LESIONY 09
Órni raninéno Dios rabigaxno láabu
¿Ronylo pensary que raquiinlo toib ni guisanés looy la? ¿Raniiny looy ganlo ximod rarexa galrranabdiitz ni ronylo la? ¿Raquiinlo tzoʼ ni gony animar o ni guisialdó xcalnabanylo la? ¿Ñoladxlo nadzaklo más Jehová la? Oración labúu gacné looy par guireʼlo ló guirá galnagan reʼ. Per ¿ximod non guininéno Dios? ¿Racadiagbu guirá oración la? ¿Ximod labúu ganlo que Dios sacadiag oración ni gonylo? Ganno láani.
1. ¿Chú láabu non guininéno? ¿De xí labúu guininéno Dios?
Jesús bisuidy lóono que nosi guininéno Bixiosno ni noʼ guibá. Ngú ni buny Jesús, goninébu Jehová. Toibtica buelt goniʼbu: «Lóoto non guininéto Dios scareʼ: Bixiosdo ni noʼ guibá» (Mateo 6:9). Órni raninéno Jehová radzakno láabu más.
Órni ronyno oración raibyno láabu nitisi nainy lóono. Per pal nainy lóono guicapybu oración ni ronyno, diti non guinabno cós ni diti rioladxbu. La Biblia ná que «labúu guinabno nitisi cós ni noʼ de acuerdo mod ni nábu né láabu racadiagbu lóono» (1 Juan 5:14). Jesús bisetlaa tipnés cós ni labúu guinabno órni guininéno Dios (bíil Mateo 6:9-13). Diti nosi guinabno ni raniiny lóono, diti guialadxno guidudyno guixquix Dios né láaca non guinabno gacnébu stipnés buñ.
2. ¿Ximod non guininéno Dios?
La Biblia raiby lóono ndeʼ: «Colguixal xcalnabanyto [nisló Dios]» (Salmo 62:8). Por ngú, guirá ni gaibyno Dios non guireʼni lainy xcalnabanyno. Labúu guininéno láabu fuers o dzudiguieʼ, órni guininéno láabu labúu guixixipno, cuuno o guisagaʼno. Láaca labúu guininéno láabu ortísi o rotísi lagary.
3. ¿Ximod racapy Dios oración xtunyno?
Ronybu láani de xidal mod. Raquiimbu la Biblia par guicapybu oración xtunyno. Órni rolno la Biblia, láani radudyni «galnaní lóono» (Salmo 19:7; bíil Santiago 1:5). Órni cadudyno ló galnagan, Jehová labúu gony que guisacno sacró. Láaca labúu guichiinbu xpiimbu par gacné lóono órni caquiinno láani.
NANOY GUISUIDYNO LÁANI
Guisuidyno ximod labúu gonylo oración ni guioladx Dios né ximod labúu gacnéni looy.
4. Noʼ tipnés cós ni raquiin gonyno órni guininéno Dios
¿Xí raquiin gonyno par labúu guicapy Dios oración xtunyno? Colguibiʼ VIDEO reʼ.
Jehová raniiny que nosi láabu guininéno. Colgoʼol Salmo 65:2 né colgooy xtiitzni:
-
¿Ronylo crer que Dios «ni racadiag oración», raniiny láabu que looy guininélo láabu la? ¿Xigony ronylo pensary scú?
Pal nainy lóono guicadiag Dios oración xtunyno, non gonyno xtem guisobno guirá ni ranabbu lóono. Colgoʼol Miqueas 3:4 né 1 Pedro 3:12, né colgooy xtiitzni:
-
¿Ximod labúu ganno que Dios sacadiag lóono órni guininéno láabu?
Chop grupos de soldad ranabyibu lóo Dios gacné layibu par gonyibu gan ló guerr. ¿Labúu gonyno pensary que Dios sacapy oración xtuny tigaaga grupo reʼ la?
5. Órni gonyno oración non guireʼni lainy xcalnabanyno
Xidal buñ goyoʼ ni bisuidy layibu gonyibu oración né laay de memory. ¿Rioladx Dios oración de clas reʼ la? Colgoʼol Mateo 6:7 né colgooy xtiitzni:
-
¿Xí labúu gonyno par «diti ngúca ngúca» guinabno lóo Dios?
¿Né pal guirá dzú ronylo pensary ló toib cós sacróyen ni gosaclolo né radudylo guixquix Jehová por láani ga? Pal ronylo láani tixomal, órni guisaʼ gatz govitz ma bidudylo guixquix Dios por gatz cós né diti goniʼlo ngúca ngúca.
Buñ raniiny que xiimbu guiniʼ ni noʼ lainy xcalnabany. Jehová láaca raniiny gaibyno láabu ni noʼ lainy xcalnabanyno.
6. Oración nacni toib xcalrrascad Dios
¿Ximod labúu guidudy oración fuers lóono máspa órni cacalóno galnagan? Colguibiʼ VIDEO reʼ.
La Biblia ná que pal ronyno oración labúu gonyni que guisacno sacró. Colgoʼol Filipenses 4:6, 7 né colgooy xtiitzni:
-
Ná oración diti rabeʼni guirá galnagan ni cacalóno, per ¿ximod racnéni lóono?
-
¿Xí láani raniiny looy guinablo Dios?
¿Nanlo ndeʼ la?
Amén radudyni diitz «scú gacni». Desde ló dzú ni see buñ goniʼ «amén» órni biloxyibu bunyibu oración (1 Crónicas 16:36).
7. Goleʼ tiemp par guininélo Dios
Rioʼ ór diti napno tiemp, dada rialadxno guininéno Dios. ¿Gosac oración par Jesús la? Colgoʼol Mateo 14:23 né Marcos 1:35, né colgooy xtiitzni:
-
¿Xí buny Jesús par labúu gopbu tiemp goninébu Dios?
-
Looyga, ¿pú labúu cueʼlo tiemp par guininélo Dios?
TIPNÉS BUÑ NÁ: «Oración diti noʼ pu raquiinni, nosi nacni par guisac buñ sacró».
-
Looy, ¿xí ronylo pensary?
¿XÍ BISUIDYLO?
Órni raninéno Dios né guidopy xcalnabanyno ronyni que guibigaxno Dios. Láaca ronyni que guisacno sacró né láaca radudyni fuers lóono par gonyno ni canab Dios.
Repas
-
¿Chú láabu non guininéno?
-
¿Ximod non guininéno Dios?
-
¿Ximod racné oración lóono?
PAR GANLO MÁS
Gon ximod rarexa tipnés galrranabdiitz ni rony buñ de oración.
«Gatz galrranabdiitz ni rony buñ de oración» (Guiich ni caniʼ, 1 de octubre íz 2010)
Bíil xigony rasac guininélo Dios né ximod labúu gonylo oración más sacró.
Bisuidy ló la Biblia chú láabu non guininélo.
«¿Non guixixiba nisló dioxh la?» (Artículo ni sieed ló jw.org)
Bibiʼ video musical reʼ pal noʼpa toib lagary ro guininéno Dios o labúu gonyno láani ortísi.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
