LEKSION 09
Lalom ya Nakaaro so Dios No Manpikasi Ka
Kasin no maminsan et naliliknam ya kailangan moy tulong odino bilin? Kasin wala ray agmo natatalosan ed bilay mo tan labay mon naamtaan no akin ya nagagawa? Kasin labay mon walay manpabiskeg ed sika? Kasin labay mon mas nakaaro si Jehova? Makatulong ed sika so pikakasi. Pero panoy dugan pampikasi? Dedengelen kasi na Dios so amin ya pikakasi? Panon mon amta ya dedengelen toy pikakasim? Pantongtongan ta itan.
1. Siopay pampikasian tayo, tan antoy ipikasi tayo?
Imbangat nen Jesus ya say Ama tayo labat ed tawen so pampikasian tayo. Si Jesus et nampikasi ed si Jehova. Say kuan to: “Onia sirin so nepeg a pampikasi yo: ‘Ama mi a walad tawen . . .’” (Mateo 6:9) No manpikasi tayod si Jehova, lalon onelet so pikakaaro tayod sikato.
Sarag tayon ipikasi so anggan anto. Pero siempre, pian ebatan na Dios iray pikakasi tayo, dapat aliwa iratan ya kontra ed panlabayan to. “Antokaman so kekerewen tayo unong ed linawa [na Dios], dedengelen to itayo.” (1 Juan 5:14) Imbangat nen Jesus no anto ray ipikasi tayo. (Basaen so Mateo 6:9-13.) Anggano sarag tayon ipikasi iray pakakaaburidoan tayo, agtayo lilingwanan ya pisalamatan so Dios ed amin ya ginawa to tan kerewen ed sikato ya tulongan toy arum.
2. Panon toy pampikasi tayo?
Ibabaga na Biblia ya “ibalikas [tayod Dios] so amin a walad puso” tayo. (Salmo 62:8) Kanian dapat manlapud puso so pikakasi tayo. Sarag tayoy manpikasi ya maksil odino makalna tan anggan antoy posisyon na laman tayo basta marespeto. Sarag tayoy manpikasi anggan anton oras tan anggan iner.
3. Panon ya eebatan na Dios iray pikakasi tayo?
Nanduruma so paraan to. Inter nen Jehova so Salita to, say Biblia, tan nayarin usaren to itan pian ebatan iray pikakasi tayo. Say pambasa ed Salita na Dios et “gawaen ton marunong so andiay kakabatan.” (Salmo 19:7; basaen so Santiago 1:5.) Sarag itayon ikdan na Dios na deen na nonot no wala ray problema odino mairap so situasyon tayo. Sarag ton usaren iray arum ya mandadayew ed sikato pian ontulong ed sikatayo.
DAKEL NI NAARALAN MO
Aralen no panon kan manpikasi ya manlapud puso pian napaliket moy Dios. Tan aralen met no antoy nitulong ed sika na pikakasi.
4. Saray pikakasin labay na Dios ya dengelen
Panon tayon amta no kasin labay odino aglabay na Dios iray pikakasi tayo? I-play so VIDEO.
Labay nen Jehova ya manpikasi tayod sikato. Basaen so Salmo 65:2, insan ebatan iraya:
-
Parad sika, labay kasi na “Dumerengel na pikakasi” ya manpikasi ka ed sikato? Akin ey?
Pian dengelen na Dios iray pikakasi tayo, dapat gawaen tayo ray labay to tan iwasan iramay agto labay. Basaen so Miqueas 3:4 tan 1 Pedro 3:12, insan ebatan iya:
-
Antoy gawaen tayo pian dengelen nen Jehova iray pikakasi tayo?
No walay guerra, ipipikasi na duaran panig ya manalo ra. Parad sika, ebatan kasi na Dios irayan pikakasi?
5. Dapat manlapud puso so pikakasi tayo
Nipasal na arum ya ulit-uliten iray dasal ya memoryado da. Balet ontan kasi so labay na Dios ya pampikasi tayo? Basaen so Mateo 6:7, insan ebatan iya:
-
Antoy gawaen mo pian “agmo uulit-uliten ya ibaga iray apasakey a bengatla” no manpipikasi ka?
Kada agew, manisip kay sakey ya bendisyon ed sika, insan mo pisalamatan itan ed si Jehova. No gawaen mo ’ya kada agew, diad loob na sakey simba, nipikasim ed Dios so pitoran nanduruman topic tan agmo inulit-ulit.
Say maong ya ama et labay ton ibaga na anak to so nalilikna to. Labay met nen Jehova ya ipikasi tayod sikato so nalilikna tayo
6. Regalo na Dios so pikakasi
Panon ya makatulong so pikakasi lalo la no mairap so situasyon tayo? I-play so VIDEO.
Ibabaga na Biblia ya makatulong so pikakasi pian ondeen so nonot tayo. Basaen so Filipos 4:6, 7, insan ebatan iraya:
-
Nayarin wadtan ni ray problema tayo no manpikasi tayo, pero antoy nitulong to?
-
Anto ray labay mon ipikasi?
Kasin antam?
Say labay ya ibaga na salitan “amen” et “ontan pa komon” o “segurado.” Nensaman ni, say “amen” et ibabaga diad sampot na pikakasi.—1 Awaran 16:36.
7. Aglilingwanan so manpikasi
No maminsan, masyado tayon busy kanian nalilingwanan tayoy manpikasi. Parad si Jesus, importante kasi so pikakasi? Basaen so Mateo 14:23 tan Marcos 1:35, insan ebatan iraya:
-
Antoy ginawa nen Jesus pian makapanpikasi?
-
Kapigan ka manpipikasi?
IBABAGA NA ARUM: “Dasal ka lan dasal, anggapo lanlamang so nagawaan to ’tan.”
-
Antoy ibagam ey?
SUMARYO
No manpikasi tayo ed si Jehova ya manlapud puso, sikatoy lalo tayon nakaaro. Ikdan to tayo na deen na nonot tan biskeg ya gawaen so labay to.
Rebyu
-
Siopay pampikasian tayo?
-
Panon tayon manpikasi?
-
Antoy nitulong na pikakasi?
DISKOBRIEN
Amtaen so ebat ed tepet na totoo no say topic et pikakasi.
“Pitoran Bengatla a Nepeg Mon Naamtaan ed Pikakasi” (Say Panag-bantayan, Oktubre–Disyembre 2010)
Aralen no akin ya importante so manpikasi tan no panon mon napaaligwas so panagpikasim.
Amtaen so ibabangat na Biblia no siopay pampikasian tayo.
Diad sayan music video, nengnengen no kasin importante no kapigan tan iner ka manpikasi.
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
