আপুনি কেতিয়াবা যিহোৱাৰ সাক্ষীসকলৰ সভালৈ গৈছেনে? হয়তো আপুনি এতিয়ালৈকে যোৱা নাই আৰু আপোনাৰ মনত কিছুমান প্ৰশ্ন আছে। যেনে, তেওঁলোকৰ সভাবোৰত কি হয়? মই তালৈ কিয় যাম? সভালৈ গʼলে ঈশ্বৰৰ লগত আপোনাৰ সম্পৰ্ক কেনেকৈ দৃঢ় হʼব আৰু আপুনি কেনেকৈ লাভৱান হʼব, আহক এই বিষয়ে চাওঁ।

১. যিহোৱাৰ সাক্ষীসকলে কিয় সভালৈ যায়?

বাইবেলত উল্লেখ আছে যে যিহোৱাৰ সাক্ষীসকলে কিয় সভাত একগোট হয়। ঈশ্বৰৰ এজন উপাসকে এইদৰে লিখিছিল, “সভাৰ মাজত তোমাৰ [যিহোৱাৰ] প্ৰশংসা কৰিম।” (গীতমালা ২২:২২) গতিকে, সভালৈ যোৱাৰ মুখ্য কাৰণ হৈছে যিহোৱাৰ প্ৰশংসা কৰা অৰ্থাৎ তেওঁৰ উপাসনা কৰা। সেইবাবে, বিশ্বজুৰি ভাই-ভনীসকলে প্ৰতি সপ্তাহে যিহোৱাৰ উপাসনা কৰিবলৈ একগোট হয়। সভাত তেওঁক প্ৰশংসা কৰে, গীত গায় আৰু প্ৰাৰ্থনা কৰে। বছৰত তেওঁলোকে কেইবাবাৰো ডাঙৰ সভাৰ বাবে একগোট হয়।

২. আপুনি আমাৰ সভাবোৰত কি শিকিব?

সভাত বাইবেলৰপৰা শিকোৱা হয় আৰু ‘লোকসকলে বুজিব পৰাকৈ তাৰ অৰ্থ বুজোৱা হয়।’ (নহিমিয়া ৮:৮ পঢ়ক।) তাত আপুনি যিহোৱা আৰু তেওঁৰ গুণৰ বিষয়েও শিকিব পাৰিব। যিহোৱাই আপোনাক কিমান প্ৰেম কৰে, তাৰ বিষয়ে জানিব পাৰিব আৰু লাহে লাহে ঈশ্বৰৰ লগত আপোনাৰ সম্পৰ্ক দৃঢ় হʼব। সভাত বাইবেলৰ যোগেদি ভাল পৰামৰ্শ দিয়া হয় আৰু ইয়াৰপৰা আপুনি লাভৱান হʼব পাৰে।—যিচয়া ৪৮:১৭, ১৮.

৩. সভাত আনৰ লগত কথা-বতৰা হোৱাৰ যোগেদি আপুনি কেনেকৈ লাভৱান হʼব?

“প্ৰেমত আৰু সৎকৰ্ম্মত” আমি এজনে-আনজনক উৎসাহিত কৰিবলৈ আৰু সভাত উপস্থিত হʼবলৈ যিহোৱাই আমাক আজ্ঞা দিছে। (ইব্ৰী ১০:২৪, ২৫) সভাত আপুনি এনে লোকসকলক লগ পাব, যিসকলে এজনে-আনজনক প্ৰকৃত প্ৰেম কৰে আৰু আপোনাৰ দৰে তেওঁলোকেও ঈশ্বৰৰ বিষয়ে শিকিব বিচাৰে। তেওঁলোকে বাইবেলৰ ওপৰত আপোনাৰ বিশ্বাস দৃঢ় কৰিব। (ৰোমীয়া ১:১১, ১২ পঢ়ক।) তাত আপুনি এনে লোকসকলক লগ পাব, যিসকলে আপোনাৰ দৰে সমস্যাবোৰ সন্মুখীন হৈছে আৰু সেইবোৰ পাৰ কৰিব পাৰিছে। সেইবাবে, আমি সভাবোৰত উপস্থিত হোৱাটো যিহোৱাই বিচাৰে।

 গভীৰভাৱে ধ্যান কৰক

৪. যিহোৱাৰ সাক্ষীসকলৰ সভাবোৰ

আৰম্ভণিৰ খ্ৰীষ্টানসকলে একেলগে মিলি যিহোৱাৰ উপাসনা কৰিছিল। (ৰোমীয়া ১৬:৩-৫) কলচীয়া ৩:১৬ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:

• আৰম্ভণিৰ খ্ৰীষ্টানসকলে যিহোৱাৰ উপাসনা কেনেকৈ কৰিছিল?

1. (ক) আমাৰ সভাবোৰত ভাষণ দিয়া হয়, প্ৰদৰ্শন হয় আৰু ভিডিঅʼ দেখুৱা হয়। সভাৰ আৰম্ভণি আৰু শেষত গীত গোৱা হয় আৰু প্ৰাৰ্থনা কৰা হয়

2. (খ) কিছুমান ভাগত প্ৰশ্ন উত্তৰৰ যোগেদি আলোচনা কৰা হয়। ইয়াত সকলোৱে ভাগ লʼব পাৰে

3. (গ) পুৰুষ, তিৰোতা, বৃদ্ধ বা ডেকা সকলোকে আদৰণি জনোৱা হয়

4. (ঘ) আমাৰ সভালৈ আহিবলৈ কোনো টকা-পইচা লোৱা নহয়

 ৫. সভাবোৰত যাবলৈ আপুনি হয়তো পৰিশ্ৰম কৰিব লাগিব

• আমি প্ৰতিটো সভাত কিয় উপস্থিত হোৱা উচিত?

 আমি কি শিকিলোঁ

সভাবোৰত উপস্থিত হোৱাৰ যোগেদি আপুনি যিহোৱাক ভালদৰে জানিব পাৰিব, তেওঁৰ লগত আপোনাৰ সম্পৰ্ক ঘনিষ্ঠ হʼব আৰু আপুনি আনৰ লগত মিলি তেওঁৰ উপাসনা কৰিব পাৰিব।

আপুনি কেনেকৈ উত্তৰ দিব?

• আমি সভালৈ যোৱাটো যিহোৱাই কিয় বিচাৰে?

• যিহোৱাৰ সাক্ষীসকলৰ সভাবোৰত আপুনি কি শিকিব?

• সভাবোৰত উপস্থিত হʼলে আপুনি কেনেকৈ লাভৱান হʼব?