LECCIÓN 09
Orakuspa Diosman qayllaykunchej
Diosman orakuy, ¿imaspitaj yanapawasunman? Kausayninchejpi yuyaychanata necesitajtinchej, problemasniyoj kajtinchej, sonqocharinata chayri kallpacharinata necesitajtinchejpis. Chantapis orakuspaqa Diosman astawan qayllaykunchej. Jinapis ichá ninki: “¿Imaynatá Diosman orakunay tiyan? ¿Tukuypa orakusqankutachu pay uyarin? ¿Imatá ruwayman orakusqayta uyarinawanpaj?”, nispa. Chay imasta kaypi yachakusun.
1. ¿Pimantaj orakuna tiyan?
Jesús yachacherqa Tatanchej Jehovallaman orakuna kasqanta. Paypis chayta ruwarqa. Chayrayku nerqa: “Qankunaqa kay jinata Diosmanta mañakuychej: ‘Cielopi kashaj Tatayku’”, nispa (Mateo 6:9). Chantapis Jehová Diosman orakuspaqa payman astawan qayllaykunchej.
¿Imasmantataj Dioswan parlarisunman? Paywanqa tukuy imamanta parlarisunman. Jinapis uyarinawanchejta munanchej chayqa, munayninman jina imatapis mañakunanchej tiyan. Biblia nin: “Imatapis [Diospa] munayninman jina mañakojtinchejqa, pay uyariwanchej”, nispa (1 Juan 5:14). Jesusqa imastachus Diosmanta mañakunamanta parlarqa (Mateo 6:9-13 leey). Chantapis Diosmanqa tukuy llakiyninchejta willakusunman, wajkunapajpis mañapusunman, agradecekusunmantaj.
2. ¿Imaynatá orakuna tiyan?
Bibliaqa niwanchej: “Sonqoykichejpi kaj imasta Diosman willakuychej”, nispa (Salmo 62:8). Chayrayku sonqomantapacha orakuna. Dioswanqa ima ratollapis chayri mayllapipis parlarisunman. Chaytataj ruwasunman jatunmanta chayri sonqollanchejpipis. Diosmantaqa mañakusunman: qonqoriykukuspapis, sayasqapis chayri chukusqapis. Payqa mana chaytachu qhawan. Astawanpis respetowan mañakusqanchejta qhawan.
3. ¿Imaynatataj mañakusqanchejman Dios kutichiwanchej?
Payqa kutichiwanchej Biblianejta, kamachisninnejta, waj jinasmantawan. Jehová Diosqa wakin kutis Palabranpi willawanchej imastachus yachayta munasqanchejta. Chayrayku Salmo 19:7 nisqanman jina Bibliata leespaqa ‘mana yachayniyoj kaspapis yachayniyojman tukusunman’ (Santiago 1:5 leey). Problemasniyoj kajtinchej Diosqa sonqo tiyaykuyta qowasunman. Wakin kutistaj kamachisninwan yanapachiwasunman.
ASTAWAN YACHAKUNA
Kaypi yachakusun imaynatachus Diosman orakunata. Yachakullasuntaj imaynatachus orakuy yanapawasqanchejta.
4. Diosqa mana tukuypa mañakusqankutachu uyarin
¿Imaraykutaj Dios mana tukuypa mañakusqankutachu uyarin? Chaypaj VIDEOTA qhawariychej.
Jehová Diosqa paymanta mañakunanchejta munan. Salmo 65:2 leeriychej, chantá yachakojta tapuriy:
-
¿Diosninchej munajchu kasqa paymanta mañakunanchejta? ¿Imaraykú chayta ninki?
Dios uyarinawanchejta munanchej chayqa, kamachiykunasninta kasukunanchej tiyan. Miqueas 3:4; 1 Pedro 3:12 leeriychej, chantá yachakojta tapuriy:
-
¿Imatá ruwananchej kasqa Dios mañakusqanchejta uyarinawanchejpaj?
Guerrapi maqanakojkuna Diospa bendicionninta mañakojtinku, ¿Dios paykunata uyarinmanchu?
5. Diosmanta sonqomantapacha mañakuna
Wakin runasqa rezopi jina Diosmanta kikillantapuni mañakunku. Ajinata mañakunanchejta Diosninchej munasqantachus manachus yachanapaj Mateo 6:7 leeriychej. Chantá yachakojta tapuriy:
-
¿Orakushaspa imatataj mana ruwananchejchu kasqa?
Sapa día piensariy imaynatachus Dios yanapasusqanpi chayri bendecisusqanpi. Chaymantataj payman agradecekuy. Semanantinta chayta ruwanki chayqa, orakusqaykeqa mana rezo jinachu kanqa.
Sumaj tataqa wawan paywan tukuy imamanta parlarinanta munan. Jehová Diospis munan orakushaspa ajinallatataj ruwananchejta.
6. Diosmanta mañakuyta atisqanchejqa may sumajpuni
Llakiypi kashajtinchej, ¿imaynatá Diosmanta mañakuy yanapawanchej? Chaypaj VIDEOTA qhawariychej.
Bibliaqa niwanchej Diosmanta mañakojtinchej payqa sonqo tiyaykuyta qonawanchejta. Filipenses 4:6, 7 leeriychej, chantá yachakojta tapuriy:
-
Llakiykunasninchej mana chinkajtinpis, ¿Diosmanta mañakuy yanapawanchejchu?
-
¿Orakushaspa imastataj Diosman willakuyta munawaj? ¿Imasmantataj Diosman agradecekuyta munawaj?
Astawan yachanaykipaj
“Amén” palabraqa, “ajina kachun” chayri “cheqamanta” niyta munan. Ñaupa tiempomantapachaña Diosmanta mañakuyta tukuspa “amén” nej kanku (1 Crónicas 16:36).
7. Ama Diosmanta mañakuyta qonqapunachu
Ashkha ruwanasniyoj kasqanchejrayku, wakin kutisqa Diosmanta mañakuyta qonqapunchej. Jinapis Jesusqa Diosmanta mañakojpuni. Mateo 14:23; Marcos 1:35 leeriychej, chantá yachakojta tapuriy:
-
¿Imatataj Jesús ruwaj Diosmanta mañakunanpaj?
-
Qanrí, ¿ima ratostaj Diosmanta mañakuwaj?
WAKIN RUNAS NINKU: “Qhasillata Diosmanta mañakunchej. Chayqa ni imapi yanapawanchejchu”, nispa.
-
Qanrí, ¿imatá niwaj?
¿IMASTÁ YACHAKUNCHEJ?
Kaypi yachakunchej Diosman orakuspaqa, payman astawan qayllaykusqanchejta, sonqo tiyasqataj kasqanchejta. Yachakullanchejtaj Diosman orakoyqa, payta kusichinapaj jina imatapis ruwanapaj yanapawasqanchejta.
Yuyarikunapaj
-
¿Pimantaj orakuna kasqa?
-
¿Imaynatá Diosman orakuna kasqa?
-
¿Diosman orakuy yanapawanchejchu?
ASTAWAN YACHAKUNAYKIPAJ
Bibliaqa orakuymanta qanchis tapuykunasman kutichin. Chaymanta astawan yachanaykipaj kayta leeriy.
“Diosmanta mañakuymanta qanchis tapuykuna” (Torremanta Qhawaj, 1 de enero de 2011)
¿Imaraykutaj Diosmanta mañakuna? Chanta, ¿imaynatataj aswan sumajta mañakusunman? Chayta yachanaykipaj kayta leeriy.
“¿Imaraykutaj Diosmanta mañakuna tiyan?” (Chaytaqa Internetpi jw.org nisqapi tarinki)
Biblia nisqanman jina pimantachus mañakuna kasqanta yachanaykipaj kayta leeriy.
“¿Allinchu kanman santosmanta mañakuna?” (Chaytaqa Internetpi jw.org nisqapi tarinki)
Maypichus, maykʼajchus orakunata yachanaykipaj kay musicayoj videota qhawariy.
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
