09 YACHACHIKUY
Diosta mañakuspaqa paymanmi astawan asuykunki
Diosta mañakuynikiqa anchatam yanapasunki. Diostam mañakuwaq vidaykipi yanapasunaykipaq, sasachakuykunapi tarikuspayki, hukmanyasqa tarikuspayki hinaspa Diosman astawan asuykunaykipaqpas. Ichaqa ninkipaschá: “¿Imaynatataq Diosta mañakuyman? ¿Diosqa llapallan runakunapa mañakusqankutachu uyarin? ¿Imaynatam yachayman mañakusqayta Dios uyariwasqanmanta?”, nispa. Chaykunamantayá yachaykusun.
1. ¿Pitataq mañakunanchik? ¿Imakunamantataq mañakuchwan?
Jesusmi taytanchik Jehova Diosta mañakunanchikpaq yachachiwarqanchik. Kikinpas taytanta mañakuspanmi nirqa: “Hanaq pachapi taytayku”, nispa (Mateo 6:9). Jehova Diosta mañakuspaqa paytam astawan kuyasunchik, paypas astawanmi kuyawasunchik.
Jehova Dioswanqa rimachwanmi imamantapas, ichaqa uyariykuwananchikta munaspanchikqa paypa munasqanman hinam mañakunanchik. Bibliapipas ninmi ‘munasqanman hina mañakuptinchikqa Dios uyariwasqanchikmanta’ (1 Juan 5:14). Jesusqa yachachiwarqanchiktaqmi imakunamanta mañakunanchikpaqpas (leey Mateo 6:9-13). Diosta mañakuspanchikqa manam munasqallanchiktachu mañakunanchik, agradecekunanchiktaqmi tukuy ima quwasqanchikmanta, runamasinchikpaqpas mañakunanchikmi.
2. ¿Imaynatataq Jehova Diosta mañakunanchik?
Bibliapiqa niwanchikmi Diosta mañakuspaqa ‘sunqunchikta kicharispa’ mañakunanchikmanta (Salmos 62:8). Jehova Diostaqa mañakuchwanmi sunqullanchikpipas, rimaspapas, sayaspapas, tiyaspapas utaq qunquranpapas, ichaqa respetowanmi. Mañakuchwantaqmi imay horapas hinaspa maypiña kaspapas.
3. ¿Jehova Diosqa imaynatam yanapawanchik mañakuptinchik?
Jehova Diosqa palabranwanmi yanapaykuwanchik. Bibliata ñawinchaptinchikmi Jehova Diosqa yachayniyuq kanapaq yanapawanchik (Salmos 19:7; leey Santiago 1:5). Sasachakuypi tarikuptinchikpas sunqunchiktam hawkayaykachin. Jehova Diosqa yanapawanchiktaqmi iñiqmasinchikkunawanpas.
ASTAWAN YACHAYKUSUN
Kay yachachikuypim yachasun imaynata sunqunchikta kicharispa Jehova Diosta mañakunamanta. Yachasuntaqmi Jehova Diosta mañakuyqa kikinchiktapas yanapawasqanchikmanta.
4. ¿Llapallan runakunapa mañakusqankutachu Diosqa uyarin?
¿Imaynata mañakuptinchiktaq Jehova Diosqa uyariykuwanchikman? VIDEOTA qawaykuychik.
Jehova Diosqa munan payllata mañakunanchiktam. Leeychik Salmos 65:2 hinaspa qatiqninmanta rimariychik:
-
¿Diosqa munanchu qampas payta mañakunaykita? ¿Imanasqataq chaynata ninki?
Mañakusqanchikta uyariykunanta munaspanchikqa Jehova Diospa munasqanman hinam kawsakunanchik. Leeychik Miqueas 3:4 hinaspa 1 Pedro 3:12, chaymantañataq qatiqninmanta rimariychik:
-
¿Imayna runataq kananchik mañakusqanchikta Dios uyariwananchikpaq?
Soldadokuna runamasinta wañuchiq rinankupaq Diosta mañakuptinku ¿Diosqa uyarinmanchu?
5. Mañakuspanchikqa willakunanchikmi imayna tarikusqanchikta
Yaqa llapallanchiktam yachachiwarqanchik hina kaqllata kuti-kutirispa mañakunanchikpaq utaq rezakunanchikpaq. ¿Yaqachu chayna mañakusqanchikta Dios uyarinman? Leeychik Mateo 6:7 hinaspa qatiqninmanta rimariychik:
-
¿Imanasqataq mana allinchu kuti-kutirispa hina kaqllata rezakuyqa? ¿Imatam ruwananchik mañakuspanchik hina kaqllata mana rimananchikpaq?
Hina kaqllata mana rimanaykipaqqa sapa punchawmi Jehova Dios imayna yanapasusqaykipi yuyaymanawaq. Hinaspam chaykunamanta Diosta agradecekuwaq.
Kuyakuq taytaqa munanmi imayna tarikusqanmanta churin willakunanta, Jehova Diospas munanmi imayna tarikusqanchikmanta sunqunchikta kicharispa willakunanchikta.
6. Jehova Diosta mañakuyqa anchatam yanapawanchik
¿Imaynatataq Jehova Diosta mañakuyqa yanapawanchik sasachakuypi tarikuptinchikpas? VIDEOTA qawaykuychik.
Bibliapim niwanchik sasachakuypi tarikuspa mañakuptinchikqa Jehova Dios sunqunchikta tiyaykachinanmanta. Leeychik Filipenses 4:6, 7 hinaspa qatiqninmanta rimariychik:
-
Sasachakuyninchikkuna hinalla kaptinpas, ¿imaynatataq Jehova Diosta mañakuyqa yanapawanchik?
-
¿Imakunamantataq Diosman willakuyta munawaq?
Yachaykunaykipaq
Amen ninanqa “chaynayá kachun” utaq “arí, chaynam” ninanmi. Ñawpaq tiempopi Diosta yupaychaq runakunapas chaynatam niqku mañakuyta tukuykuspanku (1 Cronicas 16:36).
7. Diosta mañakunaykipaq tiempochakuy
Wakinpiqa tukuy ima ruwayninchik kasqanraykum Diosta mañakunapaqqa mana tiempochakunchikchu. Jesusqa ima ruwayniyuq kaspanpas taytanta mañakunanpaqmi tiempochakurqa. Leeychik Mateo 14:23 hinaspa Marcos 1:35, chaymantañataq qatiqninmanta rimariychik:
-
¿Imaynatam Jesusqa tiempochakurqa mañakunanpaq?
-
¿Imaynatam qampas tiempochakuwaq Diosta mañakunaykipaq?
WAKIN RUNAKUNAM NINKU: “Yanqam Diosta mañakuyqa. Diosqa manam uyariwanchikchu”, nispanku.
-
¿Qamqa ima niwaqtaq?
YUYARIYKUSUN
Kaypim yacharunchik tukuy sunqunchikwan mañakuspaqa Jehova Diosman asuykunamanta, hawka tarikunapaq hinaspa Diospa munasqanman hina kawsakunapaq yanapawasqanchikmantapas.
¿Ima niwaqtaq?
-
¿Pitataq mañakunanchik?
-
¿Imaynatataq Jehova Diosta mañakunanchik?
-
¿Imaynatataq Jehova Diosta mañakuyqa yanapasunki?
ASTAWAN YACHANAYKIPAQ
Imaynata Diosta mañakunamanta runakunapa tapukusqankumanta yachanaykipaq kay yachachikuyta leey.
“Diosta mañakunamanta runakunapa tapukusqanku” (Tarinkim jw.org nisqanpi)
Diosta mañakuyqa imanasqa ancha allin kasqanmanta hinaspa imaynata qampas mañakunaykimanta yachanaykipaq qatiqninta leey.
“¿Imanasqataq ancha allin Diosta mañakuyqa?” (Tarinkim jw.org nisqanpi)
¿Pita mañakunapaqtaq bibliaqa nin? Chaymanta kaypi leeykuy.
“¿Allinchu taytacha-mamachakunata mañakuyqa?” (Tarinkim jw.org nisqanpi)
Maypipas hinaspa imay horapas Jehova Diostaqa mañakuchwanmi. Chaymanta yachaykunaykipaq videota qawaykuy.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
