დუდ 09

ლოცვაშ საშვალებათ დეახლოვ ღორონთის

რჩქილა

დღას ქოიგინაფნანო, ნამდა ცხოვრებას ხემძღვანელობა გოსაჭირნა? გიღნანო თიცალ მნიშვნელოვან კითხვეფ, მუდგაშ პასუხ გოინტერესნა? გოსაჭირნანო გურიშ ექექაფა ვარდა სიმშვიდე? ქუგოკონანო, იეჰოვაწკუმა უმოს ხოლოს რდათ? ლოცვას შეულებ მიგეხვარან არძა თე საჭიროებაშ დაკმაყოფილებას. მარა მუჭო შემლებნა იბლოცათ? ირჩქილენო ღორონთ არძა ლოცვას? მუჭო შეილებნა დერწმუნათ, ნამდა თინა მირჩქილუანს თქვან ლოცვეფს? მორთ ქობძირათ თე კითხვეფიშ პასუხეფ.

1. მის ოკო მიმაფრთათ ლოცვათ დო მუშ გურშენ შემლებნა იბლოცათ?

იესოქ მოგურეს, ნამდა ხვალე ჩქინ ზეციერ მუმას ოკო მიმაფრთათ ლოცვათ. იესო ხოლო იეჰოვას მიმართენდჷ ლოცვათ. თიქ თქუ: «თაშ ილოცით: „ჩქინ ზეციერ მუმა“» (მათე 6:9). მუჟამსით იეჰოვას ლოცვათ მიმაფრთენთ, თიწკუმა ჩქინ მეგობრულ ურთიერთობას უმოსო ვამანგარენთ.

ჩქი შემლებნა ნებისმიერ საკითხშე იბლოცათ. მარა ღორონთიქ ჩქინ ლოცვეფს ქუპასუხასინ, თინეფ მუშ ნებაწკუმა ოკო რდას შეთანხმებულ. „მუდგა ვა ფთხუათინ, თიშ ნებას ქათანხმუნ-და, თინა [ღორონთ] მირჩქილენა“ (1 იოანე 5:14). იესოქ მაგალით დომტუეს, მუშ გურშენ შემლებნა იბლოცათ (წეკითხით მათეშ 6:9—13). თეს გეძინელ, მუჟამსით ჩქინ პირად ოწუხებელშე ბლოცულენთ, ოკო ვაგმოჭყორდან, ღორონთშა მადლობაშ რაგადიქ თი ირფელშენ, მუდგას ჩქინო ორთჷ დო თიშ თხუალაქ, შხვეფს ხოლო ქიმეხვარას.

2. მუჭო ოკო იბლოცათ?

ბიბლია ელამჩანა „ალალას [ვეჩუათ] თის [ღორონთის] ირფელ“ (ფსალმუნი 62:8). თაშ ნამდა, ლოცვაშ დროს გურ ოკო გოვუნწყათ ღორონთის დო ალალას ქივეჩუათ ირფელ. ჩქი შემლებნა ხონარმაღალო ვარდა გურს იბლოცათ. ლოცვაშ დროს, ვა უღჷ მნიშვნელობა გივორეთ დოვარ გივოხეთ, ჩქინ მდგომარეობაშე ოკო იძირედას, ნამდა პატიცემას გიმოფხანტუნთ. შემლებნა იბლოცათ ნებისმიერ დროს დო ნებისმიერ ადგილშე.

3. მუჭო პასუხენს იეჰოვა ჩქინ ლოცვეფს?

იეჰოვა თეს შხვადოშხვა საშვალებათ ორთჷ. თიქ მუშ სიტყვა, ბიბლია, მუჩეს, სოვრეშეთ ხშირას თი კითხვეფშე პასუხეფს ბგებულენთ, ნამუთ მოინტერესნა. ღორონთიშ სიტყვაშ კითხირს შეულებ „ბრძენო გინაშქვას თინეფ, მიდგას გამოცდილება ვა უღჷ“ (ფსალმუნი 19:7; წეკითხით იაკობიშ 1:5). მუჟამსით სირთულეეფ მიღნა ღორონთის შეულებ, მუჩან შინაგან სიმშვიდე. თეს გეძინელ, თის შეულებ გიმირინუას მუშ მსახურეფ, ნამდა მიმეხვარან, მუჟამსით თენა მოსაჭირნა.

ქიგეგით უმოს

ქიგეგით, მუჭო შეილებნა ალალას ლოცვა, ნამუთ ოსიამოვნ ღორონთის. თეს გეძინელ, ქოძირით, მუჭო შეულებ ლოცვას მოიღან ჯგირობუა.

4. ღორონთ მოგებაფუანა, მუჭო ოკო იბლოცათ

მუ განსაზღვრენს, ქიმირჩქილუანს დო ვარ ღორონთ ჩქინ ლოცვეფს? ქოძირით ვიდეო.

ვიდეო: „არძანერ ლოცვას ურჩქილენო ღორონთ?“— ნაწყვეტ (2:42)

იეჰოვას ოკო, ლოცვათ თის მიმაფრთათ. წეკითხით ფსალმუნიშ 65:2 დო უკულ გარჩით თუდო მოჩამილ კითხვა:

მუჭო ფიქრენქ, ქაკონო „ლოცვეფიშ მარჩქილეს“, ლოცვათ თის მიმართე დო მუშენ ფიქრენთ თაშ?

ქუმოკონა ღორონთიქ ჩქინ ლოცვეფ ქიმირჩქილუას-და, ირნერო ოკო ვეცადათ, იფცხოვრათ თიშ ნორმეფით. წეკითხით მიქაშ 3:4 დო 1 პეტრეშ 3:12 დო უკულ გარჩით თუდო მოჩამილ კითხვა:

მუჭო შემლებნა დებრწმუნათ, ნამდა იეჰოვა მირჩქილუანს ჩქინ ლოცვეფს?

ჩხუპიშ დროს შილებე ჟირხოლო მხარე ღორონთის ლოცვას თხინდას მოგებას. ქორენო გონივრულ თინეფ ელდან, ნამდა ღორონთ უპასუხენს თეცალ ლოცვას?

5. ჩქინ ლოცვეფ გურშე ოკო მიშას

ნამთინეს ოგურუეს, ნამდა ლოცვეფს ირო ართ დო იგივე სიტყვეფ ოკო იმეორას. მარა ქაკონო ღორონთის თეცალ ლოცვა? წეკითხით მათეშ 6:7 დო უკულ გარჩით თუდო მოჩამილ კითხვა:

მუჭო შეილებნა დუდ აურიდათ „ლოცვაშ დროს ირო ართ დო იგივეშ“ გამეორებას?

შეილებნა ირ დღას დეფიქრათ ართ კონკრეტულ კურთხევაშე, ნამუთ იეჰოვაქ მერჩეს დო მადლობა ქუწუათ თეშ გურშენ. მარაშ დინახალე ირ დღას თაშ ქიმიქციებუთ-და, ირო ართ დო იგივეს ვეგიმეორენთ დო შქვით შხვადოშხვა საკითხშე გაჸინა ლოცვა რაგადებულ.

მოჸოროფე მუმას ოკო, მუშ ბაღანაქ ალალას ქეჩუას მუშ გრძნობეფიშ გურშენ. თეშნერო, იეჰოვას ხოლო სურვილ უღჷ, ლოცვას გურ გოვუნწყათ თის

6. ლოცვა ძღვინ რე ღორონთშე

მუჭო შეულებ ლოცვას მუჩან ძალეფ, განსაკუთრებულო თიმწკუმა, მუჟამსით ცხოვრებას რთულ პერიოდ მიღნა? ქოძირით ვიდეო.

ვიდეო: „ლოცვა მოხვარნა, მივერუათ რთულ სიტუაციეფს“ (1:32)

ბიბლია მოპირნა, ნამდა ლოცვა ქომჩანა ნამდვილ შინაგან სიმშვიდეს. წეკითხით ფილიპელეფიშ 4:6, 7 დო უკულ გარჩით თუდო მოჩამილ კითხვეფ:

მართალ რე, ლოცვაშ უკულ შილებე ირიათო ვემიგვარინას პრობლემეფქ, მარა მუჭო მოხვარნა თინა?
მუ რე თი ნამთინე საკითხ, მუდგაშ გურშენ გოკონა ილოცათ?

ქოიჩქუდესო?

სიტყვა „ამინ“ ნიშნენს „რდას თაშ“. ჯვეშო მახორუ ღორონთიშ მსახურეფ „ამინს“ ლოცვაშ ბოლოს იჩიებდეს (1 მატიანე 16:36).

7. დრო გეგმურთით ლოცვას

მინშა შილებე თიცალ დაკავებულეფ ვორეთ, ნამდა მოჭყორდუნა ლოცვა. მუსხით მნიშვნელოვან რდუ ლოცვა იესოშო? წეკითხით მათეშ 14:23 დო მარკოზიშ 1:35 დო უკულ გარჩით თუდო მოჩამილ კითხვეფ:

მუ აკეთ იესოქ, ნამდა დრო გეგმურთუკო ლოცვას?
თქვა მუ დროს შეილებნა ილოცათ?

ნამთინექ შილებე თქუას: „ლოცვა უბრალოთ მამშვიდენა, ვარა მეტ მუთუნ ჯგირობუა ვა მოუღ“.

მუს უპასუხენდით?

დასკვნა

მთელ გურით რაგადებულ ლოცვეფ, მაახლოვენა ჩქინ ღორონთწკუმა, მარზენა შინაგან სიმშვიდეს დო თეწკუმა ართო ძალას, მუთ მოხვარნა, ვასიამოვნათ იეჰოვას.

გამეორებელ კითხვეფ

მის ოკო მიმაფრთათ ლოცვათ?
მუჭო ოკო იბლოცათ?
მუ რე თი ნამთინე ჯგირობუა, მუთ ლოცვას მოუღ?

თე დუდიშ თებაშ თარიღ

მიზან

ქილოცით თი საკითხშე, მუთ გაწუხენა, მუდგაშ გურშენ იეჰოვაშ მარდულ რეთ დო თეწკუმა ართო ქილოცით შხვეფიშ გურშენ.

შხვა მიზან:

დამატებით მასალა

ქოძირით ნამთინე კითხვეფიშ პასუხეფ, ნამუთ ხალხის ლოცვაშ გურშენ ოინტერეს.

„შქვით მუდგარენ, მუთ ლოცვაშ გურშენ ოკო გიჩქუდან“ („გინაჯინალ კოშკი“ 1 ოქტომბერი, 2010 წ.)

ქიგეგით მნიშვნელოვან მიზეზეფ, მუშენ ოკო ილოცათ დო მუჭო შეილებნა გაუჯგუშათ თქვან ლოცვეფ.

„მუშენ ოკო იბლოცე?“(ვებ მასალა)

ქობძირათ, მუს იჩიებ ბიბლია, მის ოკო მიმაფრთათ ლოცვათ?

„ოკო მიმაფრთენიო წმინდანეფს ლოცვათ?“ (ვებ მასალა)

ყურადღება ქიმიაქცით, მუჭოთ თე მუსიკალურ ვიდეოკლიპის რე ძირაფილ, ქუღუნ დო ვარ მნიშვნელობა სო ვარდა მუჟამ ბლოცულენთ.

„ირიათო ილოც“ (1:22)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარადიულო გეხარით ცხოვრებათ! — ქიგეგით, მუს ოგურუანს ბიბლია