KALANSEN 10
Jehova Seerew ka lajɛnw be se k’i nafa cogo di?
I delila ka taga Jehova Seerew ka lajɛn dɔ la wa? N’i ma deli ka taga, n’a sɔrɔ i sirannin lo dɔɔni ka taga yen. N’a sɔrɔ i b’i yɛrɛ ɲininga ko: “Mun lo be kɛ o lajɛnw na? Mun na u kɔrɔtanin lo? Mun na n’ ka ɲi ka taga o lajɛnw na?” Kalansen nin na, i ben’a ye o lajɛnw be se k’i dɛmɛ cogo min na i k’i magwɛrɛ Ala la. I ben’a ye fana u be se k’i dɛmɛ cogo min na i ka ɲɛnamaya la.
1. Mun na Jehova Seerew be ɲɔgɔn lajɛn?
Bibulu sɛbɛbaga dɔ y’a ɲɛfɔ kuun jɔnjɔn min kama an ka ɲi ka ɲɔgɔn lajɛn. A y’a fɔ ko: “Ne bena barika la Masaba ye jama cɛma.” (Zaburuw 26:12). Bi fana, a ka di Jehova Seerew ye ka ɲɔgɔn lajɛn. Duniɲa kuru bɛɛ kɔnɔ, u be to ka ɲɔgɔn lajɛn lɔgɔkun o lɔgɔkun walisa ka Ala tando, ka dɔnkili la Ala ye ani ka delili kɛ. U be ɲɔgɔnyeba dɔw kɛ fana saan o saan walisa ka Ala bato.
2. I bena mun lo faamu an ka lajɛnw na?
An ka lajɛnw na, an be mɔgɔw kalan Ala ka Kuma na, k’a ‘kɔrɔ ɲɛfɔ janko mɔgɔw k’a faamu.’ (Neemi 8:8 kalan). An ka lajɛnw na, i bena lɔnniya sɔrɔ Jehova koo la. I bena lɔnniya sɔrɔ fana a jogo kabakomanw koo la. I kɛtɔ k’a faamu ko Ala b’i kanu, i ben’a ɲini k’i magwɛrɛ a la kosɔbɛ. I ben’a faamu fana ko a be se k’i dɛmɛ i k’i ka ɲɛnamaya kɛ cogo dɔ la min bena i wasa.—Ezayi 48:17, 18.
3. N’i be lajɛn kɛ n’an ye, i bena nafa juman lo sɔrɔ o la?
Jehova b’a ɲini an fɛ “an ka jija ka ɲɔgɔn dɛmɛ ka kanuya sira taama, ka koɲuman kɛ. An kana ban ka taga an ka ɲɔgɔnlajɛnyɔrɔ la.” (Eburuw 10:24, 25). An ka lajɛnw na, i ben’a ye ko mɔgɔw b’u mako don ɲɔgɔn na sɔbɛ la, ani ko olu fana b’a fɛ ka dɔ fara u ka lɔnniya kan Ala koo la. U ye jijali kuma minw sɔrɔ ka bɔ Bibulu kɔnɔ, u be ɲɔgɔn jija n’o ye (Ɔrɔmukaw 1:11, 12 kalan). I bena se ka baro kɛ ni cɛgwanaw, musogwanaw ani mɔgɔ furuninw ye. Ani, i ben’a ye ko u ninsɔndiyanin lo hali ni gwɛlɛyaw b’u kan. O bɛɛ kosɔn le Jehova b’a fɛ an ka to ka ɲɔgɔn lajɛn tuma o tuma!
A ƝINI KA DƆ LƆN TUGUN
An k’a filɛ mun lo be kɛ Jehova Seerew ka lajɛnw na, ani fɛɛn min kama kuun b’a la i k’i jija ka taga o lajɛnw na.
4. Jehova Seerew ka lajɛnw
Kerecɛn fɔlɔw tun be to ka ɲɔgɔn lajɛn walisa ka Jehova bato (Ɔrɔmukaw 16:3-5). Kɔlɔsikaw 3:16 kalan. O kɔ, a’ ye ɲiningali nin kɛ ani ka baro kɛ o kan:
-
Kerecɛn fɔlɔw tun be Jehova bato cogo di?
Bi fana, Jehova Seerew be to ka ɲɔgɔn lajɛn u ka batolibonw kɔnɔ. Walisa k’a lɔn o lajɛnw be kɛ cogo min na, a’ ye VIDEWO filɛ. O kɔ, a’ ye foto lajɛ min ɲɛsinna kafo ka lajɛn dɔ ma. Ani, a’ ye ɲiningali nunu kɛ ani ka baro kɛ u kan:
-
I ye min kalan Kɔlɔsikaw 3:16 kɔnɔ, i ye mun lo kɔrɔsi Masaya Boon na min bɔnin be o ma?
-
I ye fɛɛn wɛrɛ juman lo kɔrɔsi videwo nin na wala foto nin na min be lajɛntaga nege don i la?
Vɛrise nin kalan: 2 Korɛntikaw 9:7. O kɔ, a’ ye ɲiningali nin kɛ ani ka baro kɛ o kan:
-
Mun na wari tɛ deli mɔgɔw fɛ Jehova Seerew ka lajɛnw na?
I ka kalanfa ɲininga kalan minw bena kɛ lajɛn nata la.
-
O kalanw na, juman lo ka di i ye ka tɛmɛ tɔɔw kan, wala juman lo bena i nafa kosɔbɛ?
I b’a lɔn wa?
An ka lajɛnw be kɛ yɔrɔ minw na ani lɛri minw na duniɲa kuru bɛɛ kɔnɔ, i be se k’o sɔrɔ jw.org kan.
-
An ka lajɛnw na, kalanw be kɛ, videwow be yira, ani u be koo dɔw kɛcogo ɲɛyira. O lajɛnw be daminɛ ani u be laban ni dɔnkili ni delili ye.
-
Lajɛn yɔrɔ dɔw la, u b’a ɲini jama fɛ u ka lakalitaw kɛ.
-
Bɛɛ be se ka na an ka lajɛnw na: denbayaw, minw ma furu, mɔgɔkɔrɔbaw, ani denmisɛnw.
-
Donsara tɛ an ka lajɛnw na ani wari tɛ deli mɔgɔw fɛ.
5. Ka taga lajɛnw na, o tɛ ɲɛ jijali kɔ
An ka Yezu ka denbayamɔgɔw ka koo lajɛ. Saan o saan, u tun ka ɲi ka bɔ Nazarɛti, ka kilomɛtɛrɛ 100 kɛ kuluyɔrɔw la walisa ka taga Alabatoso la Zeruzalɛmu. Luka 2:39-42 kalan. O kɔ, a’ ye ɲiningali nunu kɛ ani ka baro kɛ u kan:
-
E ka miiri la, o voyazi tun ka nɔgɔ u fɛ wa?
-
I ka ɲi ka jijali juman lo kɛ ka se ka taga lajɛnw na?
-
E ka miiri la, kuun b’a la i k’o kɛ wa? Mun na i ko ten?
Bibulu b’a fɔ ko a kɔrɔtanin lo kosɔbɛ an ka ɲɔgɔn lajɛn ka Jehova bato. Eburuw 10:24, 25 kalan. O kɔ, a’ ye ɲiningali nin kɛ ani ka baro kɛ o kan:
-
Mun na an ka kan ka taga lajɛnw na tuma o tuma?
NI MƆGƆ DƆ Y’A FƆ I YE KO: “Kuun t’a la i ka lajɛn kɛ ni tɔɔw ye walisa ka Bibulu kalan. I be se k’a kalan i kelen n’i kelen i ka soo.”
-
I bena vɛrise juman lo kalan, wala i bena Bibulu ka maana juman lo lakali walisa k’a yira Jehova b’a fɛ an ka min kɛ?
MIIRIYA JƆNJƆN
N’i be taga lajɛnw na, o bena i dɛmɛ ka dɔ lɔn tugun Jehova koo la. O la, aw ka teriya bena barika sɔrɔ, ani i bena se k’a bato ni tɔɔw ye.
I ye mun lo faamu?
-
Mun na Jehova b’an jija ko an ka ɲɔgɔn lajɛn?
-
I bena mun lo faamu Jehova Seerew ka lajɛnw na?
-
E ka miiri la, lajɛnw be se k’i nafa cogoya wɛrɛ juman na?
NUNU LAJƐ FANA
N’i sirannin lo dɔɔni ka taga an ka lajɛn na do? Cɛɛ dɔ tun be n’o gwɛlɛya ɲɔgɔn ye. A filɛ fɛɛn min y’a to lajɛnw diyara a ye.
A filɛ lajɛnw diyara kanbele dɔ ye cogo min na, ani a ye min kɛ walisa a kana fɔn lajɛnw na.
A filɛ mɔgɔ dɔw be min miiri an ka lajɛnw koo la.
“Pourquoi assister aux réunions tenues à la salle du Royaume ?” (A be sɔrɔ jw.org kan)
A filɛ cogo min na bandikɔrɔ dɔ ka ɲɛnamaya kɛcogo yɛlɛmana pewu a taganin kɔ Jehova Seerew ka lajɛn dɔ la.
“Je ne sortais jamais sans mon arme” (Saan 2014, zuwekalo tile fɔlɔ ka Kɔrɔsili Sangaso)
