LEHONA 09

Fakalatalata atu ki te Atua e Ala i te Tatalo

TᾹ

E iei he taimi i to olaga e ke manakomia ai he takitakiga? E iei ni au fehili tāua e ke fia iloa na tali ki ei? E ke manakomia ni fakamafanafanaga ma ni fakamalohiaga? E fia fakalatalata atu koe ki a Ieova? E fehoahoani te tatalo ki na vala uma ienei. Kae heā te auala hako e tatalo ai? Pe fakalogo mai te Atua ki na tatalo uma? Ko heā te mafai ona ke faia ke mautinoa ai e fakalogo te Atua ki tau tatalo? Tatou kikila.

1. Ko ai te tatau ki tatou ke tatalo atu ki ei, ma ni a ni mea e tatau ki tatou ke tatalo atu ai?

Na akoako ki tatou e Iesu, e tatau ki tatou ke tatalo atu ki tona tamana i te lagi. Na tatalo atu foki ia Iesu ki a Ieova. Na lea ve: “Ia faapea ona outou tatalo:” ‘Lo matou Tamā e o i le lagi. . . ’” (Mataio 6:9) Kafai ki tatou e tatalo atu ki a Ieova, ka mafai ke fakamalohia ai te tatou fakauōga ma ia.

E mafai ki tatou ke tatalo atu e fakatatau ki ho he matakupu. Kae ke talia e te Atua a tatou tatalo, e tatau ke tutuha a tatou tatalo ma tona finagalo. “Po o ā lava mea tatou te talosaga atu ai e tusa ma le [finagalo o le Atua], e faafofoga mai lava o ia iā i tatou.” (1 Ioane 5:14) Na fakailoa mai e Iesu ni ietahi mea tāua e manakomia ke fakaaofia i a tatou tatalo. (Faitau te Mataio 6:9-13.) E he gata ki tatou e tatalo atu i na mea e popole ai, kae na he puli foki ke fakafetai atu ki te Atua mo na mea kua ia faia mo ki tatou, ma talohaga atu mo tana fehoahoani ki ietahi tino.

2. E vefea ona tatalo ki tatou?

Kua fakamalohia ki tatou e te Atua “ia sasaa atu [i le Atua] mea o loo i o [tatou] loto.” (Salamo 62:8) Tona uiga ki tatou e tatau ke tatalo mai te loto. E mafai ki tatou ke tatalo leo lahi pe he leoa foki, i ho he taimi pe he koga. E he afāina foki te auala e tatalo atu ai, pe totuli, pe nofo, pe tu, ko te mea hili ona tāua, ko te fakaalia o te fakaaloalo kafai e tatalo atu ki a te ia.

3. E vefea ona tali mai te Atua ki a tatou tatalo?

E lahi na auala e tali mai ai ia. Kua haunia mai e Ieova tana Afioga te Tuhi Paia, kua mafai ke maua ai na tali ki a tatou fehili. Ko te faitau o te Afioga a te Atua “e atamai ai le tagata e leai se poto masani.” (Salamo 19:7; faitau te Iakopo 1:5.) E ia foki maia te filemu o te mafaufau i na taimi faigata. Ma e ia fakaaogā ana kaukauna ke fehoahoani mai kafai e ki tatou manakomia te fehoahoani.

HAKILIKILI ATILI

Iloilo pe vefea ona tatalo atu i he auala e fakafiafia ai te Atua, ma kikila pe vefea ona ke maua na aogā mai te tatalo.

4. E iei na fakatulagaga a te Atua mo na tatalo

E vefea ona ki tatou iloa e talia e te Atua a tatou tatalo? Fakaali te VITIŌ.

VITIŌ: E Fakalogo te Atua ki na Tatalo Uma?—Vitiō pukupuku (2:42)

E finagalo ia Ieova ki tatou ke tatalo atu ki a te ia. Faitau te Salamo 65:2, ma talanoa na fehili ienei:

Tau kikila e finagalo te “Faafofoga tatalo” ke tatalo atu koe ki a te ia? Aiheā?

E tatau ki tatou ke ola e tuha ai ma na tapulā a te Atua, kafai ki tatou e fofou ke fakalogo mai ia ki a tatou tatalo. Faitau te Mika 3:4 ma te 1 Peteru 3:12, ma talanoa te fehili tenei:

E vefea ona ki tatou mautinoa e fakafofoga mai ia Ieova ki a tatou tatalo?

I te taimi o te taua, e ono tatalo atu na kau e lua mo he manumalo. Tau kikila e talia e te Atua na tatalo venei?

5. E tatau ki tatou ke tatalo mai te loto

Ko ietahi tino kua akoako ke ako fakatauloto a latou tatalo. Kae pe ko te auala nei tenā e finagalo te Atua ke tatalo atu ai ki tatou ki a te ia? Faitau te Mataio 6:7, ma talanoa te fehili tenei:

E vefea ona kalofia te “tautū i upu masani” kafai e tatalo?

I na aho takitahi, he mea lelei te taumafai oi mafaufau ki he fakamanuiaga patino i to olaga, oi fakafetai ai ki a Ieova mo te na fakamanuiaga. Ko te fai venā i na aho takitahi o te vaiaho, kua mafai ai koe ke tatalo atu ki a Ieova i ni matakupu kehekehe e fitu, e aunoa ma te toe takua o te matakupu lava e fokotahi.

Ko he tamana alofa e fofou ko tana fanau ke talanoa ake ma te loto katoa. E venā foki ia Ieova, e fofou ko ki tatou ke talanoa ake mai o tatou loto katoa

6. Ko te tatalo ko he meaalofa mai te Atua

E vefea ona fehoahoani te tatalo ki a te ki tatou, kae maihe lava na taimi faigatā i o tatou olaga? Fakaali te VITIŌ.

VITIŌ: E Vefea Ona Fehoahoani te Tatalo ke Tumau ai i na Taimi Faigata (1:32)

Kua folafola mai e te Tuhi Paia, e mafai e te tatalo oi fehoahoani mai ki a te ki tatou ke maua te filemu o te mafaufau. Faitau te Filipi 4:6, 7, ma talanoa na fehili ienei:

E ui lava e he ko taimi uma e kavekehea ai e te tatalo o tatou fakafitauli, kae e vefea ona fehoahoani ki a te ki tatou?
Ni a ni ietahi mea e fia tatalo atu ai koe?

E ke iloa?

Ko te kupu “amene” e uiga atu ki te “ko tenā lava” pe ko te “e mautinoa.” Talu mai na taimi o te Tuhi Paia, ko te kupu “amene” e taku i te taimi e fakaiku ai te tatalo. —1 Nofoaiga a Tupu 16:36.

7. Fakaavanoa ho taimi ke tatalo ai

I na tahi taimi e puli ai ki tatou oi tatalo ona ko na mea e pihi ki tatou ki ei. Heā te tāua o te tatalo ki a Iesu? Faitau te Mataio 14:23 ma te Mareko 1:35, ma talanoa na fehili ienei:

Ko heā te na fai e Iesu ke maua ai he avanoa ke tatalo ai?
Heā na taimi e tatalo ai koe?

LEAMAI IETAHI TINO: “E maumau te taimi e tatalo ai auā e heai he tino e fakalogo mai.”

Heā to manatu?

OTOOTOGA

Ko te tatalo mai te loto e mafai ai ki tatou ke vavalalata atu ki te Atua, maua ai te filemu o te mafaufau, ma maua ai te malohi e manakomia ke fakafiafia ai ia Ieova.