KʼUTUNEM 09
Ri chʼawem katuqebʼsaj rukʼ ri Dios
¿La kanaʼo che kajwataj tobʼanik chawe pa ri akʼaslemal? ¿La kʼo preguntas abʼanom che ariqom ta ri urespuesta? ¿La kajwataj kubʼsal kʼuʼx chawe? ¿La kawaj katkʼojiʼ más naqaj che ri Jehová? Ri chʼawem katutoʼ che uriqik wariʼ. Are kʼu, ¿jas kbʼan che ubʼanik ri chʼawem? ¿La kuta ri Dios ronojel ri chʼawem? ¿Jas kabʼan che retaʼmaxik che ri Dios kuta ri achʼawem? Chqilampeʼ.
1. ¿Jachin che kqabʼan wi ri qachʼawem? ¿Jas kqataʼ pa ri qachʼawem?
Ri Jesús xukʼutu che xaq xiw che ri Dios kqabʼan wi ri qachʼawem. Are laʼ ri xubʼan ri Jesús, ri areʼ xubʼan uchʼawem che ri Jehová. Jumul xubʼij: «Ri ix kʼut je chʼawem waʼ chibʼanaʼ: QaTat ri kʼo la pa ri kaj...» (Mateo 6:9). Are chiʼ kqabʼan qachʼawem che ri Jehová kkowir más ri qachilanik rukʼ.
Kojkunik kqabʼij apachike jastaq che ri Dios pa ri qachʼawem. Are kʼu, we kqaj che ri Dios kuta ri kqataʼ che pa ri qachʼawem, kuya taj kqata jastaq che kqaj ta chuwach. Ri Biblia kubʼij che «we kʼo ri kqatzʼonoj jas ri ubeyaʼl ri urayinik, kojutatabʼej» (1 Juan 5:14). Ri Jesús xukʼut chqawach ri kqata pa ri qachʼawem (chasikʼij Mateo 6:9-13). Xaq xiw ta kqabʼij ri kajwataj chqe, xaneʼ rajawaxik kqamaltyoxij ronojel ri uyaʼom ri Dios chqe xuqujeʼ kqataʼ che, che keʼutoʼ nikʼaj chi winaq.
2. ¿Jas kqabʼan che ubʼanik ri qachʼawem?
Ri Biblia kuya wajun sikʼinik chqe: «chixchʼaw rukʼ, rukʼ ronojel [iwanimaʼ]» (Salmo 62:8). Rumal laʼ ri qachʼawem kqabʼano rajawaxik utz kqabʼan che, kel lo pa qanimaʼ. Utz kqabʼan ri qachʼawem rukʼ ko chʼabʼal o pa qanimaʼ. Paneʼ oj xukulik, oj takʼalik, u oj tʼuyulik are kʼu ri más nim ubʼanik are che kqakʼutu che nim kqil ri Jehová. Xuqujeʼ kojkunik kqabʼan qachʼawem apachike hora y apachike lugar.
3. ¿Jas kubʼan ri Dios che uyaʼik ri kqataʼ pa ri qachʼawem?
Jalajoj kubʼan che ubʼanik. Rukʼ ri Biblia kutzalij uwach ri qapreguntas. Usikʼixik ri uTzij ri Dios «kuyaʼ kʼu retaʼmanik ri man kʼo ta retaʼmanik» (Salmo 19:7; chasikʼij Santiago 1:5). Are chiʼ kqariq kʼax ri Jehová kuya jamaril pa qanimaʼ. Xuqujeʼ keʼukoj ri upatanelabʼ che qatoʼik are chiʼ kajwataj chqe.
CHANIMARISAJ RI AWETAʼMANIK
Chqilaʼ jas kqabʼan che ri qachʼawem rech qas kuta ri Dios y jas kubʼan che qatoʼik.
4. Kʼo jujun jastaq rajawaxik kqabʼano rech kojutatabʼej ri Dios
¿Jas rajawaxik kqabʼano rech ri Dios kutatabʼej ri qachʼawem? Chiwilaʼ ri VIDEO.
Ri Jehová kraj che xaq xiw che areʼ kqabʼan wi qachʼawem. Chisikʼij Salmo 65:2 y chixtzijon chrij wariʼ:
-
¿La kraj ri Dios che at kabʼan achʼawem che? ¿Jasche je kachomaj?
We kqaj che ri Dios kuta ri qachʼawem, rajawaxik kojniman che. Chisikʼij Miqueas 3:4 y 1 Pedro 3:12, y chixtzijon chrij wariʼ:
-
¿Jas rajawaxik kqabʼano rech ri Dios qas kutatabʼej ri qachʼawem?
Kebʼ jupuq ajchʼojabʼ kkibʼan kichʼawem che ri Dios rech kechʼakanik. ¿Jas kachomaj, la kuta ri Dios ri kichʼawem?
5. Rajawaxik kqabʼan qachʼawem rukʼ ronojel qanimaʼ
E jujun kʼutum chkiwach che kkikʼol jujun chʼawem pa kijolom rech xaq kkikamulij ubʼixik. Are kʼu, ¿la utz kuta ri Dios ri chʼawem riʼ? Chisikʼij Mateo 6:7 y chixtzijon chrij wariʼ:
-
¿Jas rajawaxik kqabʼano rech kqakamulij ta ubʼixik ri tzij pa ri qachʼawem?
Utz che ronojel qʼij katchoman chrij utz taq jastaq che ariqom pa ri akʼaslemal, tekʼuriʼ kamaltyoxij che ri Jehová. We kabʼan wariʼ, pa jun semana katkunik kabʼij siete jalajoj jastaq che ri Dios pa ri achʼawem y je wariʼ kakamulij ta ubʼixik ri tzij.
Jun utz tat kraj che ri ralkʼwal kujaq ri ranimaʼ che. Ri Jehová xuqujeʼ kraj che ri qachʼawem kel lo pa qanimaʼ.
6. Ri chʼawem are jun sipanik che uyaʼom ri Dios chqe
¿Jas kubʼan ri chʼawem che uyaʼik qachuqʼabʼ más na are chiʼ kqaqʼaxej kʼax pa ri qakʼaslemal? Chiwilaʼ ri VIDEO.
Ri chʼawem kojutoʼo rech kqaya ta kan upatanexik ri Dios. Ri Biblia kutzujuj chqe che ri chʼawem kuya jamaril pa ri qanimaʼ. Chisikʼij Filipenses 4:6, 7 y chixtzijon chrij wariʼ:
-
Paneʼ ri chʼawem kresaj ta ronojel ri kʼax che kqakʼulmaj, ¿jas kubʼan che qatoʼik?
-
¿Jas kawaj kata pa ri achʼawem?
¿La awetaʼm?
Ri tzij amén kraj kubʼij «je chbʼanoq» o «qastzij wi». Ojer loq majim ubʼixik «amén» chiʼ kkʼis ubʼanik jun chʼawem (1 Crónicas 16:36).
7. Chatasaʼ atiempo che ubʼanik achʼawem
Jujun mul kʼo kʼi jastaq kqabʼano che weneʼ ksach chqe kqabʼan qachʼawem. ¿La nim xril ri Jesús ri chʼawem? Chisikʼij Mateo 14:23 y Marcos 1:35 y chixtzijon chrij wariʼ:
-
¿Jas xubʼan Jesús che utasik tiempo che ubʼanik uchʼawem?
-
E ri at, ¿jas kabʼano rech kʼo atiempo che ubʼanik achʼawem?
RI KKICHOMAJ JUJUN WINAQ: «Ri chʼawem xaq kresaj tiempo rumal che kʼo ta ktatabʼenik».
-
¿Jas kachomaj at?
RI XQETAʼMAJ
Ri chʼawem che kel lo pa qanimaʼ kojuqebʼsaj rukʼ ri Dios. Xuqujeʼ kuya jamaril chqe pa ri qanimaʼ y rech kojkunik kqabʼan ri kraj ri Jehová.
¿La knaʼtaj chawe?
-
¿Jachin che kqabʼan wi qachʼawem?
-
¿Jas kqabʼan che ubʼanik ri qachʼawem?
-
¿Jas kojutoʼ wi ubʼanik chʼawem?
CHAWILAʼ CHI NIKʼAJ
Chawetaʼmaj chrij ri preguntas che kkibʼan kʼi winaq chrij ri chʼawem.
«Siete preguntas che kbʼan chrij ri chʼawem» (La Atalaya, 1 re octubre 2010)
Chawilaʼ jasche nim ubʼanik kabʼan achʼawem y jas kabʼano rech más utz kabʼan che.
¿Jachin che kqabʼan wi ri qachʼawem? Chawilampeʼ ri kubʼij ri Biblia.
«¿La utz kqabʼan qachʼawem chke ri tyox?» (Kʼutunem re jw.org)
Chawilaʼ pa wajun video musical we rajawaxik na jun lugar o jun hora rech kqabʼan qachʼawem.
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
