TIMIRTTE 09
Xoossaara Dabbotaa Minttanawu Woosay Nena Maaddees
Ne deˈuwan neessi kaaletoy koshshees gaada qoppay? Metoy qaarettanaadan nena maaddiyaabaa koyay? Minttettiyaabi neessi koshshii? Yihoowaara dabbotaa minttanawu koyay? Ha ubbabatun woosay nena maaddana danddayees. SHin waati woossana bessii? Xoossay woosa ubbaa siyii? I ne woosaa siyanaadan ay oottana danddayay? Ane beˈoos.
1. Nuuni oona woossana koshshii, qassi nu woossana danddayiyoobay aybee?
Nuuni saluwan deˈiya nu Aawaa xallaa woossana koshshiyoogaa Yesuusi tamaarissiis. Yesuusikka Yihoowa woossiis. I hagaadan giis: “Intte hagaadan yaagidi, Xoossaa woossite; ‘Saluwan de7iya nu Aawau, . . . ’” (Maatiyoosa 6:9) Nuuni Yihoowa woossiyo wode, aara dabbotido dabbotay minni minni bees.
Nuuni woossiyo wode, Xoossaa sheniyaara maayiyaaba aybanne oychchana danddayoos. Yaatikko, Yihooway nu woosaa zaarana. Geeshsha Maxaafay, “Xoossai koyiyoogaadan, ainne nuuni a woossikko, i [siyees]” yaagees. (1 Yohaannisa 5:14) Nuuni oychchana bessiya issi issibaa Yesuusi yootiis. (Maatiyoosa 6:9-13 nabbaba.) Nuna qofissiyaabaa woossana koshshiyoogee qoncce, shin Xoossay nuussi oottidobawu galatiyoogaanne I harata maaddanaadan woossiyoogaakka dogana koshshenna.
2. Nuuni waati woossana koshshii?
Geeshsha Maxaafay “GODAA sinttan [nu] wozanaa haattaadan” gussanaadan nuna zorees. (Ermmaasa Zilaassaa 2:19) Yaatiyo gishshawu, nuuni wozanappe woossana koshshees. Cenggurssaa sissiiddi woy sissennan, qassi bonchcho bessiya ayba hanotankka woossana danddayoos. Nuuni awudekka, qassi awankka woossana danddayoos.
3. Xoossay nu woosaa waati zaarii?
I dumma dumma ogiyan zaarees. Yihooway ba Qaalaa Geeshsha Maxaafaa nuussi immiis; he maxaafay darotoo nu oyshaa zaarees. Xoossaa Qaalaa nabbabiyoogee “akeekai paccidoogeetussi eratettaa immees.” (Mazamure 19:7; Yaaqooba 1:5 nabbaba.) Nuna metoy gakkiyo wode, I woppissana danddayees. Qassi nuussi maadoy tumuppe koshshiyo wode maaddanawu ba ashkkarata denttettana danddayees.
LOYTTA AKEEKA
Xoossaa ufayssiya ogiyan waata woossana danddayiyaakko, qassi woosay nena waati maaddana danddayiyaakko akeeka.
4. Woosaara gayttidaagan Xoossay koyiyoobaa
Nu woosaa Xoossay siyanaadan woy siyennaadan oottiyaabati aybee? BIIDUWAA beˈite.
Yihooway nuuni A woossanaadan koyees. Mazamure 65:2 nabbabite; yaatidi ha oyshata tobbite:
-
‘Woosaa siyiyaagee’ neeni A woossanaadan koyees gaada qoppay? Aybissi?
Nuuni Xoossay nu woosaa siyanaadan koyikko, I kessido maaraadan deˈanawu baaxetana bessees. Mikiyaasa 3:4nne 1 PHeexiroosa 3:12 nabbabite; yaatidi ha oyshaa tobbite:
-
Yihooway nu woosaa siyanaagaa waani ammanettana danddayiyoo?
Olaa wode olettiya naaˈˈu citaykka xoonanawu woossana danddayees. Xoossay he woosaa siyana gaada qoppay?
5. Nu wozanaabaa qonccissidi woossana koshshees
Issi issi asay zaari zaaridi issi mala woosaa woossiyoogaa tamaariis. SHin Xoossay nuuni A hegaadan woossanaadan koyii? Maatiyoosa 6:7 nabbabite; yaatidi ha oyshaa tobbite:
-
Neeni woossiyo wode, ‘mela biddennaadan woy zaara zaarada issi malabaa woossennaadan’ waatana danddayay?
Yihoowa galatana koshshiyo issibaa galla galla qoppa. Saaminttan ubba galla hegaadan ootta; neeni yaatikko giidobaa zaarettennan laappunbata xeelliyaagan woossana.
Loˈˈo aaway ba naˈay ba wozanaabaa yootanaadan koyees. Hegaadankka, Yihooway nuuni nu wozanaabaa qonccissidi woossanaadan koyees
6. Woosay Xoossaa imota
Metoy gakkiyo wodiyan woosay nuna waati maaddana danddayii? BIIDUWAA beˈite.
Nuuni woppu gaanaadan woosay maaddana danddayiyoogaa Geeshsha Maxaafay yootees. Piliphphisiyuusa 4:6, 7 nabbabite; yaatidi ha oyshata tobbite:
-
Woosay nu metuwaa ubbatoo qaarana xayikkonne, waati maaddii?
-
Neeni woossanawu koyiyo amaridabati aybee?
Hagaa eray?
“Aminˈˈi” giyo qaalaa birshshettay “hegaadan hano” woy “tuma” giyoogaa. Beniisappe doommidi, woosaa wurssettan “aminˈˈi” geetettees.—1 Hanidabaa Odiya 16:36.
7. Woosaa woossiyoogaa dogoppa
Nuuni issi issitoo oosuwan sheekkidi woosaa woossiyoogaa dogana danddayoos. Yesuusi woosaa woossiyoogaa ay keena nashshii? Maatiyoosa 14:23nne Marqqoosa 1:35 nabbabite; yaatidi ha oyshata tobbite:
-
Yesuusi woosawu wodiyaa bazzanawu ay oottidee?
-
Neeni awude woossana danddayay?
ISSI ISSI ASAY HAGAADAN GEES: “Xoossay woossin elle zaarenna.”
-
Ne woyguutii?
AY AKEEKADII?
Nuuni wozanappe woossikko, Xoossaara dabbotaa minttoos, woppu goosinne Yihoowa ufayssanawu koshshiya wolqqaa demmoos.
Zaaretuwaa
-
Nuuni oona woossana koshshii?
-
Nuuni waati woossana koshshii?
-
Woossiyoogee maaddiyoobaappe amaridabati aybee?
PILGGA
Woosaa xeelliyaagan daro asay oychchiyo oyshatu zaaruwaa beˈa.
“Woosaa Xeelliyaagan Neeni Erana Koshshiya Ichchashubata” (Wochchiyo Keelaa, Hidaare 1, 2010)
Neeni ayssi woossana koshshiyaakko, qassi waata loytta woossanaakko akeeka.
“Taani Woossana Koshshiyoy Aybissee?” (Nu websaytiyan deˈiyaaba)
Nuuni oona woossana koshshiyaakko Geeshsha Maxaafay yootiyoobaa akeeka.
“Taani Geeshshata Woossana Koshshii?” (Nu websaytiyan deˈiyaaba)
Nuuni woossiyo wodee woy sohoy dummatetta medhdhiyaakkonne biiduwan giigida ha muuziqaappe akeeka.
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
