SIKAIMOS 09

O rhugimos azhutil tu te pashos ka o Del

THO

Aliares ke trobul tu varekon te azhutil tu ande kiro traio? Sa chi arakhlian le suaturia ka but prame kai pushes tu? Trobul tu zor vai pacha? Sas te plachal tu te aves mai pasha o Jehova? O rhugimos shai azhutil tu te arakhes sa kakala prame kai trobun tu. Numa, sar trobus te rhugis? Ashunel o Del fersavo rhugimos? Sar te zhanes chachimasa ke o Del ashunel kiro rhugimos? Aida dikhas.

1. Kaste trobus te rhugis? Pa soste shai das duma kana rhugis?

O Jesus sikadias ke numa trobus te rhugis ka amaro Dat kai si ando cheri. Zhanas godo, ke vo rhugilaspe ka o Jehova. Iek data phendias: “Anda kodia rhugin tume kadia, ‘Amaro Dat kai san ando rhaio, te avel cho anau ankerdo swunto’” (Mate 6:9). Kana rhugis amen ka o Jehova sam mai pasha leste.

Kana rhugis amen shai das duma pa fersavi prama. Numa te kamasa te del amen suato o Del, nashtis te mangas vareso kai nai ande leski voia. E Biblia phenel ke “te mangasa vari so lestar kai si ande leski voia, wo ashunela amende” (1 Iovano 5:14). O Jesus phendias pa uni prame kai shai mangas kana rhugis (chito Mateo 6:9-13, NWT). Na numa trobus te das duma pa amare dieli, chi trobus te bistras te naisis ka o Del pala so kerdias pala amende ai te mangas lestar te azhutil avren.

2. Sar trobus te rhugis?

E Biblia phenel amenge: “Putren tumare ile angla leste [o Del]” (Salmo 62:8). Pala godo, suako rhugimos kai keras trobul te avel chacho, trobul te anklel anda amaro ilo. Shai rhugis ande amaro gindo vai zurales te ashundiol amaro glaso. So trobul te avel mai baro amenge kana rhugis si, te respetis ka o Jehova. Pala godo, nai musai te thas amen ande changende vai ande punrhende. Shai rhugis kai avasa ai kana kamasa.

3. Sar del suato o Del ka amaro rhugimos?

Kana chitos e Biblia o Del phenel amenge pal prame kai pushas amen, ke e Vorba le Devleski “del jaraimos godoles kai chi zhanel” (Salmo 19:7; chito Santiago 1:5, NWT). Ai kana si amen bedi, o Jehova shai del amen pacha. Vi shai kerel te azhutin amen leske siervuria kana trobul amen.

TE MAI SIKIOS

Aida dikhas sar trobus te rhugis te avel drago le Devleske ai sar azhutil amen suako rhugimos.

4. Si uni prame kai trobus te keras te rhugis amen ka o Del

Kana ashunel o Del amaro rhugimos? Dikhen o VIDEO.

VIDEO: Ashunel o Del fersavo rhugimos? (kotororho) (2:42)

O Jehova kamel te rhugis amen numa leste. Chiton Salmo 65:2 ai den duma pa:

Pakias ke o Del kai ashunel amen kamel te rhugis tu leste? Sostar gindis godo?

Te kamasa te ashunel amen o Del, trobus te thas zor te trais sar phenel lesko zakono. Chiton Miqueas 3:4 ai 1 Pedro 3:12 [NWT], ai den duma pa:

Sar te zhanas chachimasa ke o Del ashunel amaro rhugimos?

Shai avela dui thema mangen katar o Del te nirin iek mundarimos. Numa pakias ke o Del shai del anglal ka lengo rhugimos?

5. Amaro rhugimos trobul te anklel anda o ilo

Si manush kai sikade len te na parhuven penge suaturia kana rhuginpe. Numa plachal le Devles te rhuginpe gadia? Chiton Mateo 6:7 [NWT] ai den duma pa:

So shai keras te na rhugis amen “suako data iek fialo”?

Shai rodes vareso shukar suako gies te naisis ka o Jehova? Te keresa gado iek kurko, si te rhugis tu pa 7 prame kai nai iek fialo.

Iek lasho dat kamel lesko shau te avel chacho lesa ai te putrel pesko ilo. Vi o Jehova kamel te anklel amaro rhugimos anda o ilo.

6. O rhugimos si vareso shukar kai del amen o Del

Sar shai del amen zor o rhugimos ai mai but kana dikhas ke pharo lo amaro traio? Dikhen o VIDEO.

VIDEO: O rhugimos azhutil amen te mai zhas angle (1:32)

E Biblia shinavel ke o rhugimos shai del amen e pacha e chachi. Chiton Filipenses 4:6, 7 [NWT] ai den duma pa:

Makar o rhugimos chi lasharel sa le bedi kai si amen, sar azhutil amen?
Pa save prame sas tuke drago te rhugis?

Zhanesas kako?

O suato amén kamel te phenel “gadia avela” vai “chaches”. De anda e vriama la Bibliaki phenelpe “amén” kana getol iek rhugimos (1 Crónicas 16:36).

7. Le vriama te rhugis

Univar sar si amen but prame te keras, bistras te rhugis. Sode de baro sas le Jesusoske o rhugimos? Chiton Mateo 14:23 [NWT] ai Marcos 1:35 [NWT], ai den duma pa: