LESSION 09

Prega a Dio e fà pi forte la to amicìssia con lu

SONAR

Te ghè belche infrontà un problema che te gavei bisogno de aiuto? Gheto domande che te volarissi saver le risposte? Gheto bisogno de consolo e aiuto? Te volarissi esser pi amigo de Dio? Pregar a Dio sora queste robe pol giutarte tanto. Ma quala che la ze la maniera giusta de pregar a Dio? Sarà che lu el ne scolta sempre che preghemo a lu? Cossa che te ghè de far par Dio scoltarte?

1. A chi che ghemo de pregar, e cossa che ghemo de parlar?

Gesù el preghea sol a so Pare nel cielo. Lu el ga dito che anca noantri ghemo de pregar sol al nostro Pare che l’è nel cielo. (Mateo 6:9) Quando preghemo a Geovà, deventemo pi amighi de lu.

Noantri podemo parlar con Dio sora tute le robe. Ma la Bìblia la dise che no importa cossa che ghe domandemo, de acordo cola so volontà, Dio el ne scolta. Alora ghemo de domandar sol quel che ghe piase a Dio. (1 Gioani 5:14) Gesù el ga parlà sora tante robe che podemo parlar a Dio. (Ledi Mateo 6:9-13.) Quando preghemo a Geovà, podemo parlar sora le nostre preocupassion, ma ghemo anca de ringrassiarlo e de domandar che el giute ai altri.

2. Come che ghemo de pregar a Dio?

La Bìblia la dise che ghemo de pregar a Dio de tuto el nostro cuor. (Salmo 62:8) Alora, ghemo de parlar tuto quel che sentimo e pensemo. Podemo pregar in voce alta o sol in pensamento, e in tuti i posti. Podemo pregar in pié, sentadi do o indenociadi, ma sempre con rispeto.

3. Come che Dio el ne risponde quando preghemo a lu?

Geovà el pol risponderne de arquante maniere. Par esémpio, lu el pol doperar la Bìblia par risponder le nostre domande e par giutarne a far bone dessision. (Salmo 19:7; ledi Tiago 1:5.) Geovà el pol anca giutarne a restar pi tranquili quando infrontemo problemi. Lu el pol anca doperar una persona che la ze so amiga par giutarne.

IMPARA DE PI!

Cossa che ancora te pol far par Dio scoltar quando te preghi a lu? Come che pregar a Dio pol giutarte?

4. Cossa che ghemo de far par Dio scoltarne quando preghemo?

Cossa che ghemo de far par Dio scoltarne? Vardé el VÌDEO.

VÌDEO: Dio el scolta tute le orassion? — Parte (2:42)

Geovà el vol che preghemo a lu. Ledé Salmo 65:2, e dopo, parlé sora questo:

Te pensi che Dio el vol che ti te preghi a lu? Parché che te pensi cossita?

Dio el ndarà scoltarne se femo quel che lu el dise che l’è giusto. Ledé Michea 3:4 e 1 Piero 3:12, e dopo, parlé sora questo:

Cossa che ghemo de far par esser sicuri che Geovà el ndarà scoltarne?

Quando sucede una guera, tuti due esèrsiti i domanda aiuto a Dio. Pénsito che Dio el ndarà risponderghe?

5. Quando preghemo, ghemo de parlar sora quel che sentimo e quel che pensemo

Arquante persone le ga imparà a pregar a Dio doperando sempre le medèsime parole e una volta drio man. Ma sarà che ghe piase a Dio che femo cossita? Ledé Mateo 6:7, e dopo, parlé sora questo:

Cossa che te pol far par no doperar sempre le medèsime parole una volta drio man?

Proa pensar tuti giorni nte una roba bona che Dio el te ga dato e ringràssia a lu. Cossita, nte una stimana, te ndarè ringrassiar a Dio sete robe difarente sensa parlar le medèsime robe.

Un pare el ghe piase quando el so fiol el parla quel che el sente e quel che el pensa. Anca Geovà el ghe piase che femo questo quando preghemo.

6. Parlar con Dio l’è una roba tanto spessial

Come che pregar a Dio pol giutarne a infrontar bruti colpi nela vita? Vardé el VÌDEO.

VÌDEO: Pregar a Dio giuta a infrontar dificoltà (1:32)

La Bìblia la dise che quando preghemo a Dio, lu el pol giutarne a restar tranquili. Ledé Filipensi 4:6, 7, e dopo, parlé sora questo:

Pregar a Dio no vol dir che no gavaremo pi i nostri problemi. Ma parché che pregar a Dio ndarà giutarne?
Sora che robe te piaseria parlar a Dio?

Seto questo?

La parola “Amen” la vol dir “cossì sia” o “sicuro”. Quando i ga scrito la Bìblia, le persone belche le doperea la parola “Amen” nel fin dele orassion. — 1 Cróniche 16:36.

7. Te ghè de torte tempo par pregar a Geovà

Dele volte, ghemo tanti laori de far e se desmenteghemo de pregar a Dio. Sarà che questo sucedea con Gesù? Ledé Mateo 14:23 e Marco 1:35, e dopo, parlé sora questo: