TOLI 10

Sowtu wini ye fende te ye go a den komakandaa fu Yehofa Kotoigi?

PEE

Wan Yehofa Kotoigi be kai i wan leisi kaba fu go a den komakandaa fu den? Kande yo senuwe pikinso di yo go a fosi leisi. Kande ye akisi iseefi taki: ‘Sai pasa a den komakandaa fu den? Saide mi mu go? A namonamo mi mu go?’ Kow luku sowtu wini yo fende te yo go a komakandaa, anga fa ao yeepi i fi yu anga Gadu toon moo bun mati.

1. Saide Yehofa Kotoigi e go a komakandaa?

Wan Beibel sikiifiman soi u saide u mu e go a komakandaa. A be taki: ‘A den somen sama mindii mi o gafa Yehofa’ (Psalm 26:12). Leti enke fa sama be e kon a wan aini Beibel ten fu dini Gadu, a so Yehofa Kotoigi aini a ten ya e kon a wan fu dini Gadu. Na ala se fu goontapu den e kon makandaa ala wiki fu gafa Gadu. Den e singi, den e begi tu. Ala yali den e abi wantu gaan komakandaa pe omen sama e kon a wan fu dini Gadu.

2. San yo leli te i kon a den komakandaa fu u?

Den komakandaa e ‘yeepi u fu fusutan Beibel moo bun’. (Leisi Nehemiya 8:8.) Te u de a den komakandaa, we leli moo fu Yehofa, anga den moin manii fi en. O moo ye leli sabi Yehofa, o moo yo lobi en. Yo leli tu fa a sa yeepi i fu kon abi wan moo bun libi.—Yesaya 48:17, 18.

3. Fa den sama di yo miti a den komakandaa sa yeepi i?

Yehofa taki u mu e ‘poti pakisei a makandaa, fu u sa gi makandaa taanga-sikin fu soi lobi anga fu du bun wooko. Wa mu e puu dei wa go a komakandaa’ (Hebrewsama 10:24, 25). Te yo kon a den komakandaa, yo miti sama di e booko den ede anga i tuutuu. Denseefi lobi leli sani fu Gadu. Yo yee tu fa den e taki fu den sani di den leli aini Beibel. (Leisi Romesama 1:11, 12.) Yo miti sama di toow anga sama di á toow. Yo si taki ala den sama ya e piisii, winsi den abi polobelema. Neen meke Yehofa wani we kon makandaa fu dini en.

LUKU A TOLI YA MOO FINI

Luku fa sani e waka a den komakandaa fu den Yehofa Kotoigi, anga saide i mu meke moiti fu go a den komakandaa ya.

4. Den komakandaa fu Yehofa Kotoigi

Den fosi Kelesten be lobi kon makandaa fu dini Yehofa (Romesama 16:3-5). Leisi Kolosesama 3:16, da i luku efii poi piki a akisi ya:

San den fosi Kelesten be e du te den be kon makandaa fu dini Yehofa?

Aini a ten ya, den Yehofa Kotoigi seefi e kon makandaa aini Kownukondee zaal fu dini Yehofa. Efii wani sabi fa sani e waka a den komakandaa ya, i sa pee a FELON. Baka dati, luku den fowtow di e soi fa wan komakandaa e holi, da i luku efii poi piki den akisi ya.

FELON: San e pasa aini wan Kownukondee zaal? (2:13)

Te i luku san sikiifi a Kolosesama 3:16, anga sai pasa aini den Kownukondee zaal, da sowtu sani i si de aseefi?
I si wan sani aini a felon efuso a fowtow di i lobi fu den komakandaa fu den Yehofa Kotoigi?

Leisi 2 Korentesama 9:7, da i luku efii poi piki a akisi ya:

Saide den Yehofa Kotoigi nai piki moni a den komakandaa fu den?

Meke a sama di e sutudeli anga i soi i san wo leli a den komakandaa fu a wiki ya.

Sowtu wan fu den sani di wo luku i moo lobi?

I be sabi a sani ya?

Efii go a jw.org, yo si pe anga on lati den komakandaa e holi winsi sowtu kondee i de.

Den e holi lezing a den komakandaa fu u, den e soi fa we leli sama, den e daai felon tu. Wi e bigin anga singi anga begi, we tapu anga singi anga begi tu
Den sama di kon a komakandaa sa taki wan sani tu a son pisi fu a komakandaa
Na ala sama sa kon a den komakandaa, mannengee, umansama, gaansama anga pikinnengee
Den Yehofa Kotoigi nai piki moni a den komakandaa fu den

5. A moiti u mu e meke fu e go a den komakandaa

Di Yesesi be yonkuu, na ala yali en anga den sama fi en be e go na a tempel a Yelusalem fu dini Gadu. A omen dei a be e teke fu waka komoto a Nasaleti go a Yelusalem. Den pasi á be moin. A mongo den be e subi e saka, ma toku den be e go. Leisi Lukasi 2:39-42, da i luku efii poi piki den akisi ya:

I si enke a be makiliki gi Yesesi anga den sama fi en fu e go a Yelusalem?
San a wantu sani di sa meke a taanga gii fu kon a den komakandaa?
I si enke a de fanowdu fii kon a komakandaa winsi aa makiliki? Saide?

Beibel e soi kiin taki a pelensipali fu e kon makandaa anga taawan fu dini Gadu. Leisi Hebrewsama 10:24, 25, da i luku efii poi piki a akisi ya:

Saide u mu e go na ala den komakandaa?

SON SAMA E TAKI: ‘I naabi fu kon makandaa anga taawan. Solanga ye leisi a Beibel a osu a bun kaba.’

Sowtu tekisi efuso toli aini Beibel e soi taki Yehofa wani u kon makandaa anga taawan?

SAI LELI?

Den komakandaa e yeepi i fu kon sabi Yehofa moo bun. A sani ya e yeepi i fi yu anga en toon moo bun mati. Te ye go a komakandaa ye miti taa sama di e dini Yehofa tu.