomumoyo mumwe. Nokudalo Jehova unoda kuti tuunamate zuva pomoyo

6. Unamato chipo chinova kunaMwali

Unamato ungatisimisa chini yopo patinoshangamijana nobukukutu? Yebani iVIDIYO.

IVIDIYO: Umthandazo Usinceda Sibekezele (1:32)

IBhayibhili linotibimbisa kuti unamato unotipa lunyalao mundangalilo. Balani BaFilipi 4:6, 7, akale kwejisani nemibhuzo yeyi:

Unomato unotibhancha chini kojoba usinopeja bukukutu?
Ini zwawungade kunamatila?

Wabezuziba na?

Ibala linoti “ameni” linoleba kuti “ngazube alo”. Kuva ntolo ibala lyokuti, “ameni” limushingiswa kumapejelejo onamato. 1 Ndungulujo 16:36.

7. Zupe unshaji wokunamata

Panomwe nshaji tingabhatikana zokuti topejeleja tashayiwa nshaji wokunamata. Jesu wakabekukoshesha chini kunamata? Balani Mateu 14:23 naMaliko 1:35, akale kwejisani nemibhuzo yeyi: