09 YACHANA PARTI
Dioshuan cuintasha paima mas caillayashun
Turmintugunaibi yanapaita minishtinguichu. Yapa llaquirishca sintiringuichu. Jehovama mas caillayanata munanguichu. Cai yanapaigunata charingahua, Dioshuanmi cuintana anchi. Chasna acpihuas, imasata Diosta mañana anchi. Diosca tucui runaguna mañashcatachu uyan. Dios can mañashcagunata uyachun, imatata rana angui.
1. Pitata mañana anchi. Imatata rimanata ushanchi
Jesusca cieloibi auc ñucanchi Yayallata mañaichi nira. Paillatami Jehovahuan cuintasha mañac ara. Jesusca shuc uras nira: “Canguna Yaya Dioshuan cuintausha casna rimana manguichi: ‘Ñucanchi ahua pachaibi tiac Yaya’” (Mateo 6:9). Jehovahuan cuintashaga paiba amigomi tucushun.
Imamandas Dioshuan cuintanata ushanchi. Chasna acpihuas, Dios ñucanchita uyachunga, pai munashca shinami mañana anchi. Bibliaga ninmi: “Ñucanchi imatahuas Dios munashcata shina mañasha tapucpiga pai uyangallami” (1 Juan 5:14). Jesusca imagunamanda Diosta mañana ashcata yachachira (Mateo 6:9-13ta leipai). Astahuanbas, ñucanchi causaimanda cuintashahuas, Dios ñucanchita rashcamanda paita pagrachunata, mana cungarina chanchi. Chasnallata, shuc runagunata yanapachun mañana anchi.
2. Imasata Dioshuan cuintana anchi
Bibliaga caitami nin: “Diospagma caillayamushun ali shunguhuan sinzhita quirishcahuan” (Hebreos 10:22). Chiraicu, corazonmanda Dioshuan cuintana anchi. Sinzhita rimasha o chunllahuas mañanata ushanchi. Shayarisha, tiyarisha, cungurishahuas, respetohuan Jehovata mañana anchi. Chasnallata, maibi aushas, tucui uras, Dioshuan cuintana ushanchi.
3. Diosca ñucanchi mañashcagunata uyanzhu
Diosca paiba shimi Bibliahuanmi, ñucanchi tapushcagunata cutichin. Salmo 19:7 nishca shina, Bibliata leishaga, “mana yachacca sabirumi tucun” (Santiago 1:5ta leipai). Problemagunahuan aushcai, Jehovaga cungailla yuyaitami cuitucushun. Astahuanbas, Jehovaga ñucanchita yanapangahua paita sirviccunata cachanata ushan.
CAIMANDA MASTA YACHAI
Imashinata Dios uyana munashcata mañanata ushanchi. Caiga imashinata yanapaitucunchi.
4. Dios ñucanchita uyachun, imatata rana anchi
Diosca ñucanchi mañashcagunata uyachun, imata pactachina anchi. VIDEOTA ricuichi.
Jehovaga paillata mañachun munan. Salmo 65:2ta leichi, huasha cai tapuigunamanda cuintanacuichi:
-
Mañashcata uyac Diosca paihuan cuintachun munanzhu. Imahuata casna yuyangui.
Dios ñucanchi mañashcagunata uyachun munashaga pai munashca shinami causana anchi. Miqueas 3:4 y 1 Pedro 3:12ta leichi, huasha cai tapuimanda cuintanacuichi:
-
Diosca can mañashcagunata uyachun, imatata rana angui.
Ishcai soldadoguna muntun, gerrata ganangahua Diosta mañanaun. Tapurinchi: Cai ishcai soldadoguna muntun mañashcagunata Diosca uyangachu.
5. Shungumanda mañana anchi
Ashca runagunata chillatata chillatata nisha Diosta mañanata yachachishcauna. Chasna acpihuas, chitachu Diosca uyanata munan. Mateo 6:7ta leichi, huasha cai tapuimanda cuintanacuichi:
-
Mana “chillatata cuti, cuti yangalla” rimangahua, imashinata Dioshuan cuintana anchi.
Caran punzha, Dios imata cushcata yuyari. Huasha, cai cushcagunamanda Jehovata pagrachui. Casna rasha, shuc semanaibi, caran punzha, Dios chican sami ricuriccunata cumbirashcamanda pagrachusha, mana chillatata chillatata rimana ushangui.
Shuc ali yaya paihua churi shungumanda paita rimachun munan. Chasnallata, Jehova ñucanchi shungumanda paita mañachun munan.
6. Diosta mañanaga shuc bendicion man
Sinzhi turmintu pasaushcai Diosta mañanaga imashinata ursata cuitucunchi. VIDEOTA ricuichi.
Dioshuan cuintasha mañashaga cungaillami sintirishun. Filipenses 4:6, 7ta leichi, huasha cai tapuigunamanda cuintanacuichi:
-
Turmintu tiasha caticpihuas, Diosta mañana imashinata yanapan.
-
Imagunamandallata Dioshuan cuintanata ushangui.
Yacharanguichu
Amen nishcaga “chasna achun” nisha nin. Bibliata quillcashca timpuibi, Diosta mañasha tucuchiushcai, “amen” o “chasna achun” nisha nic anaura (1 Cronicas 16:36).
7. Tucui uras Diosta mañai
Imasaibiga mana lugar asha, Diosta mañanata cungarinchi. Jesusca Dioshuan cuintanata balichic chara. Mateo 14:23ta y Marcos 1:35ta leichi, huasha cai tapuigunamanda cuintanacuichi:
-
Jesusca ima uraspita Diosta mañac ara.
-
Canga ima uraspita Dioshuan cuintangahua timputa surcuna ushangui.
MAICANGUNAGA CASNAMI NINAUN: “Dioshuan cuintana yanga man. Diosca mana uyahuanzhu”.
-
Canga imata ningui.
IMATA YACHASHCANGUI
Dioshuan corazonmanda cuintashaga paima masta caillayanchi. Cungailla sintiringahua yanapan. Jehova nishcata pactachingahua ursata cuitucunchi.
Yachashcata cuintai
-
Pitata cuintasha mañana anchi.
-
Imasata Dioshuan cuintana anchi.
-
Diosta mañanaga imasata yanapaitucunchi.
CANLLATA MASTA YACHAI
Ashca runaguna imashina Diosta mañana ashcata tapurinaun. Caibi masta yachai.
“Oracionmanda canzhis tapuiguna” (La Atalaya, 1 de octubre de 2010)
Dioshuan cuintana imaraicu balishca ashcata, imasa pai munashca shina mañana ushashcata yachai.
“Imaraicuta Dioshuan cuintana balishca an” (jw.org internet pistuibi)
Pita mañana ashcata Bibliaibi imata yachachishcata ricui.
Cai musicahuan videota ricusha, maibi aushahuas, Dioshuan imasa cuintana ushashcata yachai.
