LECCION 10
Cosa el Beneficio si Atende Tu na Maga Miting?
Ya puede ya ba tu atende na miting del maga Testigo de Jehova? Si nuay pa, baka ta nervia tu atende. Baka ta pensa tu: ‘Cosa ta sucede na maga miting? Porque este importante? Porque yo debe atende?’ Na este leccion, hay aprende tu si paquemodo el miting puede ayuda contigo y na de tuyu relacion con Dios.
1. Porque el maga Testigo de Jehova ta man junto-junto na miting?
Nota si cosa el de con todo importante razon que ya menciona na Biblia: “Na grande congregacion, hay alaba yo con Jehova.” (Salmo 26:12) Na igual manera, el maga Testigo de Jehova ahora alegre ta atende na maga miting. Na entero mundo cada semana, tan junto sila para alaba con Dios, para canta y para reza. Cuanto beses cada año, tan junto tambien sila como grande grupo.
2. Cosa tu hay aprende na diamon maga miting?
Na maga miting, tan focus kame na Palabra del Dios, donde ‘claro ta explica si cosa este quierre decir.’ (Le con el Nehemias 8:8.) Si atende tu, hay aprende tu acerca con Jehova y el de suyu maga bonito calidad. Mientras ta aprende tu mas acerca na de suyu amor para contigo, mas queda tu cerca con ele. Hay aprende tambien tu si paquemodo le puede ayuda contigo para tene alegre vida.—Isaias 48:17, 18.
3. Paquemodo el maga gente na diamon maga miting puede ayuda contigo?
Si Jehova ya manda kanaton que “dale animo con uno y otro para ama y hace maga trabajo bueno” y no falta na atendida de maga miting. (Maga Hebreo 10:24, 25) Na diamon maga miting, hay conoce tu maga gente quien deverasan ta ama con uno y otro. Y igual contigo, interesao tambien sila mas aprende acerca con Dios. Hay puede tu oi kanila ta man share maga bonito mensaje estaba na Biblia. (Le con el Roma 1:11, 12.) Hay puede tambien tu conoce con otro quien alegre siempre maskin tiene sila maga problema. Cuanto lang este na maga razon si porque si Jehova quierre que regular kita atende na maga miting!
APRENDE PA MAS
Sabe si cosa ta sucede na miting del maga Testigo de Jehova y si porque bueno que pricura atende na maga miting.
4. Maga miting del maga Testigo de Jehova
Del primer siglo, el maga Cristiano regular ta man junto-junto para adora con Jehova. (Roma 16:3-5) Le con el Colosa 3:16 y despues, discuti con este pregunta:
-
Paquemodo el maga Cristiano de antes ta adora con Jehova?
Ahora, el maga Testigo de Jehova regular tambien ta man junto na Kingdom Hall. Para sabe si cosa ta sucede na maga miting, man play con el VIDEO. Despues, mira con el letrato del miting y discuti con el maga pregunta.
-
Cosa tu ya puede nota que semejante na cosa ta sucede na Kingdom Hall y na cosa tu ya le na Colosa 3:16?
-
Na video o na letrato, cosa tu ya puede nota acerca na miting que ya gusta tu?
Le con el 2 Corinto 9:7 y despues, discuti con este pregunta:
-
Porque libre el atendida na miting del maga Testigo de Jehova?
Junto con el quien ta enseña contigo, mira si cosa hay discuti na sunod miting.
-
Cosa parte del miting el interesao tu sabe?
Sabe ba tu?
Na jw.org, puede tu incuntra el hora y locacion del maga miting na entero mundo.
-
Na diamon maga miting, tiene maga talk, demonstracion y maga video. El maga miting ta principia y ta acaba na cancion y rezo
-
Durante el cuanto parte del miting, el maga quien ta atende puede man comento
-
Todo puede atende—maga hombre, mujer, de edad y bata
-
Libre el atendida na diamon maga miting. El maga Testigo de Jehova nuay coleccion que ta hace
5. Necesita esfuerzo para atende na maga miting
Considera con el ejemplo del familia de Jesus. Cada año, necesita sila camina na maga gulud por 100 kilometro sale na Nazaret para na Jerusalem para anda na templo. Le con el Lucas 2:39-42 y despues, discuti con este maga pregunta:
-
Ta mira tu, necesita ba esfuerzo el viaje para na Jerusalem?
-
Porque posible que necesita tu hace esfuerzo para atende na maga miting?
-
Tiene ba buen resulta si atende tu na maga miting maskin dificil? Porque?
El Biblia ta habla que bien importante que man junto-junto para adora con Jehova. Le con el Maga Hebreo 10:24, 25 y despues, discuti con este pregunta:
-
Porque necesita que regular kita atende na maga miting?
EL CUANTO TA HABLA: “Gendeh ya tu necesita atende miting. Bastante ya que estudia tu con el Biblia na casa.”
-
Cosa texto o ejemplo na Biblia el ta dale mira si cosa quierre si Jehova?
SUMARIO
El atendida na maga miting hay ayuda contigo para aprende mas acerca con Jehova, hace fuerte el de tuyu relacion con ele y adora con ele junto con otro.
Repaso
-
Porque si Jehova ta anima kanaton que man junto-junto na maga miting?
-
Cosa tu puede aprende na maga miting del maga Testigo de Jehova?
-
Cosa pa el otro maga beneficio si atende tu na maga miting?
SABE PA MAS
Ta nervia ba tu atende miting? Mira si paquemodo el un hombre ya gusta atende na maga miting maskin pa ansina ele ta sinti del primero.
Mira con el un jovencito que alegre atende na maga miting y si cosa ele ya hace para regular atende.
Sabe si cosa ta sinti el otro acerca na atendida na maga miting.
“Porque Bueno que Atende na Maga Miting na Kingdom Hall?” (Articulo na website)
Mira si paquemodo ya cambia el vida del un miembro de gang despues le atende na un miting del maga Testigo de Jehova.
“Maskin Donde Ta Lleva Yo con el De Mio Pusil” (The Watchtower, Julio 1, 2014)
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
