ESI ITUUGHẠ PHỌ 10
Ika Kụ Idị Oghị Aani Ghan Ituughạ Abugbaanhaạn AZihova Kengọ Nyinhạ Suọ?
Momhạgh ghan ni nyinhạ oghị aani ituughạ Abugbaanhaạn aZihova? Eḍighi maạr dị nạ ko/ghị ghan, eeni oghiilaan katọl li oghị eḅẹl amem mọ. Nạ atue ni apuru mọ: ‘Eeghe kụ remite ghan epẹ ituughạ phọ? Uḍighi ika kụ emạn bọ maạr? Uḍighi ika kụ ewạ bọ mọ mị ukị aani?’ Siẹn esi ituughạ phọ ephẹn phọ, nạ katuughạ ni alegheri idị ookpomhoghan ghan r’abunhọn keḍur nyinhạ etumeriom Enhaạn kụ eḅilhẹ elhoghonhaạn nyinhạ ḍighaạgh.
1. Uḍighi ika kụ Abugbaanhaạn aZihova rookpomhoghan ghan bọ?
Oniin ogeọm aBaibul phọ aghaạph ni ekpanhạ iyaạr otuạn ookpomhoghan ghan r’abunhọn esi oḅẹm mọ: “Siphẹ ogbo ookpomhoghan awe phọ, kụ edị mị kasẹph aZihova.” (Psalm 26:12) Eniin phọ eten phọ kẹn kụ edị Abugbaanhaạn aZihova romoọgh ghan iboom ibo mem dị ookpomhoghan. Siẹn oomo aḅirinhi phọ, bidị rookpomhoghan ghan ni torobọ awiki osẹph, omhoọr asuọr r’oḅilhẹ ooḅereghị Enhaạn. Bidị ropạm ghan kẹn ni inhọn igbogh arookpomhoghan torobọ alhạ.
2. Nạ katuughạ eeghe siphẹ otu ituughạ phọ?
Siphẹ ituughạ phọ, rotughemhị ghan ipẹ edi bọ siphẹ Ekpo-onhụ phọ Enhaạn, ‘kogbạ oogeliọn oḅilhẹ ogananamhi emhụ phọ.’ (Ibạl Nehemiah 8:8.) Siphẹ ituughạ phọ, nạ katuughạ ni abughẹ ilọ aZihova r’iikiạ araagharạ phọ odị. Iduọn nạ akuamhị bọ ralegheri mọ odị aphomhoghiạn ni nyinhạ kụ edị nạ kakuamhị aḍuraan atumhan nyodị. Nạ kaḅilhẹ kẹn ni alegheri reten dị odị katue alhoghonhaạn nyinhạ ḍighaạgh orọl adọl aghuḍum dị agbaanyạn.—Isaiah 48:17, 18.
3. Ika kụ idị nạ kamooghọm suọ esi ooḍikuan ghan r’abunhọn siphẹ otu ituughạ phọ?
AZihova atọ mọ “iipikian ayira eḍighi ghan ilọ oniin kakologholomị ghan nyoniin esi ephomoghiạn r’iiḅi iiḍighi!” Ḅilhẹ mọ “ku/bulamaam ghan ookpomoghan ghan.” (Hibru 10:24, 25) Siphẹ otu ituughạ phọ, nạ kamiịn we dị omhoọgh ogbolhomaam anạ kụ rowạ mọ tuughạ ilọ Enhaạn abughẹ. Nạ kanaghạn ni raraạr dị kelhọgh nyinhạ epophe dị okpasị siphẹ aBaibul phọ. (Ibạl Rom 1:11, 12.) Nạ kaḅilhẹ kẹn ni alegheri idị budị odi dọl egelhenyạ r’abudị maalhạn romoọgh ghan ibo etigheri iiḅaghamhị dị osomhan. Iphẹn phọ kụ iniin araraạr dị aZihova atụ bọ kụ awạ mọ ogbor ghan ookpomhoghan!
OLHEGHERI OBUGHẸ
Ooḅeghiọn iyaạr phọ remite ghan bọ siphẹ ituughạ Abugbaanhaạn aZihova phọ r’iyaạr phọ eḍighi bọ kụ ewạ bọ mọ kiạ aani.
4. Arookpomhoghan Abugbaanhaạn aZihova
AKristẹn oḅẹl okuron siạ phọ ugbor ghan ni ookpomhoghan ooseeny aZihova. (Rom 16:3-5) Ibạl Kolosị 3:16, kụ eeḅeghiọn ḍipuru phọ aḍiẹn:
-
Ika kụ idị aKristẹn oḅẹl okuron siạ phọ ooseeny ghan aZihova?
Rodon, Abugbaanhaạn aZihova rookpomhoghan ghan ni riisi iiseeny abidị. Olhegheri ipẹ remite ghan bọ pạ phọ, ipegh VIDIO phọ. Ipẹ reten, kụ ephogh afoto phọ aḍeenhaan bọ mem dị Abugbaanhaạn aZihova ookpomhoghan, kụ eeḅeghiọn sipuru phọ edaphạn bọ siẹn.
-
Eeghe ooghighighạn kụ odi igbo ipẹ remite ghan bọ siphẹ aKindọm Họl phọ r’ipẹ nạ aạl bọ siphẹ Kolosị 3:16?
-
Siẹn avidio phọ obobọ pạ afoto phọ, nạ ulhọgh ni elhegh enhọn iyaạr ilọ arookpomhoghan phọ dị eḍạ ḍiḅeeraạn anạ?
Ibạl 2 Korịnt 9:7, kụ eeḅeghiọn ḍipuru phọ aḍiẹn:
-
Uḍighi ika kụ ro/kirom ghan bọ ekpạ siphẹ arookpomhoghan Abugbaanhaạn aZihova phọ?
Otughemhiạ phọ anạ r’anạ iiḅeghiọn iniin araraạr phọ kotuughạ bọ epẹ otu ituughạ phọ.
-
Oghẹn apakirị ituughạ phọ kụ edị nạ aatughiạn mọ nạ kakạr ri akelhọm?
Nạ alegheri ni?
Siphẹ jw.org, nạ katue ni amiịn mem r’esi dị ropạm ghan ituughạ siẹn oomo aḅirinhi phọ.
-
Ituughạ phọ ayoor reḅarạm ghan ni raghaạph ogbo, oḍighi oḍeenhaan, r’asividio. Ituughạ phọ remiighom ghan keḅilhẹ ekureriom ḍuọr r’iiḅereghị
-
Iniin apakirị ituughạ phọ, rongọ ghan ni ḍita phọ eepoogh oghaạph aani iyaạr
-
Romạgh ni torobọ oye—rughun-otu, regelhenyạ, ikumor awe, r’ibạm anmụny
-
Ituughạ phọ oopho. Abugbaanhaạn aZihova ro/boọr ghan ikpoki kụ ekpạ ro/kirom ghan
5. Ewạ ni ikuph orue oghị aani ituughạ phọ
Ooḅeghiọn eḍeenhaan eghun-otu abuọ aZizọs. Orue oḍuạ aNazaret oghị aani ookpomhoghan atorobọ alhạ phọ epẹ Jeruselem, iwạ dị bidị kotelhe 60 itobi rikpisi araaḅarạph. Ibạl Luk 2:39-42, kụ eeḅeghiọn sipuru phọ iphẹn:
-
Nạ ragbi mọ orelhe osi aJeruselem isighẹ ghan ni ikuph ḍughụm?
-
Uḍighi ika kụ kewạ bọ dị nạ kalọgh ikuph orue oghị aani ghan ituughạ phọ?
-
Nạ ragbi mọ emạn ni maạr ḍughụm? Eeghe kụ iḍighi?
ABaibul phọ aḅẹm mọ emạn ni maạr iboom ookpomhoghan ghan ooseeny aZihova. Ibạl Hibru 10:24, 25, kụ eeḅeghiọn ḍipuru phọ aḍiẹn:
-
Uḍighi ika kụ yira kogbor ghan bọ okị ituughạ?
ABUNIIN AWE OOTUGHIẠN MỌ: “I/moghi ookpomhoghan ghan r’abunhọn. Ituughạ aBaibul phọ olhoghotu mekasiạn ni.”
-
Eghẹn esi obobọ eḍeenhaan aBaibul kụ igananamhi ḍiitughiạn Enhaạn ilọ iphẹn phọ?
OGHAẠPH OOKARAGH
Oghị aani ghan ituughạ phọ kebughẹ olhegheri iyaạr anạ ilọ aZihova, ekparamhị siya anạ r’odị, kụ nạ aḅilhẹ aḍighan bunhọn aaseeny nyodị.
Ooḅula
-
Uḍighi ika kụ aZihova rawạ bọ mọ yira ookpomhoghan ghan?
-
Nạ katuughạ eeghe siphẹ arookpomhoghan Abugbaanhaạn AZihova phọ?
-
Eghẹn enhọn eten kụ edị nạ aatughiạn mọ ituughạ phọ abidị kengọ nyinhạ suọ?
WAAGHỊ AMHIỊN
Kokaạph ika eḍighi maạr dị nạ amhoọgh oghiilaan oghị aani ituughạ phọ? Miịn idị oye dị amhoọgh ghan oghiilaan aḅilhẹ arue aphomhoghiạn ituughạ phọ.
Miịn idị oniin oḍoọgh oọny aghelhọm ituughạ phọ r’iyaạr dị odị aḍighi orue ogbor ghan oghị.
Tuughạ alhegheri idị abunhọn rologhoma ghan oghị aani ituughạ phọ.
“Uḍighi Ika Kụ Nạ Kakị Bọ Ituughạ Siphẹ aKindọm Họl Phọ?” (Edi intanẹt)
Miịn idị ituughạ Abugbaanhaạn AZihova phọ enme ghuḍum oye iigamhanhiạn.
“Ekpisi I/lo Dị Mị Aghị Kụ Alaagbạ U/tọl Ghan R’amhị” (The Watchtower, July 1, 2014)
