ZƐŊ-LƐƐI 09
Lɛɣɛ A Ɣala Ɣala-fɛliɛ Su
Ya ta wɔlɔ kɛ ŋwɛlii a kpɔŋ maa ikɛ-ɣeniɛi su? Mare-kɛɛ mɛni-kpanaŋɔɔ-ŋa kaa ikili-ŋa nyii ya ŋwɛlii I disukulai kɔlɔŋ? Ya ŋwɛlii a ŋaa-nɛnɛ kpaa fɔrɔ-woo? Ya ŋwɛlii I lɛɣɛ a Ziova? Ɣala-fɛliɛ a kpɔŋ maa tɛɛ ipɔ mɛni-ŋai ti kelee su. Kɛɛ ya pɔri Ɣala fɛlii leŋ a nɛlɛɛ? Ɣala a ŋoli tɔɔ Ɣala fɛli-woo kelee ma? Le ɓe maa nɛ̃ɛi I gɛ a gɛɛ Ɣala e ifɛli-woo mɛni? Kwaa naa gaa.
1. Gbɛɛ ɓe maa nɛ̃ɛi ku vɛlii, nyaŋ le ɓe kwa pɔri vɛlii mɛni ma?
Zisɛ e mo a gɛɛ kuɣala-taa Naŋ nɔ ɓe maa nɛ̃ɛi ku vɛli. Zisɛ nyaa maŋ e Ziova fɛli. E mo nyɛɛi: “Mɛni ma, ka Ɣala fɛli a bere sii ŋi. ‘Kunaŋ gaa ŋele sui . . . ’” (Maafiu 6:9) Kwa Ziova fɛli, kwa kulaoi-laai su kpanaŋ a nyaa.
Kwa pɔri Ɣala fɛlii e pilaŋ mɛni kelee ta ma kukɛ-ɣeniɛi su. Kɛɛ a gɛɛ Ɣala e kufɛli-woo mɛni, maa nɛ̃ɛi ku vɛli mɛni kelee ma nyii gaa a nĩa-mɛni. “Kwa sɛŋ kelee da fɛli [Ɣala] ma yɛɛ berei nĩa-mɛnii kaa lai, a kuwoo mɛni.” (1 Zɔŋ 5:14) Zisɛ e mɛni-kɔɔŋ-maa-ŋa lɛ e pilaŋ mɛni-ŋai dia kwa pɔri Ɣala fɛlii mɛni mai. (Maafiu 6:9-13 [NWT] lono.) E tee Ɣala-fɛliɛ ma kukpɔɔi mɛni ma, kufe nĩa a gɛɛ ku Ɣala sɛɣɛi fe mɛni-ŋai kelee aa gɛ kuɛi mɛni ma, ku vɛli a gɛɛ e kpɔŋ maa tɛɛ nua takpɛni-ŋa pɔ.
2. Kwa pɔri Ɣala fɛlii leŋ?
Ŋala-kɔlɔi a ku fɔrɔi a gɛɛ ‘ku kumɛni kpɔlui kelee maa mɛni ɓo [Ɣala] ma.’ (Ŋule-wooi 62:8) Mɛni ma, maa nɛ̃ɛi kuɣala fɛli-wooi e kula kulii su. Kwa pɔri Ɣala fɛlii a kuwoo tɛɛ ɣelei kpaa kulii su da pere sii kelee nyii pai ɓaa-kɛ-maa tɛɛi bɔ. Kwa pɔri Ɣala fɛlii a tãi kelee da ɓɛi kelee kukaa naai.
3. Ɣala a kufɛli-woo su too leŋ?
A gɛ ti a pere sii takpɛni-ŋa. Ziova aa Ŋɔwooi, Ŋala-kɔlɔi tɛɛ kupɔ, ɓɛi kwa pɔri kumare-kɛɛ-ŋai sukulai kaai naai. Ŋala-kɔlɔi lonoɔ “a kili-ŋa pono tɛɛ diai pɔ dikili ŋa tɛiɣɛɛi.” (Ŋule-wooi 19:7; ye Zĩi 1:5 lono.) A lii-see tɛɛ kupɔ kwa kɛ tɛɛi mɛni-kpɔlu-ŋa su. Nyaŋ a vɛli-ɓela lii kula a gɛɛ di kpɔŋ maa tɛɛ kupɔ.
MƐNI TAMAA MAA-KƆRI
Berei kaa ya pɔri Ɣala fɛlii la a ilii kelee a gɛɛ e nii nɛ̃ɛ da mɛni lɛlɛɛi ɣala-fɛliɛ a gɛ yɛi.
4. Maa nɛ̃ɛi ku mɛni taŋa kɛ a gɛɛ Ɣala e kufɛli-woo mɛni
Le mɛni-ŋa ɓe a gɛ Ɣala e ŋoli tɔɔ kufɛli-woo ma kpaa ve ŋoli tɔɔ mai? VILOI su kaa.
Ziova a ŋwɛlii a gɛɛ ku vɛli. Ŋule-wooi 65:2 lono, gɛ ni ka lono e pilaŋ mare-kɛɛ-ŋai ŋi dia:
-
I laai la Ŋalai nyii a “nua diɣala-fɛli-woo su tooi,” a ŋwɛlii a gɛɛ I vɛli? Le mɛni ma?
Maa nɛ̃ɛi ku kɔ a gɛɛ ku Ɣala ŋɔtɔŋ-ŋai mɛi kaa a kɛ kwa ŋwɛlii e kuɣala-fɛli-wooi su too. Maka 3:4 da 1 Pitɛ 3:12 lono, gɛ ni ka lono e pilaŋ mare-kɛɛ ŋi ma:
-
Le ɓe kwa pɔri gɛi a gɛɛ Ziova e ŋoli tɔɔ kuɣala-fɛli-woo-ŋai dia?
Gɔ kɔ-ɓela kpulu feerɛi da Ɣala fɛlii a gɛɛ di dikpɔara-ɓela paa. I laai la Ɣala a nyee see Ɣala fɛli-woo-ŋa kɛɛ ŋi mu?
5. Maa nɛ̃ɛi kuɣala-fɛli-woo-ŋai di kula kulii su
Nua taŋa da Ɣala fɛli a woo sii tɔnɔ nyii di maa-kɔri kpaa di nɛ diai. Kɛɛ I laai la bere ɓe Ɣala a ŋwɛlii a gɛɛ ku vɛli la? Maafiu 6:7 lono, gɛ ni ka lono e pilaŋ mare-kɛɛ ŋi ma:
-
Le ɓe ya pɔri gɛi a gɛɛ ife kɛ “woo folo-ŋa” ɓoi Iɣala-fɛliɛ su?
Ikili-ŋa sia a ɣele kelee e pilaŋ mɛni lɛlɛɛ-ŋai Ziova aa gɛ yɛɛi dia, I zɛɣɛi fe dimɛni ma. A kɛ ya vɛli mɛni lɛlɛɛ tɔnɔ ma a ɣele kelee lɔɔ-kuu tɔnɔ su, gɛ ni ya pai pɔrii Ɣala fɛlii mɛni-ŋuŋ lɔɔlu-mɛi feerɛ ma. Bere sii ŋi su, ife pai kɛi woo folo-ŋa ɓoi.
Naŋ-nuu lɛlɛɛ a ŋwɛli a gɛɛ noŋ e nii su mɛni-ŋa ɓo ma. Bere sii tɔnɔi ti su, Ziova a ŋwɛlii a gɛɛ ku vɛli e kula kulii su
6. Ɣala-fɛliɛ kaa a ɓɛlɛ-see nyii kula Ɣala yeei
Ɣala-fɛliɛ a pɔri kukponoi kpanani leŋ mɛni lɛlɛɛ da nyɔmɔɔ su? VILOI su kaa.
Ŋala-kɔlɔi e mo a gɛɛ ɣala-fɛliɛ a pɔri kpɔnii kua a gɛɛ ku lii-see kpɔɔi sɔlɔ ɓo. Felepiɛŋ 4:6, 7 lono, gɛ ni ka lono e pilaŋ mare-kɛɛ-ŋai ŋi dia:
-
Berei maŋ ɣala-fɛliɛ fa kumɛni-kpɔlu-ŋai kula la kuŋua a tãi kelee, a kpɔŋ leŋ kua?
-
Le ɓa mɛni-ŋai taŋa ya pai ŋwɛlii I Ɣala fɛli e pilaŋ dia?
I mɛnii kɔlɔŋ?
“E kɛ ti” sukulai ɓa “bere ɓe gaa la” kpaa “bere ɓe e kɛ la.” Nua da wɔlɔ tua tii kɛi a ŋooi “e kɛ ti” diɣala fɛli-wooi kpɛɛ-ŋa e siɣe Eezuɛ-ŋai ditãi ma.—1 Kɔlɔnikɔ 16:36.
7. Tãi see Ɣala fɛli mɛni ma
Tãi taŋa kwa pɔri nɛɛi naa tii tamaa e gɛ ku nĩa Ɣala fɛli mɛni ma. Zisɛ e ɣala-fɛliɛ siɣe leŋ a gbanaŋɔɔ? Maafiu 14:23 da Maki 1:35 lono, gɛ ni ka lono e pilaŋ mare-kɛɛ-ŋai ŋi dia:
-
Le ɓe Zisɛ e gɛ a gɛɛ e tãi see Ɣala fɛli mɛni ma?
-
Tãi kɛɛ leŋ ɓe ya pɔri ziɣei a gɛɛ I Ɣala fɛli?
NUA TAŊA DA MO DIYƐƐI: “Ɣala-fɛliɛ kaa nɔ kpɛni-kpɛni, kpɛni fei nuu ta fa ŋoli tɔɔ ya.”
-
Ya maŋ yɛɛ le?
MƐNI-ŊUŊ-ŊAI YAA MAA-KƆRII
Kwa Ɣala fɛli a kulii kelee, a ku lɛɣɛ a Ɣala, e lii-see tɛɛ kupɔ, nyaŋ a kponoi kpanaŋ tɛɛ kupɔ a gɛɛ ku Ziova nĩa-mɛni kɛ.
Gili-too-ŋa mare-kɛɛ-ŋai
-
Gbɛɛ ɓe maa nɛ̃ɛi ku vɛlii?
-
Kwa pɔri Ɣala fɛlii leŋ?
-
Mɛni lɛlɛɛ-ŋai ɣala-fɛliɛ a gɛ kuɛi, taŋa ɓa le?
MƐNI TAKPƐNI-ŊA MAA-KƆRI
Mare-kɛɛ tamaa sukulai kaa e pilaŋ ɣala-fɛliɛ ma.
“Mɛni-ŋuŋ Lɔɔlu-mɛi-feerɛ Nyii Maa Nɛ̃ɛi I Gɔlɔŋ E Pilaŋ Ɣala-fɛliɛ Mai” (Nyeŋkeŋ, Ŋweei 1, 2010)
Mɛni maa-kɔri e pilaŋ mɛni-ŋuŋ-ŋai dia ya pɔri Ɣala fɛlii mɛni mai da berei ya pɔri iɣala-fɛli perei maa tɛi la a nɛlɛɛ.
“Le Mɛni Ɓe Maa Nɛ̃ɛi Ŋa Ɣala Fɛli Lai?” (Zɛŋ-lɛɛi ŋi kaa jw.org fãai ŋa)
Mɛnii kaa Ŋala-kɔlɔi e mo e pilaŋ Ŋalai maa nɛ̃ɛi ku vɛlii ma.
“Maa Nɛ̃ɛi Ŋa Ŋala-ɓela Kpayakpayai Daa Saai Fɛli?” (Zɛŋ-lɛɛi ŋi kaa jw.org fãai ŋa)
Ŋule-woo viloi ŋi su, gaa a kɛ ɓɛi da tãi kwa Ɣala fɛli lai, ɓa mɛni kpanaŋ.