9. LEKCIJA
I molitva pomožini tut te ove popaše e Devleja
Da li dijekh puti valjani tuće pomoć odolese so na đaneja so te ćere? Da li isi tut važna pućiba ko kola mangeja te dobine odgovor? Da li valjani tuće uteha hem ohrabrenje? Da li bi mangeja te ove popaše e Jehovaja? I molitva šaj te pomožini tuće ko odova. Ama, sar valjani te moline tut? Da li o Devel šunela sa o molitve? So valjani te ćere te šaj te ove sigurno so o Jehova šunela te molitve? Hajde te dikha.
1. Kase valjani te molina amen hem aso so šaj te molina amen?
O Isus sikavđa amen te molina amen samo amare nebesko Dadese, e Jehovase. Kokri o Isus ćerđa odova. Ov phenđa: „Molinen tumen ađahar: ’Dade amareja, kova hijan ko nebo‘“ (Matej 6:9). Ked molinaja amen e Jehovase, amen zorjaćeraja amaro amalipe oleja.
Amen šaj te molina amen skoro aso sa. Ama, ako mangaja o Devel te šunel amare molitve, on valjani te oven premali olesi volja. „So god te molina, a soj tano premali [e Devlesi volja], ov šunela amen“ (1. Jovanova 5:14). O Isus phenđa aso kola buća šaj te molina amen. (Čitinen Matej 6:9-13.) Uzo odova so molinaja amen aso amare problemija, na valjani te bistra te molina amen aso avera hem te zahvalina amen olese.
2. Sar valjani te molina amen?
Ki Biblija pisini: „Anglo [Devel] phraven tumaro vilo“ (Psalam 62:8). Odolese, ked molinaja amen, valjani te ova iskrena hem te vaćera sa so isi amen ko vilo. Šaj te molina amen ko glaso ja ano amende, bilo ked hem bilo kaj. O Jehova na rodela amendar te pera ko koćija, te beša ja te terđova đi molinaja amen. Najvažno tano te mothova poštovanje premalo leste đi molinaja amen.
3. Sar o Devel odgovorini ko amare molitve?
Ov odova ćerela ko različita načinija. Ov dinđa amen po Lafi, i Biblija, kuri šaj te arakha o odgovorija ko amare pućiba. E Devleso Lafi dela „mudrost okolese kova tano neiskusno“ (Psalam 19:7; čitinen Jakovljeva 1:5). Ked isi amen problemija, ov šaj te del amen mir ko vilo. Isto ađahar, šaj te ćhivel pe slugen te pomožinen amen ked odova ćaće valjani amenđe.
SIKLJOV POBUTER
Sikljov so šaj te ćere te šaj o Devel te šunel te molitve hem sar i molitva ka pomožini tuće.
4. So valjani te ćera ako mangaja o Devel te šunel amare molitve?
Ked o Devel šunela amare molitve? Dikhen o VIDEO.
O Jehova mangela te molina amen olese. Čitinen Psalam 65:2, hem palo odova vaćeren ando akala pućiba:
-
Da li mislineja so o Devel mangela hem tu te moline tut olese? Sose mislineja ađahar?
Ako mangaja o Devel te šunel amare molitve, valjani te trudina amen te ićera amen ko olese merilija. Čitinen Mihej 3:4 hem 1. Petrova 3:12, hem palo odova vaćeren ando akava pućibe:
-
So valjani te ćera ako mangaja o Jehova te šunel amare molitve?
Đi trajini o maribe, o solduj strane molinena pe asi pobeda. Da li tano logično te mislina so o Devel ka odgovorini ko asavke molitve?
5. Amare molitve valjani te oven ando vilo
Disave manuša sikljilje te vaćeren uvek ista lafija ked molinena pe e Devlese. Ama, da li o Devel mangela ađahar te molina amen olese? Čitinen Matej 6:7, hem palo odova vaćeren ando akava pućibe:
-
So šaj te ćera te na ponovina „uvek ista lafija“ đi molinaja amen?
Svako dive, razmislin aso kola buća šaj te zahvaline tut e Jehovase. Ako odova ćereja svako dive, ko krajo ando kurko ka dikhe so molinđan tut aso efta različita buća hem so na vaćerđan ista lafija.
Jekh šukar dad mangela olese ćhave te vaćeren oleja ando vilo. Isto ađahar, o Jehova mangela đi molinaja amen te vaćera oleja ando vilo
6. I molitva tani poklon ando Devel
Sar šaj i molitva te pomožini amen, posebno ked tano amenđe pharo? Dikhen o VIDEO.
I Biblija obećini amenđe so i molitva šaj te del amen mir. Čitinen Filipljanima 4:6, 7, hem palo odova vaćeren ando akala pućiba:
-
Iako i molitva našti uvek te rešini amare problemija, sar šaj ipak te pomožini amen?
-
Aso kola buća mangeja te moline tut?
Da li đanđan?
O lafi „amin“ značini „ađahar tano“ ja „nek ovel ađahar.“ Pana ko purano vreme, o lafi „amin“ koristinđa pe ko krajo andi molitva (1. Letopisa 16:36).
7. Arakh vreme te moline tut
Disavo puti šaj odobor hijam zauzeta so bistraja te molina amen. Kobor e Isusese hine važno i molitva? Čitinen Matej 14:23 hem Marko 1:35, hem palo odova vaćeren ando akala pućiba:
-
So ćerđa o Isus te šaj te ovel le vreme asi molitva?
-
Ked tu šaj te arakhe vreme te moline tut?
AKO NEKO PHENELA: „Nane važno kase molinaja amen sose o Devel šunela sa o molitve.“
-
So bi tu pheneja?
SO SIKLJILJAM
Ako molinaja amen ando vilo, ka ova popaše e Devleja, ka ovel amen mir ko vilo hem snaga te šuna le.
Te ponovina
-
Kase valjani te molina amen?
-
Sar valjani te molina amen?
-
Sar ka pomožini amenđe i molitva?
RODE POBUTER
But manuša isi len pućiba andi molitva. Arakh o odgovorija ko odola pućiba.
„O odgovorija ko efta pućiba andi molitva“ (Stražarsko kula, 1. oktobar 2010)
Čitin sose valjani te moline tut hem sar šaj te molitve te oven pana pošukar?
Čitin so i Biblija phenela, kase valjani te molina amen.
„Da li valjani te molinav man e sveconenđe?“ (članko ko amaro sajt)
Ki akija đili ka sikljove da li tano važno kaj hem ked molinaja amen.
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
