ISOMO 09
Irra Haihi na Ruhanga Kurabira omu Kusaba
Haroho obw’oyehurra ngu n’oyetaaga obuhabuzi omu bwomeezi bwawe? N’ogonza kutunga eby’okugarukamu eby’ebikaguzo byawe ebikuru? Noyetaaga kuhumuzibwa rundi kugarurwamu amaani? Wakugondeze kwehurra ngu oyeyongiire kwirra haihi na Yahwe? Okusaba nikusobora kukukonyera omu bintu binu byona. Baitu mulingo ki oguhikire ogw’osemeriire kusabamu? Ruhanga ahurra esaara zoona? Kiki eky’osobora kukora kurora ngu yahurra esaara zaawe? Leka turole.
1. Noha outusemeriire kusaba, kandi nitusobora kusaba ki?
Yesu akegesa ngu tusemeriire kusaba hali Isiitwe ow’omu iguru wenka. Na Yesu wenyini akasaba hali Yahwe. Akagamba ati: “Nukwo musabege muti, Isitwe ali omu iguru . . . ” (Matayo 6:9) Obutusaba hali Yahwe tugumya obunywani bwaitu na uwe.
N’osobora kusabaho haihi buli kintu kyona. Baitu Ruhanga kusobora kugarukamu esaara zaitu zisemeriire kuba niziikiranganiza n’eby’agonza. “Obutusaba ekintu kyona [Ruhanga] nkokwagonza, atuhurra.” (1 Yohana 5:14) Yesu akatuha ebyokurorraho eby’ebintu ebitusemeriire kusaba. (Soma Matayo 6:9-13.) Oihireho kumusaba ebiturukwetaaga, tusemeriire n’okwijuka kusiima Ruhanga habw’ebintu eby’atukoliire, kandi n’okumusaba kukonyera abandi.
2. Tusemeriire kusaba tuta?
Baibuli n’etwekambisa ngu “musesege omutima gwanyu omu [maiso ga Ruhanga].” (Zabuli 62:8) Nahabweki esaara zaitu zisemeriire kuruga ha mutima. Nitusobora kusaba omu iraka erikuhulirwa rundi omu mutima, kandi nitusobora kusaba tutiize amaju, twemeriire, rundi twikaliire, baitu ekikuru nukwo kusaba hali Yahwe omu mulingo ogw’ekitiinisa. Nitusobora kusaba obwire bwona kandi n’omu kiikaro kyona.
3. Ruhanga agarukamu ata esaara zaitu?
Kinu akikora omu miringo nyingi erukwahukana. Yahwe atuhaire Ekigambo kye Baibuli, nambere tukira kusanga eby’okugarukamu eby’ebikaguzo byaitu. Kusoma Ekigambo kya Ruhanga nikisobora ‘kukwasa amagezi abadomadoma.’ (Zabuli 19:7; Soma Yakobo 1:5.) N’asobora kutuha obusinge omu biteekerezo obutuba nituraba omu bizibu. Kandi n’asobora kuleetera abaheereza be kutukonyera obutuba nitwetaaga obukonyezi.
YEGA EBIRUKUKIRAHO
Wetegereze nk’oku osobora kusaba omu mulingo ogurukusemeza Ruhanga, kandi n’omulingo okusaba kusobora kukugasira.
4. Ruhanga aine eby’arukutwetaagisa nukwo ahurre esaara zaitu
Bintu ki Ruhanga eby’asigikirraho kuhurra esaara zaitu rundi kuzanga? Mutekeho VIDIYO.
Yahwe n’agonza tusabe hali uwe. Musome Zabuli 65:2, hanyuma mubazeeho ebikaguzo binu:
-
Notekereza Ogu “anyakuhurra okusaba” n’agonza osabe hali uwe? Habwaki?
Tusemeriire kukorra ha misingi ya Ruhanga obuturaaba nitugonza ahurre esaara zaitu. Musome Mika 3:4 na 1 Petero 3:12, hanyuma mubazeeho ekikaguzo kinu:
-
Kiki ekitusemeriire kukora kurora ngu Yahwe y’ahuliiriza esaara zaitu?
Omu bwire bw’obulemu embaju zoona nizisobora kusaba kutunga obusinguzi. Notekereza ky’amagezi kunihira ngu Ruhanga naija kugarukamu esaara zinu?
5. Esaara zaitu zisemeriire kuruga ha mutima
Abantu abamu begesiibwe kwikara nibagarukamu ebigambo nibyo bimu omu saara zaabo. Baitu ogu nugwo omulingo Ruhanga arukugonza tumusabemu? Musome Matayo 6:7, hanyuma mubazeeho ekikaguzo kinu:
-
N’osobora ota kwerinda kusaba “endanda”?
Buli kiro, tekerezaaho omugisa gumu Yahwe ogw’akuhaire omu bwomeezi bwawe, kandi hanyuma omusiime habw’omugisa ogu. Hanyuma noija kwesanga ngu omu wiki emu, osabireho ebintu musanju ebirukwahukana otarukwegarukamu.
Taata omurungi agonza omwana we amubalize kuruga ha mutima. Nikyo kimu na Yahwe n’agonza tumusabe kuruga ha mutima
6. Okusaba kisembo kuruga hali Ruhanga
Kusaba nikusobora kuta kutugarramu amaani omu bwire oburungi hamu n’obubi? Mutekeho VIDIYO.
Baibuli n’eraganiza ngu kusaba nikusobora kukukonyera kutunga obusinge bwonyini omu biteekerezo. Musome Abafiripi 4:6, 7, hanyuma mubazeeho ebikaguzo binu:
-
Kusaba kutukonyera kuta n’obukiraaba ngu obwire obumu tikumaraho ebizibu byaitu?
-
Bintu ki ebimu ebiwakugondeze kusabaho?
Obaire okimanyire?
Ekigambo “amina” nikimanyisa ngu “nukwo kibe kiti.” Kurugira kimu omu busumi bwa kara ekigambo “amina” kyakozesebwaga ha kumalirra kw’esaara.—1 Ekyebyomubusinge 16:36.
7. Tungaga obwire obw’okusaba
Obwire obumu nitusobora kutunga bingi eby’okukora kandi tukeebwa n’okusaba. Okusaba kwali kukuru hali Yesu kwingana nkaha? Musome Matayo 14:23 na Marako 1:35, hanyuma mubazeeho ebikaguzo binu:
-
Kiki Yesu ekiyakozere kutunga obwire obw’okusaba?
-
Nidi obw’osobora kutunga obwire obw’okusaba?
ABANTU ABAMU BAGAMBA: “Kusaba kusiisa obwire kwonka habwokuba busaho arukuhurra esaara.”
-
Iwe abantu abo n’osobora kubagarukamu ota?
OYEGERE KI?
Kusaba okuruga ha mutima kutwiriza haihi na Ruhanga, kutuha obusinge omu bitekerezo, kandi kutuha amaani agaturukwetaaga kusemeza Yahwe.
Kweijukyamu
-
Tusemeriire kusaba hali oha?
-
Tusemeriire kusaba tuta?
-
Kusaba kutugasira omu miringo ki?
SERULIIRIZA
Tunga ebigarukwamu eby’ebikaguzo abantu bakira kwekaguza ha kusaba.
“Ebintu Musanju eby’Orukwetaaga Kumanya ha Kusaba” (Watchtower, eya Okitobba 1, 2010)
Manya ensonga enkuru habwaki osemeriire kusaba, kandi n’omulingo osobora kusemezaamu esaara zaawe.
“Habwaki Nsemeriire Kusaba?” (Ekicweka kinu kiri ha mukura)
Tekerezaaho Baibuli eky’eyegesa ekirukukwata hali ogu outusemeriire kusaba.
“Nsemeriire Kusaba Hali Abahikiriire?” (Ekicweka kinu kiri ha mukura)
Omu vidiyo enu ey’ekizina, wetegereze ekiikaro rundi obwire tusabiramu obubiraaba biri bikuru.
