LECCIÓN 09
Oracionda rrurranaga Diosmun mayayallunmi ayudan
¿Canbu causaibiga ayudada ministinguillu? ¿Narij contestashca tapuigunada charinguillu? ¿Ánimo y consueloda ministinguillu? ¿Jehová Diosbu ayudada ministinguillu? Oracionda rrurranami cai tucui cosasgunaun ayudanga. Pero ¿imashinadi mañana ganchi? ¿Diosga tucui oraciongunadallu uyan? ¿Dios canbu mañaigunada uyallunga imadadi rrurrana gangui? Rricushun.
1. ¿Pidadi mañana ganchi? ¿Oracionda rrurrashaga imadadi mañai pudinchi?
Jesusga solo jahua pachabi gaj Taita Diosda mañana gashcadami yachachirca. Paiga, solo Jehová Diosdami mañarca. Shuj funchaga cashnami nirca: “Cangunaga cashnami mañana ganguichi: Jahua pachabi gaj ñucunchi Taitalla...” (Mateo 6:9). Jehová Diosda mañashaga, ñucunchi amistadga ashtaunmi shinchiyan.
Diosda mañajushaga imamundabish parrlanallami ganchi. Pero, Dios ñucunchi mañashcagunada uyallun nishaga, pai munashca shinami mañana ganchi. Bibliabiga “imadash pai munashca shina mañajpiga uyangami” nin (1 Juan 5:14). Jesusga Diosda imashina mañanamundaga shuj ejemploun yachachirca (Mateo 6:9-13-da liyi). Diosda ñucunchi ministishcagunamunda parrlash, ayudashcamunda agradicish, cutishujgunadash ayudallun mañana ganchi.
2. ¿Imashinadi mañana ganchi?
Bibliaga cai invitaciondami rrurran: “Paibu [Diosbu] ñaupujpi shungumunda mañaichi” (Salmo 62:8). Shinaga ñucunchi mañaigunaga shungumundami llujshina gan. Siempre Jehová Diosda respetounga shungu ucubi yuyashcada parrlana ganchi. Shinalladi jatarish, tiyarish, cungurishash mañanallami ganchi. Y maibi gashash, ima hora gajpish mañai pudinchimi.
3. ¿Diosga ñucunchi mañaigunadaga imashinadi contestan?
Huaquinbiga paibu palabra Bibliada utilizashmi ñucunchi tapuigunada contestan. Chaimundami Diosbu palabrada liyina ganchi. Diosga “na yachajtami yachaisapada rrurran” nin (Salmo 19:7; Santiago 1:5-da liyi). Problemagunada charijpiga, Jehová Diosga tranquilidadta cushmi ayudan. Shinalladi paibu sirvijgunadami ñucunchigunada ayudallun utilizai pudin.
CAI TEMAMUNDA MÁS YACHASHUNCHI
Shungumunda Jehová Dios munashca shina mañanada, shinalladi caida rrurrana imashina ayudai pudishcada rricushun.
4. ¿Diosda mañangabuga imadadi fajtachina ganchi?
¿Dios ñucunchi mañaigunada uyallunga imadadi rrurrana ganchi? VIDEODA rricui.
Jehová Diosga solo paida mañallunmi munan. Salmo 65:2-da liyish, chaimunda parrlaichi:
-
“Mañaigunada uyanada yachaj” Dios, ¿canbu oracionda uyanada munashcadallu cringui? ¿Imamundadi shina yuyangui?
Dios ñucunchi mañaigunada uyallunga, pai mandashca shina causangabumi esforzarina ganchi. Miqueas 3:4 y 1 Pedro 3:12-da liyish, chaimunda parrlaichi:
-
¿Dios ñucunchi mañaigunada uyallunga imadadi rrurrana ganchi?
Ishqui llactamunda soldadogunami guerrabi ganangabu Diosda mañanajun. ¿Pero Diosga paigunabu mañashcagunada contestangallu?
5. Ñucunchigunaga shungumundami mañana ganchi
Huaquingunamunga oraciongunada, rezogunada chailladadi chailladadi nillunmi yachachinajushca. ¿Pero Diosga chai oraciongunadallu munan? Mateo 6:7-da liyish, chaimunda parrlaichi:
-
¿Ñucunchi oraciongunabi ama “chailladadi chailladadi ningabuga” imadadi rrurrana ganchi?
Cada funcha ima pasashcabi yuyash, ¿nallu chaimunda Jehová Diosda agradicingui? Shina rrurrashaga, shuj semanabi siete diferente yuyaigunamundami Jehová Diosmun parrlangui.
Shuj juyaj taitaga paibu churi shungumunda parrlallunmi munan, shinalladi Jehová Diosga ñucunchiguna shungumunda mañallunmi munan.
6. Oracionga Diosbu regalomi gan
¿Problemagunada charijpi oracionda rrurranaga imashinadi ayudai pudin? VIDEODA rricui.
Bibliabiga oracionda rrurranami de verdad tranquilo alli sintirillun ayudan nin. Filipenses 4:6, 7-da liyish, chaimunda parrlaichi:
-
Diosda mañajpish huaquinbiga ñucunchi problemagunaga na tucurinllu, pero ¿imashinadi ayudan?
-
¿Ima cosasgunamundadi Diosda mañanada munangui?
¿Yacharcanguillu?
Amén palabraga “chashna gallun” o “seguro fajtarina” gashcadami nisha nin. Ñaupa tiempomundami Diosda sirvijgunaga oracionda tucuchishaga “amén” ninada yachanajushca (1 Crónicas 16:36).
7. Diosda mañangabu tiempoda surcui
Huaquinbiga demasiado ocupados gashcamundami Diosda mañanada cungarinchi. ¿Jesusbu Diosda mañanaga imamundadi importante garca? Mateo 14:23 y Marcos 1:35-da liyish, chaimunda parrlaichi:
-
¿Jesusga Diosda mañangabuga imashinadi tiempoda llujchirca?
-
Quiquinga, ¿Diosda mañangabuga imashinadi tiempoda llujchi pudingui?
HUAQUINGUNAGA NINMI: “Diosda mañanaga yangami gan, pish na uyanllu”.
-
¿Quiquinga imadadi ninguimun?
RESUMEN
Shungumunda mañashaga Diosmunmi mayayanchi. Shinalladi tranquilo alli sintiringabu, y Jehová Diosda cazungabumi fuerzada cun.
Repaso
-
¿Pidadi mañana ganchi?
-
¿Imashinadi mañana ganchi?
-
¿Oracionda rrurranaga imashinadi ayudan?
ASHTAUN YACHAI
Ashca genteguna oracionmunda huaquin tapuigunada rrurrashcada yachai.
“Siete preguntas sobre la oración” (La Atalaya, 1 de octubre de 2010)
Diosda mañana imamunda importante gashcada y paida imashina alli mañai pudishcada liyi.
¿Pidadi mañana ganchi? Biblia ima yachachishcada rricui pudingui.
Maibi, ima hora gajpish Diosda mañai pudishcadaga cai video musicalbi rricui.
