DUNGU 10
¿Chemu cümeabüi tami trahuluhual pu dunguquelu iñingen Jehová tañi trahun mu?
¿Amuquimi eimi tati pu dunguquelu iñingen Jehová tañi trahun mu? Mangelngelmi eipiabüimi “ngüneuquelan”. Ramtuuquepimi mai: “¿Chumquingün quidu engün tañi trahun mu? ¿Chemu bentren balintuquingün tañi trahun? ¿Amupeabün mai iñche cai?”. Amulmi tübachi trahun mu, doi quimaimi ca doi bülconaimi Chau Dio mu. Tübachi dungu mu ngütramcaaiñ.
1. ¿Chumquingün tañi trahun mu pu dunguquelu iñingen Jehová?
Biblia eipi: “Trahuluuli rangi alün che huenupüramabiñ Jehová” (Salmo 26:12). Bachantü cabei trahuluuquingün, bei ayühulqueyu. Bill püle mapu mu, trahuluuquingün bill semana. Ülcatulquebingün, ngillatuquebingün ca huenupüramquebingün Jehová. Cabei billque tripantu trahuluuquingün quiñeque bütra trahun mu.
2. Amulmi trahun mu, ¿chem quimabüimi?
Taiñ trahun mu, quimelngequi Biblia mu tripachi dungu (papiltunge Nehemías 8:8). Amulmi, quimaimi chumngen Jehová. Ca quimülmi chumten tañi piuqueyetu, doi hueniyeabimi. Cabei quelluabeimu (incaabeimu) tami nieal ayühunngechi mongen (Isaías 48:17, 18).
3. ¿Chumngechi quelluabeiñmu tati pu che mülelu beichi trahun mu?
Jehová eipiqueiñmu “taiñ hueluquechi quelluhual ca taiñ doi piuqueyehual ca taiñ bemal cümeque dungu. Ca elcünolaaiñ taiñ trahuluhual” (Hebreos 10:24, 25). Taiñ trahun mu quimaimi pu che hueluquechi piuqueyeulu ca cüpa doi quimlu chumngen Jehová. Beimu allcütoimi billque dungu tripalu Biblia mu, allcütubilmi nehuentuaimu (papiltunge Romanos 1:11, 12). Cabei ngütramcaaimi billque hueyaque dungu mu upachi pu che, huelu ca bemngechi ayüucülingün. Beimu Jehová ayüqui tami trahuluhual iñchiñ mu.
DOI CÜME QUIMNGE
¿Chumquiiñ taiñ trahun mu pu dunguquelu iñingen Jehová? ¿Chemu eimi cabei trahuluhuabüimi taiñ trahun mu?
4. Pu dunguquelu iñingen Jehová tañi trahun
Cuibi mu, pu cristiano trahuluuquebüingün huenupüramabel Jehová (Romanos 16:3-5). Papiltoiñ Colosenses 3:16. Papiltungele hula ngütramcaabiiñ tübachi ramtun:
-
¿Chumngechi huenupüramquebüingün Jehová tati pu hunenque cristiano?
Iñchiñ cabei trahuluuquiiñ bill semana. Tami quimal chumquen taiñ trahun mu, quintulbe tati VIDEO. Quintulngele hula peaiñ quiñe adentun. Pebiliiñ hula ngütramcaabiiñ tübachi pu ramtun:
-
Eipilelu Colosenses 3:16 mu, ¿ca bemngechiquepiiñ mai taiñ trahun mu? ¿Chemu?
-
Pebilu eimi tati video ca tati adentun, ¿chem doi ayüimi taiñ trahun mu?
Papiltoiñ 2 Corintios 9:7. Papiltungele hula ngütramcaabiiñ tübachi ramtun:
-
Amulmi tübachi trahun mu, ¿chemu “culliaimi” pingelaabüimi?
Tati quimelelquetu eipiaimu chem ngütramcangeai cüpalechi trahun mu.
-
Tati trahun mu, ¿chem dungu doi ayüimi?
¿Quimquebüimi?
Bill püle mapu mu, cheu ca chem antü trahuluuqui pu dunguquelu iñingen Jehová, jw.org mu peaimi.
-
Trahun mu hulngequi hueupin, pengelngequi video ca quimelngequi chumngechi amuldungol. Hunen mu ülcatungequi, beimu hula ngillatungequi. Epe abün tati trahun ca ülcatungequi ca ngillatungequi.
-
Quiñeque mu pu trahuluulelu ramtungequi, beimu lloudunguabüi.
-
Com pu che amuabüi huentru, domüche, pu püchüqueche...
-
Pu dunguquelu iñingen Jehová tañi trahun mu, cullingequelai tañi conal ca ngillatungequelai plata.
5. Cüdaungele ume, ca bemngechi trahuluhuabüimi
José tañi pu che, bill tripantu müna cüdaungequebüi tañi trahuluhual engün. Alütripalequebüi cheu ñi huenupüramabel Jehová, cüla antü trecaquebüi engün tañi pohual. Papiltoiñ Lucas 2:39-42. Papiltungele hula ngütramcaabiiñ tübachi cüla ramtun:
-
¿Cüdaungepebüi mai tañi amol Jerusalén huariba mu?
-
¿Chem dungu nieabüimi tami amol trahun mu?
-
Cüdaungele ume, ¿chemu cümeabüi tami amol trahun mu?
Biblia eipi chemu cümen tami amol trahun mu huenupüramabel Jehová. Papiltoiñ Hebreos 10:24, 25. Papiltungele hula ngütramcaabiiñ tübachi ramtun:
-
Elcünolaaiñ tañi amol trahun mu, ¿chemu?
QUIÑEQUE CHE EIPIQUI: “Duamngelai taiñ trahuluhual caque che taiñ huenupüramabel Dio”.
-
¿Chem dungu tripalu Biblia mu pengeli chem eipiqueiñmu Jehová ñi bemal iñchiñ?
CHEM PEIÑ TÜBAMU
Amulmi trahun mu, doi quimaimi iñingen Jehová, doi hueniyeabimi ca huenupüramabimi caque che engün.
Chem quimeleleiñmu tüba
-
¿Chemu mangelqueiñmu Jehová taiñ amol trahun mu?
-
Pu dunguquelu iñingen Jehová ñi trahun mu, ¿chem quimaimi?
-
¿Chumngechi quelluabeiñmu taiñ trahun?
DOI QUIMABÜIMI
¿Ngüneupelaimi mai tami amol trahun mu? Quiñe huentru bemngechi raquiduamquebüi, beula ayüqui tañi amol.
Quiñe hueche huentru müna ayüquebüi tañi amol trahun mu. Huelu, ¿chumi cüdaungetulu tañi amol?
Quimnge chem raquiduamqui quiñeque tati pu trahun mu.
“¿Chemu manelbali tami trahuluhual trahunhue ruca mu?” (Papiltun internet mu)
Quimnge chumngechi quiñe huentru hueñebengelu elcünotui ñi hueya mongen amulu trahun mu.
“Cheu ume amuli, miyahulquen tañi tralcatuhue” (Ti Huerquen, 1 julio 2014)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
