APII 09
Akavaitata ki te Atua na Roto i te Pure
Te anoano ra ainei koe i te aratakianga no te oraanga? E au uianga puapinga ainei taau ka inangaro koe kia pauia? Te anoano ra ainei koe kia akapumaanaia? Ka inangaro ainei koe te piri vaitata kia Iehova? Ka akamaroiroi te pure ia koe. Inara akapeea tatou me pure? Te akarongo maira ainei te Atua i te au pure? Eaa taau ka rave kia rongo mai aia i taau pure? Ka akara tatou.
1. Ka pure tatou kiaai, e eaa ta tatou ka pure?
Apii a Iesu kia pure anake tatou ki to tatou Metua i te rangi. Kua pure a Iesu kia Iehova. Karanga aia: “Na ko kotou kia pure: E to matou Metua i te ao ra, . . . ” (Mataio 6:9) Me pure tatou kia Iehova, ka akatinamouia to tatou pirianga oa kiaia.
Ka rauka ia tatou i te pure no runga i tetai ua atu tumu manako. E tika, e pau mai ei te Atua i ta tatou pure, ka anoanoia te reira kia rotai ki tona anoano. “Kia pati ua atu tatou i te au mea ravarai i tau iaia ra, te akarongo maira aia ia tatou.” (1 Ioane 5:14) Kua oronga mai a Iesu i te au akaraanga o te au mea tau kia pure tatou. (E tatau ia Mataio 6:9-13.) Me pure tatou no te au mea o te ngutuare, ka akameitaki tatou i te Atua no tana i rave no tatou e ka pati kia tauturu atu aia i tetai ke.
2. Akapeea tatou me pure?
Te akamaroiroi maira te Pipiria ia tatou kia “riringi i to [tatou] ngakau ki mua [i te Atua].” (Salamo 62:8) No reira ka pure tatou ma te ngakau tae. Ka pure maata tatou me kore muteki ua ma te ngateitei. Ka pure tatou i tetai ua atu taime e i tetai ua atu ngai.
3. Akapeea te Atua me pau i ta tatou pure?
E tukeke tana au ravenga. Kua oronga mai a Iehova i tana Tuatua, te Pipiria, ei pau i ta tatou au uianga. Na te tatau anga i te Tuatua a te Atua “e pakari ei te kamakura.” (Salamo 19:7; e tatau ia Iakobo 1:5.) Ka oronga mai aia i te manako ‘au me na roto tatou i te manamanata. E ka akakeu aia i tona au tavini kia tauturu ia tatou me anoanoia te reira.
KIMI OONU
Akara akapeea koe me oronga i taau pure ngakau tae ei akamareka i te Atua, e akapeea koe e puapingaia ai.
4. E pure kia tau ki to te Atua anoano
Eaa te au mea te akakite maira e ka akarongoia ta tatou pure e me kare? Akatangi i te VITIO.
Ka inangaro a Iehova ia tatou kia pure kiaia. E tatau ia Salamo 65:2, e oti uriuri i teia au uianga:
-
I toou manako te inangaro ra ainei “Tei akarongo i te pure ra” kia pure koe kiaia? Eaa ra, e eaa ka kore ei?
Ka tauta tatou i te aru i ta te Atua au kaveinga kia akarongoia mai ta tatou pure. E tatau ia Mika 3:4 e 1 Petero 3:12, e oti uriuri i teia uianga:
-
Akapeea tatou e papu ei e ka akarongo mai a Iehova i ta tatou pure?
I te tuatau tamaki, ka pure te au vaeau kia autu ratou i te tamaki. Kua tau ainei kia pau te Atua i teia au pure?
5. Kia pure tatou ma te ngakau tae
Kua apiiia tetai aronga kia ripiti ua i te pure. Inara te inangaro maira ainei te Atua kia pera tatou? E tatau ia Mataio 6:7, e oti uriuri i teia uianga:
-
Akapeea koe me kopae i te “tuatua rikiriki puapinga kore” i roto i taau pure?
I te au rā, penei kua manako koe i tetai akameitakianga i tupu i toou oraanga e kua akameitaki koe ia Iehova. E rave i teia i te au rā no tetai epetoma, e ka pure koe e itu au tumu manako kia kore e ripiti i te reira.
Inangaro te metua tane i tana tamaiti kia tuatua kiaia. Inangaro katoa a Iehova ia tatou kia pure kiaia ma te ngakau tae
6. E apinga aroa te pure no ko i te Atua
Akapeea te pure me akamaroiroi ia tatou, i te tuatau meitaki e te kino? Akatangi i te VITIO.
Te taputou maira te Pipiria e ka rauka te manako ‘au me pure tatou. E tatau ia Philipi 4:6, 7, e oti uriuri i teia au uianga:
-
Noatu kare te pure e akakore i to tatou manamanata, akapeea te reira me tauturu ia tatou?
-
Eaa te au mea ka inangaro koe i te pure?
Kua kite ainei koe?
Te tuatua “amene” te aiteanga “e tika ïa” me kore “e tika tikai.” Mei te tuatau Pipiria, kua taikuia te “amene” i te openga o te au pure.—1 Paraleipomeno 16:36.
7. Akanoo i te taime no te pure
Me maata roa te angaanga ka ngaropoina ia tatou te pure. Eaa te puapinga o te pure kia Iesu? E tatau ia Mataio 14:23 e Mareko 1:35, e oti uriuri i teia au uianga:
-
Eaa ta Iesu i rave no te akanoo i te taime kia pure?
-
Eaa te taime tau noou kia pure?
KARANGA TE TANGATA: “Kaimoumou taime i te pure kare e akarongoia mai.”
-
Eaa toou manako?
APIIANGA
Ka akavaitata te pure ngakau tae ia tatou ki te Atua, ka rauka te manako ‘au, e te maroiroi no te akamareka ia Iehova.
Uriurianga
-
Ka pure tatou kiaai?
-
Akapeea tatou me pure?
-
Eaa te au puapinga o te pure?
KIMI KIMI
Kimi i te pauanga ki te au uianga no te pure.
Apii i te au tumu puapinga kia pure e akapeea koe me akameitaki atu i te reira.
Akamanako i ta te Pipiria e apii maira e ka pure tatou kiaai.
I roto i teia akatangi anga imene vitio, akara me e puapinga te ngai e te taime no te pure.
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
