LECCIÓN 09

Oración rzua lueʼ gago lhen Dios

BZENAGA LEN DIDZA

A rhekelho balania rkinhelho nó koʼo lueʼ toneza. A dia ta rnabelo kuinloʼ ta benebata nó rhochhiʼ. A rkinelho nó yospanlachhiʼ o yiyoexhen lueʼ. A rheenhelo sualho másrhe gago lhen Jeobá. Oración wegon lueʼ yodarhi na gápalho derha taní. Nákaʼ rhala gonloʼ oración. A rzenaga Dios yogothe oración. Bi waka gonloʼ na Dios gzenagueʼ oración gonloʼ. Ni uyorha.

1. Nonoʼ rhala gledzarha. Bi waka inabarha lo oración kierha

Jesús bseedieneʼ zelhozi rhala gledzarha Xhosrha zue yiba. Leʼ kuinseʼ bledzeʼ Jeobá. Tzania gneʼ: «Leʼn, kni rhala gonle oración: «Xhozitoʼ zualho yaweyiba...»» (Mateo 6:9). Katiʼ rledzarha Jeobá rzuarha másrhe gago lhen leʼ.

Lo oración kierha waka ktzalajrha ki bitheze ta rheenerha. Sanlhe cheʼ rheenerha Dios yochhieʼ, rhala inabarha ta rhon tozi lhen ta rheyolachhie. Biblia rnhe «waka inabarha kieʼ bitheze ta rhon tozi lhen ta rheyolachhie na leʼ rzenagueʼ» (1 Juan 5:14). Jesús bgaleʼ bi waka inabarha lo oración (blaba Mateo 6:9-13). Klagaze rhala inabarha ki ta rhaka kierha, lhezekan waka gderha xhlhen Dios nia ki ta chi bhenhe nia kierha, lhen inabarha gakalhenhe yezikalha beneʼ.

2. Nákaʼ rhala gonrha oración

Biblia rnhe kni: «Le kixhajeʼ ki [Dios] katheka rhaka kielhe» (Salmo 62:8). Leke rhala gledzarhane dolachhirha, ta yeerhane rhala irhuaj lo lexhdorha. Waka gledzarhane tazidzaj o balanze, waka sonerha, kuenerha o gzecho xhibirha, konkalha glueʼ rhonrha balaʼn Jeobá, lhezekan waka gledzarhane batatheze lhen gatheze.

3. Nákaʼ rhochhiʼ Dios oración kierha

Tazian kaʼ rhonhe. Lhen Biblia lawenzi rhochhieʼ ta rnabe kuinrha. Ta ulabarha Xhtidzaʼ Dios wazeke gon na «beneʼ bibi nezeneʼ gakeʼ beneʼ sinhaʼ» (Salmo 19:7; blaba Santiago 1:5). Na katiʼ naparha tazeedi, Jeobá wazeke gonhe na kueʼ tzabaʼ yikiajlorha, lhezekan wazeke gonhe na ka beneʼ wenchhin kieʼ gakalhenke rhoʼo katiʼ rkinherha.

KSEEDIRHA MÁSRHE KI TANÍ

Ni uyorha nákaʼ waka gonrha oración dolachhirha lhen nákaʼ rhon rhoʼo yodarhi.

4. Dia ta rhala gonrha na Dios gzenagueʼ oración kierha

Bi rhala gonrha na Dios gzenagueʼ oración kierha. Le uyo VIDEO.

VIDEO: A rzenaga Dios yogothe oración (fragmento) (2:42)

Jeobá rheenheneʼ zelhozi leʼ uledzarha. Le ulaba Salmo 65:2 na le ktzalaj ki taní:

A rheajlheloʼ Dios «beneʼ rzenagueʼ oración» rheenheneʼ gledzaloneʼ. Bixhkieʼ rhonloʼ kuenda kan.

Cheʼ rheenherha Dios gzenagueʼ oración kierha, rhala suarha kanha leʼ rhonhe mandado. Le ulaba Miqueas 3:4 lhen 1 Pedro 3:12, na le ktzalaj ki taní:

Bi waka gonrha na Dios gzenagueʼ oración kierha.

Nakalha beneʼ rheajke dila rnabake ki Dios gonhe lhekeʼ yodarhi. A waka kuezarha Dios yochhieʼ kieke.

5. Oración kierha rhala irhuaj lo lexhdotherha

Beneʼ zian chi bseediekeneʼ lhekeʼ tozi ta inheke katiʼ gonke oración. A rheyolachhi Dios oración kan. Le ulaba Mateo 6:7 na le ktzalaj ki taní:

Katiʼ gonrha oración, a rhala «tozi ta inherha yogonia».

Naxh cheʼ yogodza gonloʼ kuenda to ta chhiaʼ goka kioʼ na gdelho xhlhen Jeobá nia kie. Cheʼ gonloʼ kan yogodza, katiʼ yiyochhi xhmán chi bdelho xhlhenhe ki gachhi ta natzalha.

To xhozi bindoʼ rheenheneʼ bindoʼ kieʼ ktzalajbi dolachhibe ta rhaka kiebi. Jeobá lhezekan rheenheneʼ katiʼ gledzarhane gonrha dolachhirha.

6. Oración naka to ta noona kierha Dios

Nákaʼ wazeke oración gon rhoʼo tzotzo, másrhe katiʼ rderha lo tazeedi. Le uyo VIDEO.

VIDEO: Oración rhon rhoʼo yodarhi na sueirheajerha (1:32)

Biblia rnhe oración wazeke gon na kueʼ tzabaʼ yikiajlorha. Le ulaba Filipenses 4:6, 7 na le ktzalaj ki taní:

Nikla oración be rheguiela yogothe tazeedi naparha, nákaʼ rhon rhoʼo yodarhi.
Kanho bi rheenhelho inabalho katiʼ gonloʼ oración.

A nesloʼ.

Katiʼ gzuakathe beneʼ rtzalaj kieke lo Biblia rnheke «amén» katiʼ rheyochhi rhonke oración. Didzaʼ amén rhenheinhe «kan gaka» o «waka» (1 Crónicas 16:36).

7. Gleaj lataj gonloʼ oración

Balania diagaze ta gonrha, na rhalalachhirha gonrha oración. Gakatiʼ bsakaʼ Jesús oración. Le ulaba Mateo 14:23 lhen Marcos 1:35, na le ktzalaj ki taní: