NSUNZO 10
Matugumano a Anamoona a Yehova Anawukamihedhe Dhavi?
Waromaga wona matugumano a Anamoona a Yehova? Akala kunaromaga wona, labo noroma ninfuniwe woona txino onele okala wowovene. Weyo onodha ovivuza: ‘Txini empadduwa mmatugumanonimwa? Akaleli eni a ttima? Ddinfwanyelela eni odhowawo? Mwari mwa nsunzo ntti weyo onele osunza wi otugumana vamodha na eena enele wukamihedha onfiyedha Mulugu vina onele opurelamo wamwinya.
1. Anamoona a Yehova antugumanela eni?
Karoma wona elogile namaleba dhahi wa Bibilia mwaha wa ttima ya otugumana mumodhani: ‘Vangumana attu ddinerege omutamala Nabuya.’ (Masalmo 26:12) Na mukalelo wakakene, Anamoona a Yehova anopurelamo venjene agatugumana vamodha. Sumana dhotedhene awene anotugumana wi amwebedhe Mulugu, amwibelaga jibo vina amulobelelaga; eji empadduwa orugunuwa elabo yotene. Midhidhi dhina vayakani awene anotugumanelaga matugumano manddimuwa wi amwebedhe Mulugu.
2. Dhilobo gani dhinasunzewe mmatugumanoni mwehu?
Iyo nintugumanela ‘otapulelamo vina ononelamo pama’ Mazu a Mulugu. (Kengesa Nehemiya 8:8.) Ogatugumana na Anamoona a Yehova onele osunza mwaha wa Yehova vina mikalelo dhaye dhapama. Weyo onele osunza venjene sabwa ya okwela waye vina onele okala wofiyedheya na iyene. Onele ononelamo vina wi Yehova ohikana ewodhelo ya wukamihedha wi okane egumi yottugareya.—Izaiya 48:17, 18.
3. Onawodhe dhavi opurelamo ogatugumanaga na ena?
Yehova ononikokomeza wi ‘Nubuwelanege wi nilibihe okwela, ottidda mabasa apama. Kanitxelele matugumano ehu.’ (Ahebreu 10:24, 25) Mmatugumanoni mwehu, weyo onele waziwa attu ankuluvelana muttu na mukwaye, anutanaala vina anzuzumela osunza dha Mulugu dhahene ninga weyo. Onele wawiwa awene alogaga mazu olibiha anda mBibiliani. (Kengesa Roma 1:11, 12.) Onele ologa na azombwe, ateliwi vina na anddimuwa, ankwaranya makattamiho anapadduwela na malago. Jijene ennifunelana Yehova otugumanaga mumodhani mudhidhi-na-mudhidhi!
KASUNZAVI
Katamela oziwa txini dhinkosiwa mmatugumanoni mwa Anamoona a Yehova vina guru enfwanyelelihu okosa wila nitugumanege.
4. Matugumano a Anamoona a Yehova
Akristu oroma antugumana mumodhani veli-veli wi amwebedhe Yehova. (Roma 16:3-5) Kengesa Kolosi 3:16, mugamala mutanaalele mavuzo aba:
-
Akristu a nsaka zana noroma amwebedha dhavi Yehova?
Masaka abano vina Anamoona a Yehova anotugumana mumodhani mudhidhi na mudhidhi mmibunroni dha webedha. Karoma wona dhinkosiwa mmatugumanoni mwawa, karumiya VIDIYU. Ogamala karoma wona foto enlagiha matugumano akosiwaga vina otanaalele mavuzo aba.
-
Wiwanana gani woonile weyo mwa esile dhimpadduwa o Numbani ya Omwene na esile dhilebiwe va Kolosi 3:16?
-
Mvidiyuni obe vafotoni, ohona elobo eziveliwe weyo mwaha wa matugumano ehu?
Kengesa 2 Korinto 9:7, mugamala mutanaalele nivuzo ntti:
-
Anamoona a Yehova ankoddela eni okosa sokela mmatugumanoni mwawa?
Katamela oziwa na namasunziha wawo dhinasunziwe sumana enfwarela.
-
Masunziho gani a vamatugumanoniva anooniwe wi onele oziveliwana obe anela wukamihedha?
Wanziwa?
jw.org, onele ofwanya mburho na mudhidhiya onkosiwa matugumano orugunuwa elabo yotene.
-
Mmatugumanoni mwehu munokosiwa madiskursu, munolagihiwa mavidiyu na masunziho mena. Matugumanoya anroma na jibo vina na nlobelo
-
Dhipaddi dhina dha matugumano, anokumbirhiwa anamewa wi avahe dhowakula dhawa
-
Anomoyeliwa attu otene—anamudhi, aziye, anakalaba vina aima
-
Matugumano ehu kampitxeliwa elo. Anamoona a Yehova kankumbira nne vina kamviriha yobo ya musoko-musoko mmatugumanoni mwawa
5. Ninofwanyela ovilibihedha wi nidhowe omatugumanoni
Karoma wona dhotagiha dha anamudhi a Yezu. Vayakani awene annedda makilometru 100 avenyaga o Nazareti wi adhowe one matugumano o Jeruzalemi. Kengesa Luka 2:39-42, mugamala mutanaalele mavuzo aba:
-
Weyo onubuwela wi yanfuneya guru wi akose oleddo obu?
-
Ekalele eni yofuneya weyo okosa guru wi odhowe omatugumanoni?
-
Weyo onona ninga jopureleyamo odhowa omatugumanoni? Sabwaya jani?
Bibilia onologa yopurelamo ya otugumanaga mumodhani wi nimwebedhe Yehova. Kengesa Ahebreu 10:24, 25, mugamala mutanaalele nivuzo ntti:
-
Ekaleli eni yofuneya otugumanaga mudhidhi wotene?
ATTU ENA ANLOGA WI: “Enowodheya omwebedha Mulugu vatakulu. Ogamwengesaga Bibilia enowakwana.”
-
Nlebo gani na Bibilia ninoniha mobuwelo wa Yehova mwaha wa makani aba?
OGWADDELA
Odhowa omatugumanoni onele wukamihedha omwebedha Yehova, onele winjiviha omarho wawo na iyene, vina onele omwebedha vamodha na attu ena.
Kobuwela Dhisunziliwe
-
Yehova onnikokomezela eni otugumanaga mumodhani?
-
Dhilobo gani dhinasunziwe vamutugumanoni a Anamoona a Yehova?
-
Txini yina enapurelemo weyo omatugumanoni?
TAMELÁ ONONELAMO DERETU
Txini enfwanyeleliwe okosa ogona wi onowova odhowa omatugumanoni? Karoma wona epadduwile na mulobwana dhahi wova odhowa omatugumanoni.
Karoma wona emuzivele muzombwe dhahi omatugumanoni vina txini emukosihile odhowagawovi.
Koona dhilogile attu ena mwaha wa odhowa omatugumanoni.
“Por que Ir às Reuniões no Salão do Reino?” (Mitoma dha mu jw.org)
Karoma wona dhimpadduwele musogorheli dhahi wa apanga mmaleliye wona matugumano a Anamoona a Yehova.
“Eu nunca saía sem minha arma” (A Sentinela, 1.º de Julho de 2014)
